Lúkɑ́shi 21:15 - Kɑɑ Fí

¹⁵ Mɔ ŋ́ɡɛnɛ ńzɛɛ ńdɑ́Ꞌ ŋ́ɡɑ́ jínu yi pʉʉ ɡɛ ńdɔk ńtsɔ́Ꞌ nu. Pʉʉ tsɔ́Ꞌ nu tɛ ɡɑŋmbuu pʉ́ʉ pɔɔ zɔŋ, ŋ́kɛ́ ḿbɔɔ kíi ńcú yɛcɔ́ nu pɔ́.

Lúkɑ́shi 21:15 交叉引用

Ɛ́fɛ̂zɛ 6:19

Pʉʉ púꞋ mbɔ́ mbɔ̌ wɛ́ mbɑ nǔu yɑ́ɑ tú nɛpɔ́ yi ɑ ɡʉ ńníꞋ sẅiŋɛ ntsu mɔ, ŋɡɔ ɑ ɡɛ pɔ́Ꞌɔ, nɛpɔ́ yi n dɑɑ ŋíɛꞋ ntsu wɑ́ɑ ŋkɑ́ kʉ̈ɔ́ lɑ́, n cú nu kɛ́ pɔ́k, nɛpɔ́ yi pʉɔ ɡʉ ńjí nu yi Ŋkʉʉ Sʉ́Ꞌnɛ kɑ lɔknɛ ńtɔ́, mbɔ ɛ́ kɑ zɛɛ ḿbɔ́ yi lʉɔmɛ́nɛ.

Lúkɑ́shi 12:12

Ɛ́ ɡʉ ŋ́ɡɛ ḿbɔ́ ŋkɑ́ ɛ̂yɑ́, Zẅikŋɛ Lɛ́ɛnɛ́nɛ sẅíi wʉ́ʉ nu yi pʉʉ ɡɛ ńcú.»

ŊwɑꞋnɛ-Gɑŋntúu Yɛ́su Kɛlístɔ 6:10

Pɔ́p pɛpɔ́p pɔ́ ńzɔŋ pɔ́Ꞌɔ, wɛcɔ́ ŋu pɔɔ ŋɑk wɛ́ tɛ ńjʉ́ pɔ́, mbíꞋŋɡɔ Zẅikŋɛ-Sɛ́ kɑ pɔ́ ŋ́ɡɑ́ wɛ́ nɛ́ jínu nɛlɔk ńcú nu.

Lúkɑ́shi 24:45

Ŋ́ɡɔ́ɔ ŋ́kɛ́ ńtsɔ́Ꞌ jínu yɔ́p, ŋ́ɡɛ pɔ́p zúꞋ mɛnu mi ɛ́ tsɛt ŋwɑꞋnɛ-Sɛ́.

Jɑ̂k 1:5

Ŋu lɑɑ ḿbɔ́ tsɛtsɛt pʉʉ, ńtʉ́ʉ nǔu nu, jínu jɑ́k wɛ́, ɑ lɔ́ɔ mbɔ̌ Sɛ́, mbɔ Sɛ́ ɡʉ ŋ́ɡɑ́. Ɛ́ mbíꞋŋɡɔ Sɛ́ zɛɛ ńdɔk pɔ tʉ́m sʉ́Ꞌnɛ ŋ́ɡɑ́ yúu mbɔ̌ mbɑ wɔ̌ lɑ́ kɛ́ lɛmtɛ.

ŊwɑꞋnɛ-Gɑŋntúu Yɛ́su Kɛlístɔ 26:28

Fɔɔ Aŋɡɛlípɑ tsɔ́Ꞌ mbɔ̌ Pɔ̂l ŋɡɔ: «Ɔ kwɑŋɛ ŋɡɔ ɔ ɡʉ nɑ́Ꞌ ńdɔk pɔ pɑ́Ꞌɑ ŋ́ɡɛ ɛ fɛ́Ꞌnɛ ńtsʉ́Ꞌ ŋu-Kɛlístɔ kɛkʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 24:25

Pɔ̂l tɔ́ tɛ ńzɛ nɛkyɛ́Ꞌtɛ ntɛ́ yi ŋu lɑɑ ńdɔk ńnɑ́ŋ, mbɔ ŋɡɑŋ ɡʉ ḿbɔ́ ŋu ẅi ɑ ɡɛnɛ yúu mi ɛ́ ndʉ́ŋndʉŋ mík-Sɛ́, ḿbɔ́ ŋ́kyɛ́Ꞌtɛ mbɑ pɑ́Ꞌ ɛ́ lɑɑ ḿbɔ́ ŋu ɡẅɛɛ mbʉʉ yɛ pɔ́Ꞌɔ, ḿbɔ́ ŋ́kyɛ́Ꞌtɛ ɛ́sẅíi wɛ́ ŋɡɔ Sɛ́ ɡʉ ŋ́ɡɛ ŋ́ŋɑk pʉɔ tsʉʉ. Ŋɡɔ́mnɑɑ Fɛlɛshi zúꞋ pɔ́Ꞌɔ, ńtsʉ́Ꞌ ńcʉ̈ɔꞋ cʉɔꞋnɛ, ńcú mbɔ̌ Pɔ̂l ŋɡɔ: Ɛ́ nǔu ŋkɔ̂ɔnɛ, fú nɛjɔ́ŋ mɔ ŋ́ɡʉ. Ŋkɑ́ ɡʉ ḿbɛn ŋ́kuꞋ, lɑ́ m bɛn ńcú pɛ́ fúŋ wú ḿbɔ́ mɔ.

ŊwɑꞋnɛ-Gɑŋntúu Yɛ́su Kɛlístɔ 2:4

Zẅikŋɛ-Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíŋɛ mɛsẅíŋɛ-mɛlɑ́Ꞌ ndɛꞋ, ɛ́sẅíi pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ mɛtʉʉ ŋɡɔ pɔ́p sẅiŋɛ pɔ́Ꞌɔ.

Lúkɑ́shi 21:16

KwɑꞋ pʉɔ pʉ́ʉ ɡɛ ńdɑ́Ꞌ ńzɑ́p nu nǔu pʉʉ, mbɑ kwɑꞋ pɛtɑ́t pʉ́ʉ pɔ́p pɛmɑ́ pʉ́ʉ, tɛ mbɑ pɔ́ɔpɛ́mɑ́ pʉ́ʉ, pɔ́p pʉɔ pinɛ pɔ́p pɑ́ɑtɛnɛ wʉ́ʉ, mbɑ pɛsúu pʉ́ʉ. Pɔ́p lɔk wʉ́ʉ ŋ́ɡʉ, pɛ́ ŋɑk wʉ́ʉ, jẅítɛ pʉɔ tɛ ńzɑ́ɑ tsɛtsɛt pʉʉ.