50 Wɛcɔ́ ŋu wɔp ɡɔ́ɔ ɛ́sɔŋ níi nɛlɔk ŋ́kʉ́ɔꞋ ŋu ńtɔ́ nɛkʉ́ɔꞋ, ńcẅɛɛtɛ nɛtúutɛ-ŋɡɑŋfɑꞋ-tɑ́tndɑ́-pɑnɔŋpɔꞋ nǔu ɡúŋ-pɔ́ tʉʉ.
Wɛcɔ́ tɑꞋ nǔu pʉɔ pi pɔ́p pɛ́ Yɛ́su kɑ pɔ́nɛ, sɔŋ níi-ntsɔ, ḿmɑꞋ nɛlɔk ŋ́kʉ́ɔꞋ ɡɑŋfɑꞋ-tɑ́tndɑ́-pɑnɔŋpɔꞋ, ɛ́ kẅɛ́ɛtɛ nɛtúutɛ nɛ́, ńzwɑ́.
Yúu mi pɛk lɔknɛ ḿmɑꞋ ntsɔ kɑ́ pɔ́ pɔ yɛ pʉɔmɛsɔŋ pɔ́, mɛtʉʉ mi ɛ́ nǔu fú mbɔ̌ Sɛ́, nɛpɔ́ yi pɛk ɡʉ ńdɔk ɛ́sɑt kʉ̈ɔ́ lɑ́ yi ɛ́ tʉʉnɛ tú. Pɛk sɛ́ ńjɔ́Ꞌ mɛkwɑŋɛ mi ɛ́ pɔ́ pɔ mɛ́ cɔtnu.
Pʉʉ pɛsúu pɑ́ɑ, kɔɔ ŋu wʉ́ʉ shɔtnɛ ńtsɔ́Ꞌ nu kɛpɔŋ yi pɛ́ ɡɛnɛ nǔu wɛ́, ŋ́ɡɑ́ yɛcɔ́. A nɑ́ Sɛ́ lɑ́Ꞌnɛ ḿbʉ̈ɔt, mbíꞋŋɡɔ ɛ́ tsɛt ŋwɑꞋnɛ-Sɛ́, jʉ́ Tsɑpʉɔ cú ŋɡɔ: «Mɔ ɡẅɛɛnɛ nɛtsɔ́Ꞌ nu kɛpɔŋ ŋ́ɡɑ́ yɛcɔ́, mɔ ɡẅɛɛnɛ nɛtsɔ́Ꞌ fɑꞋ mbɑ wɔ̌ lɑ́».
Gɑŋku-Yɛ́su pɔ́p ḿbɔ́nɛ nɛjɔ́ŋ yɛ jʉ́ɔ yúu mi ɛ́ ɡɛ ńdɛɛ, ḿbíkŋɛ wɛ́ ŋɡɔ: «Tsɑpʉɔ, pɛk lɔk mɛníi ńdʉ̈ɔ́Ꞌ?»
Lɑ́ Yɛ́su kɑkŋɛ wɛ́ ńcú ŋɡɔ: «pʉʉ pɔ́tnɛ ńnɑ́ŋ, ɛ́ kɛ ŋ́ɡɔ́ɔ ŋ́kuꞋ pɑ́Ꞌ.» Ŋ́ɡɔ́ɔ ńzɑ́p pɔ́ yɛ́ nǔu nɛtúutɛ ɛ̂nɑ́, ɛ́ fíitɛ.
