Lúkɑ́shi 21:36 - Kɑɑ Fí

³⁶ Pʉʉ pɑ́ɑ nɛlɛ́, ḿbɔ́ ńcɛꞋlɛ Sɛ́ ŋkɑ́ tsʉʉ, ɑ ɡɑ́ wʉ́ʉ nɛ́ mɛtʉʉ nɛlɔk ńdɛɛ mɔ mɛnu mi ɛ́ sɛ́ ńtɔ́ lɑ́ɑ, mbɑ nɛlɔk ńtʉ́ʉ kɛ́ kɔ́ sʉ́ʉ mbi Mɔ́ɔ-Ŋu.»

Lúkɑ́shi 21:36 交叉引用

1 Jɑ̂ŋ 2:28

Pɑ́Ꞌ ɛ́ pɔ́Ꞌɔ lɑ́, mbɑ̌ɑ mbɔ́ŋkʉ̈ɔ́ pɑ́ɑ, pʉʉ kɛ́ ńdɑt mbʉʉ yʉʉ pɔ nǔu Kɛlístɔ, ńjí ŋɡɔ ɛ́ ɡʉ ńdɑ́Ꞌ lɛ́Ꞌ yi ɑ cẅɛtnɛ, pɛkŋɛ pɔɔ yɛcɔ́ yúu pɔ́k, tʉ́m yɛkŋɛ pɔɔ sii ńcʉ̈ɔꞋ nǔu yɛcɔ́ yúu pɔ́. Ɛ́ pɔ́ lɛ́Ꞌ ɛ̂yɑ́, pɛkŋɛ pɔɔ tʉ́ʉ mbi yɛ́ sʉ́ʉ kɔ́ wɛkŋɛ pɔ́.

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.

Mɑtʉ̈ɔ 25:13

Yɛ́su mikŋɛ ŋɡɔ: «Ɛ́ yɛ́tɛ́ lɑ́ pʉʉ pɑ́ɑ nɛmɛꞋ mbʉʉ yʉʉ, mbíꞌŋɡɔ pʉʉ kɑ́ pɔ́ ńjí lɛ́Ꞌ pɔ́, ŋ́kɛ́ ḿbɔɔ ḿbɔ́ ńjí ŋkɑ́ yi Mɔ́ɔ-Ŋu ɡʉ ńdɑ́Ꞌ ńtɔ́ pɔ́.»

Mɑtʉ̈ɔ 24:42

Ɛ́ yɛ́tɛ́ lɑ́ pʉʉ pɑ́ɑ nɛmɛꞋ ku, mbíꞌŋɡɔ pʉʉ kɑ́ pɔ́ ńjí lɛ́Ꞌ yi Tsɑpʉɔ wʉʉ ɡʉ ńtɔ́ pɔ́.

1 Pyɛ̂ 4:7

Ndẅiknzʉʉ ŋkɑ́ yɛ mbɑ kʉ̈ɔ́ lɑ́ sɛ́ ŋ́kuꞋ. Pɑ́Ꞌ ɛ́ pɔ́Ꞌɔ lɑ́, pʉʉ pɔ́ pɑjínu. Kɔɔ pʉʉ ḿmɛꞋ mbʉʉ yʉʉ, ńjí ŋɡɔ pʉʉ ɡʉ ŋ́kuꞋ nɛcɛꞋlɛ Sɛ́.

1 Kɔlɛ̂ŋtɛ 16:13

Kɔɔ pʉʉ mɛꞋ mbʉʉ yʉʉ ńdɛ́, pʉʉ zɑ́p tʉ́m nǔu Sɛ́ kɛ́ kɑ́ɑ, pʉʉ pɔ́ɔ mbɛ́ɛnɛ, pʉʉ tɛntɛ tɛntɛ́nɛ.

Lúkɑ́shi 18:1

Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

Mɑ́lɛ́kúshi 13:33

Pʉʉ kɛ́ ńdɑk tú yʉ́ʉ, kɔɔ pʉʉ fʉ̈ɔ́nɛ, ńdɛ́. Mbíꞌŋɡɔ pʉʉ kɑ́ pɔ́ ńjí ŋkɑ́ yi mîmɑ́ mɛnu ɡʉ ŋ́ɡɛ ńtɔ́ pɔ́.

