38 Yɛcɔ́ lɛ́Ꞌ ɑ tɔ́ ndɑ́-nɔŋpɔꞋ pɑ́Ꞌ ɑ lɔ ńzɛɛ ńtɔ́. Ŋ́ɡɔ kúu zúꞋu ŋkɑ́ ɛ̂yɑ́, mbɔ pɛ́ lɔk mɔ́ɔ ńtɔ́, ɑ jʉ́ɔ wɛ́, ŋ́ɡɛ́mtɛ Sɛ́, ŋ́ɡɔ́ɔ ŋ́kɛ́ ńzɛ nɛsẅíi nu nǔu wɔ mɔ́ɔ mbɔ̌ pʉɔ tsʉʉ pi pɔ́p kɑ pɔ́ ḿbyɛ́p lɛ́Ꞌ yinɛ Sɛ́ ŋ́ɡɛ ńdɑ́Ꞌ ńcẅɛ́ɛ Yɛlúsɑlɛm.
Ɛ́ pɔ́ ŋkɑ́ ɛ̂yɑ́, wɛcɔ́ ŋu pɔ́ Yɛlúsɑlɛm, lík yɛ́ pɔ́ Símɔ̂ŋ, ɑ pɔ́ ŋu, ŋ́ɡẅɛɛ nɛpʉ́ʉ-Sɛ́ ḿbɛn ńzúꞋ ntsu wɛ́. Mbɔ ɑ lɔ ńjúk ńzẅíꞋlɛ ŋu ẅi ɑ ɡʉ ńdɑ́Ꞌ ńtɔ́, pʉɔ Íslɑɛ̂l lɔk pɔ wɛ́ ńtʉʉ, Zẅikŋɛ Lɛ́ɛnɛ́nɛ pɔ́ tʉ́m yɛ́.
Pɔ́Ꞌɔ lɑ́, ɛ́ pɔŋ ŋɡɔ pɛkŋɛ ɡɑ́ pɑ́Ꞌlɑ́ mbɔ̌ Sɛ́, nǔu fuꞋ níinɛ kɛ́ fʉꞋ yi ɑ kɑ ɡɑ́nɛ mbɔ̌ pɛkŋɛ.
Lɑ́ mbɔ pɛk m̄bɔ́ ŋ́kwɑŋɛ ŋɡɔ jʉ́ ɡɛnɛ ńdɑ́Ꞌ ńzɑ́Ꞌ ŋkʉ-ŋɡʉ̈ɔ́Ꞌ, lɔ́ŋ-Islɑɛ̂l. Mɔ mɛnu ɡɛ, ɛ́ ŋkɔ̂ɔnɛ ḿbɔ́ lɛ́Ꞌlɑ́Ꞌ yɛ́tɑ́t.
«Mbɔ́tnɛ mbɔ̌ Tsɑpʉɔ Sɛ́ pɑ Íslɑɛ̂l, pɑ́Ꞌ ɑ tɔ́nɛ ńcẅɛ́lɛ́ pʉɔ pɛ́, ńtsúꞋ wɔ́p ndɑ́-kwɑɑ.
Pɛkŋɛ sɛ́ ŋ́ɡúꞋlɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ ɡɛ nu sʉ́Ꞌnɛ nǔu pɛkŋɛ, ŋ́ɡɑ́ yúu sʉ́Ꞌnɛ tsʉʉ yi ɛ́ fúnɛ tɛ tʉ́nɛpú mbɔ̌ pɛkŋɛ, ŋ́ɡɑ́ pɔ́Ꞌɔ, ńdɛɛ nǔu pɑ́Ꞌ ɑ kɑ lɑ́Ꞌnɛ tɛmtɛ wɛkŋɛ pɛ́ Kɛlístɔ,
Wɛcɔ́ ŋɡɛ́mndʉ̈ɔ́Ꞌ wɛ mɑŋɡɛ́ kɑ pɛn ḿbɔ́ yɛ́ Yɛlúsɑlɛm ŋkɑ́ ɛ̂yɑ́, lík yɛ́ kɑ pɔ́ Ánɑ. A pɔ́ mɔ́ɔ-Fɑnuɛl nǔu njẅɛtndɑ́-Asɛ̂ɛ. A ḿbɔ́ ńzúꞋ nu mbɔ̌ Sɛ́ ɛ́sẅíi lɑ́Ꞌ. Ɛ́ kɑ ɡɔ ḿbɔ́, mbɔ ɑ kɑ zɔ́Ꞌ, ŋ́ɡɛ ndɑꞋ ŋɡuꞋ sɑɑmbɑ́, ndúu mɛ pfú.
