Lúkɑ́shi 21:34 - Kɑɑ Fí

³⁴ Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,

Lúkɑ́shi 21:34 交叉引用

Mɑ́lɛ́kúshi 4:19

ŋ́ɡɛ ńzɛ nɛmʉk mɛnu ndǔ mbí, ŋkɑ́p zɛ nɛfʉ́klɛ wɔ́p, pɔ́p pɔ́ ńtsɑ́ɑ mɛcɔ́ mɛyúu tɛ ńzɑ́ɑ, yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ zɛ́m ntɑ́ɑ.

Lúkɑ́shi 12:40

Pɔ́Ꞌɔ, mbɑ pʉʉ yʉ́ʉ, pʉʉ niitɛ mbʉʉ yʉʉ ḿbyɛ́p, mbíꞋŋɡɔ Mɔ́ɔ-ŋu ɡʉ ŋ́ɡɛ ńtɔ́, lɑ́ pʉʉ kɑ́ pɔ́ ńjí ŋkɑ́ pɔ́.

Mɛnu ɛ́ ńdɑ́Ꞌ ńcẅɛt 3:3

Pɔ́Ꞌɔ lɑ́, pʉʉ kɛ́ ŋ́kẅíitɛ yúu mi pɛ́ kɑ zíꞋnɛ wʉ́ʉ, ḿbɛn ŋ́kẅíitɛ ntɛ́ yi pʉʉ kɑ lɔknɛ ńzúꞋ. Pʉʉ ɡẅɛɛ yîyɑ́ yúu, ŋ́kúpmɛ mɑt wʉ́ʉ. Pʉʉ lɑɑ ḿbɛ́t ńdɛ́ lɛ́nɛ, mbɔ ŋ ɡʉ ḿvukŋɛ vukŋɛnɛ ńtɔ́ pɑ́Ꞌ ntsɔ́ŋ lɑ́, tɛ pʉʉ pɔɔ jí ŋkɑ́ yi mɔ ŋ́ɡɛ ńtɔ́ pɔ́.

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.

Ŋɡɑlɑ̂t 5:20

Pɑ́Ꞌ nɛɡúꞋlɛ yúu ŋɡɔ ɛ́ mɛsɛ́, pɑ́Ꞌ nɛɡẅɛɛ nɛkɑŋ, pɑ́Ꞌ nɛji mbuu, pɑ́Ꞌ nɛtɑ́k mɛfɛꞋ, pɑ́Ꞌ nɛɡẅɛɛ kɛ́ɡʉ̈ɔꞋ, pɑ́Ꞌ nɛcʉ̈ɔ́k, pɑ́Ꞌ nɛlɔɔ pɔ nɛtʉ́ʉ mbi nǔu mbɑ kʉ̈ɔ́ lɑ́, pɑ́Ꞌ nɛnɑ́ŋ pɔ fyɑkŋɛ fyɑkŋɛ́nɛ, pɑ́Ꞌ nɛɡɛ tɔŋ.

1 Kɔlɛ̂ŋtɛ 5:11

Ŋɡɑ́ŋ, ŋ kɑ pɔ́ ŋ́ŋwɑꞋnɛ ńcú mbɔ̌ pʉʉ pɔ ŋɡɔ, pʉʉ pɑ́ɑ ŋu ẅí ɑ tsɛtsɛt pʉʉ ḿbɔ́ ńcú ŋɡɔ ɑ mɔ́ɔmɑ́ wʉ́ʉ nzʉʉ Kɛlístɔ, ḿbɛn ńtsɛ́t mbɑ wɔ̌ lɑ́ pɔ́pnɛ́ nɔɔ nɔɔnɛ, ḿbɔ́ ntsɔ́ŋ, kɛ ḿbɔ́ pɔ ŋu ẅí ɑ ɡúꞋlɛ́nɛ mɛyúu ŋɡɔ ɛ́ mɛsɛ́ ɔɔ, kɛ pɔ ŋu ẅí ɑ sẅiŋɛ́nɛ kɛpɔŋ nǔu mɛlík-pʉɔ ɔ́ɔ, kɛ pɑ́lɛ́-mɛluꞋ ɔɔ, kɛ pɔ ŋu ẅí ɑ kɔŋnɛ ŋkɑ́p tɛꞋ ɔɔ. Kɔɔ pʉʉ pɛ yîyɑ́ ntɛ́ ŋu zɛɛ ńtɛmtɛ yúu ńjʉ́.

Mɑtʉ̈ɔ 13:22

Mbiyúu mi ɛ́ vunɛ tsɛt nɛɡíi kɛpɔŋ, nu-pʉɔ pínɛ pɔ́p zúꞋnɛ sẅíŋɛ-Sɛ́, ŋ́ɡɛ ńzɛ nɛmʉk mɛnu-njí, ńzɛ nɛzɑ́p tʉ́m yɔ́p nǔu ŋkɑ́p. Yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ pii.