Jẅidɛ 1:24

Gúꞌlɛ pɔ́ mbɔ̌ ŋu ẅí ɑ kuꞋ nɛtʉ̈ɔ́Ꞌlɛ wʉ́ʉ tɛ pʉʉ pɔɔ vu, jʉ́ ẅi ɑ kuꞋ nɛɡɛ pʉʉ cẅɛt ńtʉ́ʉ nǔu zʉꞋ-nɛɡúꞋ yi kwɑꞋ jʉ́ ɑ zúꞋu tɛ lɔ́Ꞌ pɔɔ nǔu pʉʉ pɔ́, ḿbɔ́ ńtsɑ́ɑtɛ tsɑ́ɑtɛ́nɛ,

Mɑtʉ̈ɔ 26:41

Kɔɔ pʉʉ pɛn ńdɛ́, pʉʉ cɛꞋlɛ Sɛ́, ḿbɔ́k mɛnu nɛkwɑꞋnɛ wʉ́ʉ, pʉʉ vu. Tʉ́m-ŋu tɛntɛ tɛꞋ lɑ́, mbɑp-mbʉʉ pɔ́t pɔ́tnɛ.»

1 Tɛsɑlɔník 5:17

Pʉʉ pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ,

Mɑ́lɛ́kúshi 13:37

Nu yi n cúnɛ mbɔ̌ pʉʉ lɑɑ, n cú mbɑ mbɔ̌ pʉɔ tsʉʉ. Kɔɔ ŋu fʉ̈ɔ́nɛ ńdɛ́.

2 Timɔtɛ́ɛ 4:5

Lɑ́ ŋ́ɡʉ nǔu ɡu, ɡɛ yú mbɑ kʉ̈ɔ́ lɑ́ ɛ́ kuꞋ kuꞋnɛ. Ŋɡʉ̈ɔ́Ꞌ kúu wú ɔ sʉk sʉknɛ. Kɛ́ ḿbɔ́ ɛ́fɑꞋ pɔ fɑꞋ yú yi ɛ́ nɛcẅi Ŋkʉʉ Sʉ́Ꞌnɛ-Sɛ́ mbɔ̌ pʉɔ. Ɛ́fɑꞋ fɑꞋ-Sɛ́ yi ɔ nǔu sʉ́Ꞌnɛ.

Kɔlɔsíyɛ̂ŋ 4:2

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́ cɛꞋlɛ́nɛ, kɔɔ pʉʉ lɛ́, pʉʉ pɔ́ ŋ́ɡɛ pɔ́Ꞌɔ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́,

ŊwɑꞋnɛ-Gɑŋntúu Yɛ́su Kɛlístɔ 10:2

A pɔ́ ŋu, pɔ́p njẅɛt yɛ́ tsʉʉ ɡɛ mɛkuꞋ Sɛ́, ḿbɔ́ ńzúꞋ ntsu wɛ́. A pɛn ńcẅɛ́lɛ́ pɑyúdɑ pi pɔ́p pɛpúŋ tɛ ɛ́ zɑ́ɑ zɑ́ɑnɛ, ńnɑ́ŋ ńcɛꞋlɛ Sɛ́ ŋkɑ́ tsʉʉ.

Lúkɑ́shi 20:35

Lɑ́ ŋ́ɡʉ nǔu pʉɔ pinɛ Sɛ́ jʉ́ɔnɛ ŋɡɔ ɑ ɡʉ ńzẅíimɛ wɔ́p, pɔ́p kúu yɔ́p tsɛt ŋɡɔŋ fí, wɛcɔ́ nɛzɔ́Ꞌ pɔɔ pɛn ḿbɛ́t ɡú pɔ́.

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.

Mɑtʉ̈ɔ 24:43

Jínɛ sʉ́Ꞌnɛ ŋɡɔ, ŋɡɑŋndɑ́ ḿbɔ́ pɛ́Ꞌnɛ, ńjí ŋkɑ́ yi ntsɔ́ŋ ɡʉ ńtɔ́, mbɔ ɛ́ lɑɑ ḿbɔ́ ɑ lɛ́ kɛ́ lɛ́, nɛpyɛ́p tɛ ntsɔ́ŋ pɔɔ kúu njɛ́Ꞌ yɛ́ pɔ́.

Mɑtʉ̈ɔ 24:44

Ɛ́ Pɔ́Ꞌɔ lɑ́, mbɑ pʉʉ yʉ́ʉ, pʉʉ niitɛ mbʉʉ yʉʉ ḿbyɛ́p, mbíꞋŋɡɔ Mɔ́ɔ-Ŋu ɡʉ ŋ́ɡɛ ńtɔ́ ŋkɑ́ yi pʉʉ ḿbyɛ́p pɔ́.

