48 Yɔsɛ̂p pɔ́p Mɑlíyɑ pɔ́ tɛ ńjʉ́ɔ wɛ́, ḿmɑɑ tɛꞋ. Mɑ́ wɛ cú mbɔ̌ wɛ́ ŋɡɔ: «Mɔ́ɔ wɑɑ, ɔ ɡɔ ŋ́ɡɛ yɔ nu nǔu pɛk pɑ́Ꞌɑ, mbíꞋku? Ɔ tsɔ́Ꞌ lɛ́m yɛk tɑ́t wu. Pɛk júk nɛlɔ́ɔ wú, ḿbɔ́ ḿbɔ́k ŋɡɔ kɛ yɛcɔ́ yúu ɡɛnɛ wú ɔ́ɔ?»
A pʉ̈ɔt mbɔ̌ pɔ́p ŋɡɔ: «Pʉʉ pɛn ńdɔ́ɔ wɑ́ɑ pɔ́Ꞌɔ, mɛlɑ́Ꞌ ku? Pʉʉ kɑ́ pɔ́ ńjí ŋɡɔ ɛ́ pɔ́ŋ ɛ shɛp mɛnu-Tɑ̌ɑ mɔ pɔ́ ɔɔ?»
Yɛ́su kɑ pɛ́t ɛ́sẅíŋɛ mbɔ̌ lɑ́Ꞌ sẅiŋɛ́nɛ, mɑ́ wɛ pɔ́p pɔ́ɔpɛ́mɑ́ pɛ́ tɔ́, ńtʉ́ʉ píi ḿbɔ́ ńdɔɔ nɛjʉ́ɔ wɛ́.
Pɔ́p zúꞋ sẅiŋɛ yi ɛ́ cẅɛtnɛ ntsu wɛ́. Ɛ́ pɔ́ ḿbɔŋ wɔ́p, ḿbɛn ḿbɔ́ ŋ́kʉꞋnɛ wɔ́p. Pɔ́p zɛ nɛpíkŋɛ, ńcú ŋɡɔ: «Yɔ kɑ pɔ́ mɔ́ɔ-Yɔsɛ̂p pɔ́ ɔɔ?»
Yɛ́su kɑ ɡɔ ńzɛ nɛsɑ́Ꞌ Ŋkʉʉ sʉ́Ꞌnɛ, ɛ́ ńtsʉ́Ꞌ mɔ́yúu ɑ ɡẅɛɛ ŋɡuꞋ mɛɡɛ́mɛ́ntɑ́t, pɛ́ pɔ́ ŋ́kwɑŋɛ ŋɡɔ ɑ mɔ́ɔ-Yɔsɛ̂p. Yɔsɛ̂p pɔ́ mɔ́ɔ-Ɛlîi.
Filîp ɡʉ ńjʉ́ɔ Nɑtɑnɑyɛ̂l, ńcú mbɔ̌ wɛ́ ŋɡɔ: «Pɛk jʉ́ɔ ŋu ẅí pɛ́ kɑ ŋwɑꞋnɛ́nɛ nu nǔu wɛ́ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ, mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ lɑ́. Pɛk jʉ́ɔ wɛ́, ɑ pɔ́ Yɛ́su, mɔ́ɔ-Yɔsɛ̂p, mɔ́ɔ-Nɑ̌zɑlɛt.»