Lúkɑ́shi 21:8

A tsɔ́Ꞌ ŋɡɔ: «Pʉʉ lɑk tú yʉ́ʉ, ḿbɑ́ɑ wʉ́ʉ nɛfʉꞋnɛ mɑt-pɛcɔ́ pʉɔ. MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ ńcú ŋɡɔ mɔ pɔ́nɛ Nzɑ́Ꞌŋkʉ, ŋkɑ́ kuꞋ. Pɔ́p lɑɑ ńcú pɔ́Ꞌɔ, kɔɔ pʉʉ zúꞋ tɛ ńcʉ́ɔ nzʉʉ pɔ́p.

Filipɛ 4:6

Kɔɔ pʉʉ púꞋ mbʉʉ yʉʉ nǔu yɛcɔ́ nu. Lɑ́, kʉ̈ɔ́ lɑ́ lɑɑnɛ ńtʉ́ʉ sɛ́ ɔɔ, pʉʉ púꞋ mbɔ́ mbɔ̌ Sɛ́, ɛ́sẅíi wɛ́ nɛ́ yúu mi pʉʉ sɛ́ ńtsɑ́ɑ, ḿbúꞋ mbɔ́ mbɔ̌ wɛ́, ḿbɛn ŋ́ɡɑ́ pɑ́Ꞌlɑ́ mbɔ̌ wɛ́.

Lúkɑ́shi 17:3

Pʉʉ kɛ ńdɑk tú yʉ́ʉ. Mɔ́ɔmɑ́ pɛ́ ŋu lɑɑ ŋ́ɡɛ nu kɛpɔŋ nǔu wɛ́, ɑ pɔ́tnɛ ɛ́sẅíi wɛ́, mbɔ ɑ lɑɑ ḿbɛ́m mɛfɑɑnɛ mɛ́, ɑ likŋɛ ŋ́ɡɑ́ mbɔ̌ wɛ́.

Lúkɑ́shi 10:41

Yɛ́su cú ŋɡɔ: «Mɑ́ɑtɑ, Mɑ́ɑtɑ, ɔ púꞋ mbʉʉ yu, ḿbɔ́ ńjʉ́ɔ ŋɡʉ̈ɔ́Ꞌ nǔu mɛyúu tɛ ńzɑ́ɑ.

Lúkɑ́shi 8:14

Mbiyúu mi ɛ́ vunɛ tsɛt nɛɡíi kɛpɔŋ, lɔk ḿbɔ́ pʉɔ pinɛ pɔ́p zúꞋ, ŋ́ɡɛ ńzɛ nɛmʉk mɛnu nji nji, ńzɛ nɛkwɑŋɛ ŋkɑ́p pɔ́p nɛnɑ́ŋ sʉ́Ꞌnɛ ndǔ tsɛ́tsɑ́Ꞌ, sẅíŋɛ-Sɛ́ ɡɔ́ɔ ḿbɛ́ kɛ́ ɡɛ yɛcɔ́ yúu tsɛt tʉ́m pɔ́p.

Mɑ́lɛ́kúshi 13:9

Pʉʉ lɑk tú yʉ́ʉ, pɛ́ ɡʉ ŋ́ɡɛ ńdɔk wʉ́ʉ ŋ́ɡʉ zʉꞋ yí pɛ́ zɑ́Ꞌnɛ ntsɑŋ zúꞋu, ńtswɑ́ɑ wʉ́ʉ mbɑ tsɛt mɛndɑ́-cúꞋlɛ-pɑyúdɑ, ńdɔk wʉ́ʉ ŋ́ɡʉ mbi pɛŋɡɔ́mnɑɑ pɔ́p pɛfɔɔ-mɛlɑ́Ꞌ mɔnɛ, ŋɡɔ pʉʉ sẅíi nu yɑ́ɑ mbi pɔ́p.

Ɛ́bɛlʉʉ 12:15

Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

2 Pyɛ̂ 3:10

Lɛ́Ꞌ lɑ́Ꞌ-Tsɑpʉɔ ɡʉ ńdɑ́Ꞌ ńtɔ́ pɔ pɑ́Ꞌ tsɔ́ŋ tɔ́nɛ lɑ́. Ɛ́ pɔ́ lɛ́Ꞌ ɛ̂yɑ́, nɛfɑŋ ɡɔ́ ḿmɛ, zʉꞋ zɔtnɛ tɛ pɛ́ pɔ́k. Yúu mi ɛ́ nɛfɑŋ puu ɛ́shí, tsɛ́tsɑ́Ꞌ pɔ́p yúu mi ɛ́ ndǔ puu mɛ.

Lúkɑ́shi 21:35

Ɛ́ pɔ́ mbɔ̌ pʉʉ pɑꞋ ɡwɑk lɑ́. Pʉʉ jí ŋɡɔ mɛnu-yîyɑ́ lɛ́Ꞌ ɡʉ ńdɑ́Ꞌ ḿvukŋɛ vukŋɛnɛ ŋ́ɡẅɛɛ pʉɔ tsʉʉ ndǔ tsɛ́tsɑ́Ꞌ.