Lúkɑ́shi 22:29 - Kɑɑ Fí

²⁹ Ɛ́ yɛ́t lɑ́, ndʉ́ŋndʉŋ pɑꞋ Tɑ̌ɑ mɔ kɑ ɡɑ́nɛ nɛfɔɔ mbɔ̌ mɔ lɑ́, ŋ ɡɛ ńdɑ́Ꞌ ŋ́ɡɑ́ nʉ́ʉ nɛfɔɔ.

Lúkɑ́shi 22:29 交叉引用

2 Timɔtɛ́ɛ 2:12

Pɛkŋɛ lɑɑ ŋ́kɛ́ ḿbɔ́ ɛ́sʉk tsɛt ŋɡʉ̈ɔ́Ꞌ sʉknɛ pɑ́Ꞌ jʉ́, mbɔ pɛkŋɛ pɛpɔ́p ɡʉ ŋ́ɡɛ ńtɛmtɛ ɛ́sɑ́Ꞌ ŋɡɔŋ. Pɛkŋɛ lɑɑ kɛ́ ḿmuŋɛ wɛ́, mbɔ ɑ ŋ́ɡɛ ḿmuŋɛ wɛkŋɛ ɡúu.

Mɑtʉ̈ɔ 25:34

Fɔɔ ɡɔ́ɔ ŋ́kɛ́ ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi tʉʉ ŋɡɔ: «Pʉʉ ẅínɛ tɑ̌ɑ mɔ kɑ níꞋnɛ mbɔ́tnɛ nǔu pʉʉ, pʉʉ tɔ́ ŋ́kúu tsɛt nɛfɔɔ ní Sɛ́ kɑ lɑ́Ꞌ ńniitɛ ńdɔk ńzẅíꞋlɛ wʉ́ʉ tɛ ɛ́fú nɛnɔŋ ŋɡɔŋ.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Mɑtʉ̈ɔ 24:47

Ɛ sẅíi wʉ́ʉ, kwɑꞋ nɛ́nẅín, tɑ́fɑꞋ wɛ ɡʉ ńníꞋ yúu pɛ́ tsʉʉ tsʉʉ mbɔ̌ wɛ́.

Lúkɑ́shi 12:32

Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.

Lúkɑ́shi 19:17

Fɔɔ tsɔ́Ꞌ ŋɡɔ: «Ɛ́ pɔ́ŋ, ɔ ŋɡɑŋfɑꞋ wɛ sʉ́Ꞌnɛ. PɑꞋ ɔ pɑ́ɑnɛ mɔ́ncɛꞋ yúu sʉ́Ꞌnɛ lɑ́, mɔ ŋ́ɡɑ́ mɛtʉ́sɔŋ nɛɡɛ́m ɔ pɔ́nɛ ɛ́sɑ́Ꞌ.»

1 Pyɛ̂ 5:4

Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ńdɑ́Ꞌ lɛ́Ꞌ yi mbyɛ́pmbí wɛ ɡwɛ́ ńtɔ́, ɑ tɔꞋ ŋɡúꞋ tú pʉʉ, yi ndɛn wɛ kɛ́ lɑ́Ꞌ ḿmɛ pɔ́.

1 Kɔlɛ̂ŋtɛ 9:25

Pɑɡɛ mɛtɑ́ɑmɛ mi nu mɛtʉʉ nǔu, pɔ́p lʉꞋ mɛyúu tɛꞋ, ńjí pɑ́Ꞌ pɔ́p ɡʉ ŋ́ɡẅɛɛ mbʉʉ yɔp pɔ́Ꞌɔ, ńdɔk ńtsɑ́ɑ pɑ́Ꞌ pɛ́ ɡʉ ńdɑ́Ꞌ ńtɔꞋ ŋɡúꞋ yɔp. Yîyɑ́ ŋɡúꞋ pɔ́ yi ɛ́ ɡʉ ńdɑ́Ꞌ ḿbʉ́ʉpɛ. Lɑ́ ŋ́ɡʉ nǔu pɛkŋɛ, pɛkŋɛ ɡɔ́ ŋ́ɡɛ pɔ́Ꞌɔ, ńtsɑ́ɑ ŋɡúꞋ yi ɛ́ kɛ́ lɑ́Ꞌ pʉ́ʉpɛ pɔ́.

2 Kɔlɛ̂ŋtɛ 1:7

Ɛ́ ɡʉ ŋkɑ́ yi pɛk sɛ́ ŋ́kwɑŋɛ wʉ́ʉ pɛk tsuŋ ńjí ŋɡɔ ɛ́ lɑɑ ḿbɔ́ pɛk pɔɔ wʉ́ʉ pɔ́k, mbíꞋŋɡɔ pɛk sɛ́ ńjí ŋɡɔ, ndʉ́ŋndʉŋ pɑ́Ꞌ pʉʉ sɛ́ ńjʉ́ɔ yʉ́ʉ ŋɡʉ̈ɔ́Ꞌ lɑ́, Sɛ́ pɛn ḿbɔ́ ńtɔ́ɔtɛ wʉ́ʉ ɡúu pɑ́Ꞌ pɛk.

Mɛnu ɛ́ ńdɑ́Ꞌ ńcẅɛt 21:14

Pɛ́ kɑ lɔk mɛmɑ́ ŋɡɔꞋ ntsɔ̌ppɑ́ nɛ́ nɛɡɛ́m ńnɔŋ cʉ́-tɑ́ɑŋkɑ́Ꞌ ẅi ɛ́ kɑ zɛmɛ́nɛ tʉ́sɔŋ, mbɑ yɛ́tɛ́ ŋɡɔꞋ pɔ́ ŋ́ɡẅɛɛ lík tɑ́Ꞌ ŋu nǔu ɡɑŋntúu-Mɔ́ɔ-Njinjɔ pí pɔ́p m̄bɔ́nɛ ntsɔ̌ppɑ́ nɛ́ nɛɡɛ́m.

Mɑtʉ̈ɔ 5:3

«Pɛpɔ́ttú pʉɔ pinɛ pɔ́p jínɛ ŋɡɔ pɔ́p mbi-Sɛ́ ḿbɔɔ yɛcɔ́ yúu kuꞋ, mbíꞋŋɡɔ pɔ́p jʉ́ pii nɛfɔɔ-Sɛ́.

Mɑtʉ̈ɔ 5:10

Pɛpɔ́ttú pʉɔ pinɛ pɛ́ sɛ́ ńzɑ́Ꞌ ku yɔ́p mbíꞋŋɡɔ pɔ́p sɛ́ ŋ́ɡɛ pɑ́Ꞌ Sɛ́ píkŋɛ́nɛ, mbíꞋŋɡɔ pɔ́p ɡʉ ŋ́ɡɛ ńjʉ́ pii-nɛfɔɔ-Sɛ́.»

Mɑtʉ̈ɔ 25:21

Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»