Lúkɑ́shi 22:43 - Kɑɑ Fí

⁴³ Ńcú pɔ́Ꞌɔ, tɑ́Ꞌ Cʉ̈ɔꞋ-Sɛ́ tɔ́ ḿbɔ́ ńtɔ́ɔtɛ wɛ́.

Lúkɑ́shi 22:43 交叉引用

Mɑtʉ̈ɔ 4:11

Sɑ́ttɑ ɡɔ́ɔ ŋ́kɛ́ ńnɑ́ Yɛ́su. Pɛcʉ̈ɔ́Ꞌ-Sɛ́ tɔ́, ḿbɔ́ ńniitɛ yúu ńdɔk ńdíŋɛ wɛ́.

Ɛ́bɛlʉʉ 1:14

Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.

Mɑtʉ̈ɔ 26:53

Ɔ kɑ́ pɔ́ ńjí ŋɡɔ ɛ́ lɑ́Ꞌ ḿbɔ́ pɛ́Ꞌnɛ ḿbɔ́ nu-ntsɔ, mbɔ n dɑ́Ꞌ ɛ́fúŋ Tɑ̌ɑ mɔ ɑ ɡɔ́ɔ ńtúu pɛcʉ̈ɔ́Ꞌ pɛ́, tɛ pɔ́p lɛɛ ntsɑ́Ꞌ nɛ ntsɑ́Ꞌ.

Ɛ́bɛlʉʉ 1:6

Lɑ́ ɛ́ kɑ kɛ́ ŋ́ɡʉ ŋkɑ́ yi Sɛ́ kɑ pɔ́ ŋ́ɡʉ ŋ́ɡɛ Mɔ́ɔ nɛ ẅí jʉ́ pɔ́nɛ túmbi nǔu mbɑ kʉ̈ɔ́lɑ́ tɔ́ ndǔmbí, jʉ́ Sɛ́ cú ŋɡɔ: «Ɛ́ pɔŋ ŋɡɔ pɛcʉ̈ɔ́Ꞌ pɛ́ jʉ́ Sɛ́ pɛ́tsʉʉ ɡúꞋlɛ wɛ́,»

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Lúkɑ́shi 22:32

Lɑ́, n cɛꞋlɛ Sɛ́ nǔu tú yú, nɛpɔ́ yi ɔ kɛ́ puu ŋ́kɑ́ɑ kɑ́ɑnɛ nǔu nɛzɑ́p tʉ́m nǔu mɔ pɔ́. Ɔ ɡɛ ḿbɛn ḿbɔ́ tɛ ńtsuŋ ńzɑ́p tʉ́m yú nǔu mɔ, ḿbɔ́ ńníꞋ tʉ́m-pɔ́ɔpɛ́mɑ́ pú.»

Mɑtʉ̈ɔ 4:6

Ńcú mbɔ̌ wɛ́ ŋɡɔ: «Pɑ́Ꞌ ɔ mɔ́ɔ-Sɛ́ lɑ́, kít ńtʉ́ʉ sɛ́, mbíꞋŋɡɔ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Sɛ́ ɡʉ ɛ́sẅíi pɛcʉ̈ɔ́Ꞌ pɛ́ pɑ́Ꞌ pɔ́p ɡʉ ŋ́ɡɛ nǔu ɡu, pɔ́p ɡʉ ńdɔk mbɔ́ mɔ́p ńtíi wú tɛ ɔ pɔɔ tɛ́m ku yú nǔu ŋɡɔꞋ pɔ́.”»

Ɛ́bɛlʉʉ 2:17

Ɛ́ kɑ pɔ́ pɔ́Ꞌɔ, ḿbɔ́ ḿbíkŋɛ ŋɡɔ ɑ ɡʉ nǔu mbɑ kʉ̈ɔ́ lɑ́ ḿbɔ́ pɑ́Ꞌ pɔ́ɔpɛ́mɑ́ pɛ́, ɛ́ lɛɛ pɔ́Ꞌɔ, ɑ pɔ́ nɔŋpɔꞋ wɛ ɡwɛ́ ẅí ɑ nɑ́ŋnɛ ńtsɑ́ɑ mɛjʉ́ŋ-pʉɔ, ńjí yɛ́ pɔ ndɑꞋ nɛfɑꞋ mbɔ̌ Sɛ́, nɛpɔ́ yi ɑ ɡʉ ŋ́ɡɛ Sɛ́ likŋɛ mɛfɑɑnɛ-pʉɔmɛsɔŋ.

ŊwɑꞋnɛ-Gɑŋntúu Yɛ́su Kɛlístɔ 18:23

ŋ́kúu Antíyɔshɛ, ńnɑ́Ꞌ ńzɛɛ ńnɑ́ŋ lɑ́ ŋ́ɡʉ, ńjɛ́Ꞌ wɛ́ pɑk-ŋɡɔŋ-Ŋɡɑlɑ̂t pɔ́p Filíjîi, ńnɛn ńníꞋ mɛtʉʉ pʉɔ-Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»