Lúkɑ́shi 1:19

Cʉ̈ɔꞋ-Sɛ́ pʉ̈ɔt ŋɡɔ: «Mɔ Ŋɡɑ́ɑpɛliyɑ, n zúꞋ pɔ mbɔ̌ Sɛ́. Jʉ́ túunɛ wɑ́ɑ ŋɡɔ n tɔ́ ɛ́sɑ́Ꞌ wɔ Ŋkʉʉ sʉ́Ꞌnɛ mbɔ̌ wu.

Lúkɑ́shi 21:35

Ɛ́ pɔ́ mbɔ̌ pʉʉ pɑꞋ ɡwɑk lɑ́. Pʉʉ jí ŋɡɔ mɛnu-yîyɑ́ lɛ́Ꞌ ɡʉ ńdɑ́Ꞌ ḿvukŋɛ vukŋɛnɛ ŋ́ɡẅɛɛ pʉɔ tsʉʉ ndǔ tsɛ́tsɑ́Ꞌ.

2 Kɔlɛ̂ŋtɛ 4:14

ḿbɔ́ ńjí ŋɡɔ Sɛ́ ẅi ɑ kɑ ɡɛnɛ Tsɑpʉɔ Yɛ́su zẅíimɛ nǔu nɛvú, ɡʉ ŋ́ɡɛ ḿbɛn ŋ́ɡɛ pɛkŋɛ zẅíimɛ yɛkŋɛ, mbíꞋŋɡɔ pɛkŋɛ lɑt mbʉʉ nǔu Yɛ́su, Sɛ́ ɡɛ pɛkŋɛ pɛ́tsʉʉ cẅɛt, pɛkŋɛ pɛ Yɛ́su cúꞋlɛ.

Mɛnu ɛ́ ńdɑ́Ꞌ ńcẅɛt 6:17

MbíꞋŋɡɔ mɑ́mɑ́ lɛ́Ꞌlɑ́Ꞌ yi pɔ́p ɡʉ ńzɑ́ŋ lɔ́ŋ pɑ́Ꞌɑ mbɔ ɛ́ lɑɑ ńtɔ́, mbɔ wɔ̌ ḿvuꞋ?

Mɛnu ɛ́ ńdɑ́Ꞌ ńcẅɛt 7:9

N jʉ́ɔ mɔ mɛyúu tɛ ḿbɔ́tnɛ ńnɑ́ŋ, m bɛn ńjʉ́ɔ nɔɔ-lɑ́Ꞌ yi mbɔ ŋu pɔɔ sɑ́ŋ tɛ ńjí ndɛn pɔ́. Mbɔ pʉɔ fú nǔu mɛŋɡɔŋ tsʉʉ, ɛ́fú nǔu mɛnjẅɛt mɛnjẅɛt, ḿbɔ́ mɛntɛ́ mɛntɛ́, ɛ́sẅíŋɛ mɛsẅíŋɛ ntɛ́ ntɛ́ mi ɛ́ ndǔ tsɛ́tsɑ́Ꞌ. Pɔ́p kɑ tʉ́ʉ mbi kɔꞋ-nɛfɔɔ, mbɑ mbi Mɔ́ɔ-Njinjɔ, ḿmɑꞋ mɛfúfú ndẅí, ŋ́ɡẅɛɛ mɛzɑ́ŋ-nɛtʉ́ɔ,

Mɛnu ɛ́ ńdɑ́Ꞌ ńcẅɛt 8:2

N jʉ́ɔ pɛ́ ɡɑ́ mɛntɑŋ Sɑɑmbɑ́ mbɔ̌ pɛcʉ̈ɔ́Ꞌ-Sɛ́ sɑɑmbɑ́ pi pɔ́p ntʉ́ʉnɛ mbi Sɛ́.

Mɛnu ɛ́ ńdɑ́Ꞌ ńcẅɛt 11:4

Pîpɑ́ pɑjʉ́njʉ́ɔ pɛ́pɑ́ pi pɔ́p cúnɛ nu yí pɔ́p jínɛ nǔu mɔ, ɛ́ mɛtʉ́-mɛɡwɛ́t-Ɔliivɛ mɛmbɑ́, ŋ́ɡɛ mɛkyɛꞋ mɛmbɑ́ mí ɛ́ tʉ́ʉnɛ mbi Tsɑpʉɔ ẅí ɑ sɑ́Ꞌnɛ mbí tsʉʉ.