Lúkɑ́shi 21:17 - Kɑɑ Fí

¹⁷ Pʉɔ tsʉʉ ɡɛ ńdɑ́Ꞌ mbuu ḿbɑɑ wʉ́ʉ mɛlɑ́Ꞌ wɑ́ɑ.

Lúkɑ́shi 21:17 交叉引用

Jɑ̂ŋ 15:19

«Pʉʉ kɑ pɔ́ pɛ́Ꞌnɛ ḿbɔ́ pʉɔ-ndǔmbí, mbɔ ndǔmbí kɔŋ wʉ́ʉ tɛꞋ, mbíꞋŋɡɔ ndǔmbí kɔŋ yúu mi ɛ́ yɛ́. Lɑ́ pʉʉ kɛ́ mbɔɔ pʉɔ-ndǔmbí pɔ́, mɔ kɑ tsɔ́Ꞌnɛ wʉ́ʉ, ɛ́fyɑk wʉ́ʉ nǔu pʉɔ-ndǔmbí. Ɛ́ yúu mi ɛ́ ɡɛnɛ ndǔmbí pɑɑ wʉ́ʉ.»

Lúkɑ́shi 6:22

Pʉʉ pɛpɔ́ttú, nǔu ŋkɑ́ yi pʉʉ cʉ́ɔ nzʉʉ mɔ́ɔ-ŋu, pɛ́ pɛn ḿbɔ́ ḿbɑɑ wʉʉ, ḿbɔ́ ŋ́kʉ́ʉnɛ wʉ́ʉ, ḿbɔ́ ńzɔɔtɛ wʉ́ʉ, ḿbɔ́ ḿbʉ́ʉpɛ lík yʉ́ʉ.

2 Kɔlɛ̂ŋtɛ 12:10

Ɛ́ yúu mi ɛ́ ɡɛnɛ m bɔ́ tɛ ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ mɔ ŋu-Kɛlístɔ, nu pɔŋ wɑ́ɑ, ḿbɔ́ tɛ ḿbɔ́ ńjɑ́k yúu, kɛ pɛ́ sɛ́ ŋ́kʉ́ʉnɛ wɑ́ɑ kʉʉnɛ́nɛ ɔɔ, kɛ mɔ sɛ́ sɑ́ŋ pɔ mɛcɔ́ mɛnu kɛ́kɑ́ŋ ɔɔ, nu pɔŋ wɑ́ɑ pɔŋnɛ, mbíꞋŋɡɔ m bɔ́ tɛ ḿbɔ́ ḿbɔ́t pɔ́tnɛ lɑ ńzúꞋ ŋ́ɡẅɛɛ tʉʉ.

Jɑ̂ŋ 15:21

«Pɔ́p ɡʉ ŋ́ɡɛ pɔ́Ꞌɔ nǔu pʉʉ mbíꞋŋɡɔ pʉʉ pʉɔ pɑ́ɑ, pɔ́p pɛn ŋ́kɛ́ ḿbɔɔ ḿbɔ́ ńjí ŋu ẅí ɑ kɑ túunɛ wɑ́ɑ pɔ́.»

Mɛnu ɛ́ ńdɑ́Ꞌ ńcẅɛt 2:3

Pʉʉ sɛ́ ɛ́sɑ́Ꞌ tʉʉ. Pʉʉ kɑ jʉ́ɔ ŋɡʉ̈ɔ́Ꞌ ntɛ́ wɑ́ɑ, ŋ́kɛ́ ḿbɔɔ kɑ́ɑ.

Filipɛ 1:29

A kɑ ɡɑ́ fuꞋ yʉ́ʉ, pʉʉ pɔ́ pʉɔ-Kɛlístɔ, lɑ́ ɛ́ kɛ́ mbɔɔ pɔ́ pɔ ndɑꞋ pɔ́Ꞌɔ pɔ́, ɛ́ pɛn ḿbɔ́ mbɑ nɛjʉ́ɔ ŋɡʉ̈ɔ́Ꞌ ntɛ́ Kɛlístɔ.

2 Kɔlɛ̂ŋtɛ 4:11

Pɛk pí pɛk pɛ́t ɡú, pɛk ŋkɑ́ tsʉʉ ḿbɔ́ pɔ ntsu-nɛvú, mbíꞋ nu-Yɛ́su. Ɛ́ pɔ́Ꞌɔ, nɛpɔ́ yi pɛ́ ɡʉ ńdíŋɛ wɛ́k, ńjʉ́ɔ ŋɡɔ luk-Yɛ́su nǔu mbʉʉ yɛk tɛ mbɑ pɑ́Ꞌ ɛ́ ɡʉ ŋ́ɡɛ ḿpfú.

