36 Ńzɛ ŋ́ɡɔ ḿbɔ́ pɔ́p pɔ́ɔ ŋ́ɡʉ ḿbɛn ŋ́ɡɛ ḿpfú pɔ́. Pɔ́p tsʉ́Ꞌ ḿbɔ́ pɔ pɑꞋ pɛcʉ̈ɔ́Ꞌ-Sɛ́ lɑ́, ńtsʉ́Ꞌ pɔ́-Sɛ́, mbíꞌŋɡɔ Sɛ́ cẅɛ́ɛ wɔ́p mbɔ̌ nɛvú.
A ɡʉ ŋ́ɡɛ ńtuk ŋki-mík mɔ́p tsʉʉ. Nɛvú kɛ́ ɡɛ ḿbɛn ḿbɔ́ ɡú pɔ́. Pɛ́ pɔɔ pɛn ńdɑɑ nɛvú pɔ́. Pɛ́ pɔɔ pɛn ŋ́kíi pɔ́. Pɛ́ pɔɔ pɛn ńjʉ́ɔ ŋɡʉ̈ɔ́Ꞌ pɔ́. Ɛ́ mbíꞋŋɡɔ ŋɡɔŋ lwɛn kɑ mɛ mɔ́.»
A ɡʉ ŋ́ɡɛ ńtɔ́ ɛ́shɔt yɔ mbɑp-mbʉʉ yi ɛ́ pɔ́t pɔ́tnɛ lɑɑ, ɛ́ tsʉ́Ꞌ pɑ́Ꞌ yɛ́ yi ɛ́ ɡẅɛɛnɛ nɛŋwɑ́ŋɛ. Ɛ́ pɔ́ pɔ́Ꞌɔ, ńdɔk mɛtʉʉ mi ɑ ɡẅɛɛnɛ nɛlɔk ŋ́ɡɛ mbɑ kʉ̈ɔ́ lɑ́ tsʉ́Ꞌ ńzúꞋ pɔ ntsu wɛ́.
Pʉʉ zɛɛ ńjí ŋɡɔ: «Ŋkɑ́ yi pɛpfú ɡʉ ŋ́ɡɛ ńzẅíimɛ lɑ́, mbɛ́ɛnɛ nɛ́ pɑŋɡɛ́ pɔɔ pɛn ńzɔ́Ꞌ pɔ́. Pɔ́p ɡʉ ŋ́ɡɛ ńtsʉ́Ꞌ ńnɑ́ŋ yɔ́p pɔ pɑ́Ꞌ pɛcʉ̈ɔ́Ꞌ-Sɛ́ tʉ́nɛ́pú lɑ́,»
Pɛpɔ́ttú, pʉɔ pí pɔ́p ɡʉ zẅíimɛ nǔu nɛvú nǔu nduŋmbi nɛzẅíimɛ, ɛ́ pʉɔ pí pɔ́p kwɑꞋ pɛ́ Sɛ́. Nɛvú wɛ mbɑ́ɑtɛ yɛ́pɑ́ pɔɔ pɛn ŋ́kuꞋ nɛɡẅɛɛ wɔ́p pɔ́. Pɔ́p ɡʉ ŋ́ɡɛ ḿbɔ́ pɑnɔŋpɔꞋ-Sɛ́, mbɑ pɛ́ Kɛlístɔ, pɔ́p pɛ́ Kɛlístɔ sɑ́Ꞌ mbí nǔu ŋɡuꞋ ntsɑ́Ꞌ.
Ɛ́ ɡʉ ńdɑ́Ꞌ ḿbɛn ḿbɔ́ pɔ pɔ́Ꞌɔ, ŋkɑ́ yi pɛpfúsɛ́ ɡʉ ńdɑ́Ꞌ ńzẅíimɛ nǔu nɛvú. Yúu mi pɛ́ pinɛ sɛ́, mbʉʉ yi ɛ́ lʉ̈ɔ́nɛ, lɑ́ mbʉʉ yi ɛ́ zẅíimɛnɛ nǔu nɛvú kɛ́ lɑ́Ꞌ ḿbɛn ńdʉ̈ɔ́ pɔ́.
Lɑ́ ɑ cú mbɔ̌ mɔ ŋɡɔ: Kɔɔ ɡɛ pɑ́Ꞌɑ. M bɛn ḿbɔ́ yɑ́ɑ pɔ wɛcɔ́ ŋɡɑŋku wu nǔu fɑꞋ, mbɑ wɛ pɔ́ɔpɛ́mɑ́ pú pɑyúdɑ pɑcẅiŋkʉʉ-Sɛ́, mbɑ wɛ pʉɔ pi pɔ́p ɡẅɛɛnɛ mɛnu mi ɛ́ tsɛt yɔ ŋwɑꞋnɛ. Ŋ́ɡúꞋlɛ pɔ Sɛ́.
Ndẅiknzʉʉ ŋɡɑŋmbuu ẅi Sɛ́ ɡʉ ńdɑ́Ꞌ ḿbík wɛ́ ɑ nɛvú ẅi ɑ lɔknɛ pʉɔ.
Pʉʉ jí ŋɡɔ pɛ́ ɡʉ ńdɑ́Ꞌ ńzẅíimɛ nǔu nɛvú, mbɛ́ɛnɛ mbɑ pɑŋɡɛ́ pɔɔ pɛn ńzɔ́Ꞌ pɔ́. Pɔ́p tsʉꞋ ḿbɔ́ pɔ pɑꞋ pɛcʉ̈ɔ́Ꞌ-Sɛ́ pi pɔ́p tʉ́nɛ́pú.
Ndʉ́ŋndʉŋ pɑ́Ꞌ, pɛkŋɛ fínɛ ŋu ẅí Sɛ́ kɑ lɔknɛ tsɛ́tsɑ́Ꞌ ḿbɔ́ɔ wɛ́ lɑ́, ɛ́ ɡʉ ńdɑ́Ꞌ ḿbɔ́ yɛcɔ́ lɛ́Ꞌ, pɛkŋɛ fí ŋu ẅí ɑ kɑ fúnɛ tʉ́nɛ́pú ńcúŋ.
KwɑꞋ jʉ́ Zẅikŋɛ ɛ̂yɑ́ pɔ́ ŋ́ɡɛ pɛkŋɛ tsuŋ ńjí tsɛt tʉ́m pɛkŋɛ ŋɡɔ pɛkŋɛ pɔ́ɔ-Sɛ́.