Jɑ̂ŋ 17:14

Ŋ kɑ cú nu yú mbɔ̌ pɔ́p, pʉɔ-ndǔmbí pɑɑ wɔ́p mbíꞋŋɡɔ pɔ́p zɛɛ ḿbɔɔ pʉɔ-ndǔmbí pɔ́ pɑ́Ꞌ mbɑ mɔ yɑ́ɑ ŋ kɑ́ pɔ́ ŋu-ndǔmbí pɔ́.

Mɑ́lɛ́kúshi 13:13

Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ ńdɑ́Ꞌ sʉk kɛ́ kɑ́ɑ ɡʉnɛ ŋ́ɡɛ ńduk.»

Mɑtʉ̈ɔ 24:9

Pɛ́ ɡẅɛɛ wʉ́ʉ ŋ́ɡɑ́ pɛ́ nyɛt wʉ́ʉ nɛ́ ŋɡʉ̈ɔ́Ꞌ, ŋ́ɡɛ pɛ́ jẅí wʉ́ʉ. Mɛlɑ́Ꞌ tsʉʉ ɡʉ ńdɑ́Ꞌ ḿbuu ḿbɑɑ wʉ́ʉ mɛlɑ́Ꞌ wɑ́ɑ.

Mɑtʉ̈ɔ 10:22

Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ sʉknɛ kɛ́ kɑ́ɑ ɡʉ ŋ́ɡɛ ńduk.

1 Pyɛ̂ 4:14

Pɛ́ lɑɑ ńzɔɔtɛ wʉ́ʉ mbíꞋ lík-Kɛlístɔ, mbɔ pʉʉ pɛpɔ́ttú, mbíꞋŋɡɔ Zẅikŋɛ nɛɡúꞋ, Zẅikŋɛ-Sɛ́ nǔu pʉʉ,

ŊwɑꞋnɛ-Gɑŋntúu Yɛ́su Kɛlístɔ 9:16

KwɑꞋ mɔ ŋ ɡʉ ńzɛɛ ŋ́ɡɛ ŋɡɔ, ɑ jí ndɛn ŋɡʉ̈ɔ́Ꞌ yi ɑ ɡʉ ńjʉ́ɔ ntɛ́ nu yɑ́ɑ.»

Jɑ̂ŋ 7:7

Mbɔ pʉɔ-ndǔmbí pɔɔ wʉ́ʉ pɑɑ. Lɑ́ ŋ́ɡʉ nǔu mɔ, mbɔ pɔ́p pɑɑ wɑ́ɑ, mbíꞋŋɡɔ ŋ kɑ pɔ́ ɛ́sẅíi wɔ́p nɛ́ sẅíiŋɛ ŋɡɔ ŋɡɛnɛ nu yɔ́p kɑ́ pɔŋ.

Mɑtʉ̈ɔ 5:11

Pʉʉ pɛpɔ́ttú nǔu ŋkɑ́ yi pɛ́ ɡʉ ḿbɔ́ ńzɔɔtɛ wʉ́ʉ, ḿbɔ́ ńzɑ́Ꞌ ku yʉ́ʉ, ńtík sɔ́ɔ ntɛ́ nɛ́ ntɛ́ tú pʉʉ mɛlɑ́Ꞌ wɑ́ɑ.

2 Kɔlɛ̂ŋtɛ 4:5

Pɛk kɑ pɔ́ ŋ́ɡɔ ńcẅi Ŋkʉʉ Sʉ́Ꞌnɛ, mbɔɔ fɑꞋ pɔ pɑ́Ꞌ pɛ́ ɡʉ ńjí wɛ́k pɔ́, pɛk fɑꞋ pɔ pɑ́Ꞌ pɛ́ ɡʉ ńjí ŋɡɔ Yɛ́su Kɛlístɔ Tsɑpʉɔ. Pɛk tʉ́ʉ ḿbɔ́ pɔ pɑfɑꞋ fɑꞋ pi pɔ́p fɑꞋnɛ mbɔ̌ pʉʉ mbíꞋ Yɛ́su,

Lúkɑ́shi 21:16

KwɑꞋ pʉɔ pʉ́ʉ ɡɛ ńdɑ́Ꞌ ńzɑ́p nu nǔu pʉʉ, mbɑ kwɑꞋ pɛtɑ́t pʉ́ʉ pɔ́p pɛmɑ́ pʉ́ʉ, tɛ mbɑ pɔ́ɔpɛ́mɑ́ pʉ́ʉ, pɔ́p pʉɔ pinɛ pɔ́p pɑ́ɑtɛnɛ wʉ́ʉ, mbɑ pɛsúu pʉ́ʉ. Pɔ́p lɔk wʉ́ʉ ŋ́ɡʉ, pɛ́ ŋɑk wʉ́ʉ, jẅítɛ pʉɔ tɛ ńzɑ́ɑ tsɛtsɛt pʉʉ.

Lúkɑ́shi 21:18

Lɑ́, yɛcɔ́ tɑ́Ꞌ nuk kɛ́ ḿbɔɔ tsɔ́Ꞌnɛ tú pʉʉ tɛ ḿbɛ́ pɔ́.