36 Wɛcɔ́ ŋɡɛ́mndʉ̈ɔ́Ꞌ wɛ mɑŋɡɛ́ kɑ pɛn ḿbɔ́ yɛ́ Yɛlúsɑlɛm ŋkɑ́ ɛ̂yɑ́, lík yɛ́ kɑ pɔ́ Ánɑ. A pɔ́ mɔ́ɔ-Fɑnuɛl nǔu njẅɛtndɑ́-Asɛ̂ɛ. A ḿbɔ́ ńzúꞋ nu mbɔ̌ Sɛ́ ɛ́sẅíi lɑ́Ꞌ. Ɛ́ kɑ ɡɔ ḿbɔ́, mbɔ ɑ kɑ zɔ́Ꞌ, ŋ́ɡɛ ndɑꞋ ŋɡuꞋ sɑɑmbɑ́, ndúu mɛ pfú.
A ɡẅɛɛ mbɔ́ŋkʉ̈ɔ́ pɛ́ pɔ́ɔ pɑŋɡɛ́ pɛ́nɛ́kwɑ, mbɔ pɔ́p kɑɑ zɔ́Ꞌ. Pɔ́p pɛŋɡɛ́mndʉ̈ɔ́Ꞌ-Sɛ́ nɑ́ŋ cẅi Ŋkʉʉ ẅí ɛ́ fúnɛ mbɔ̌ Sɛ́ mbɔ̌ lɑ́Ꞌ.
Pɔ́ɔpɛ́mɑ́ pɑ́ɑ, ɛ́ ɡʉ nǔu pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ fuꞋ níinɛ mbɑ pɔ́fɑꞋ wɛ́tɛ́ ŋu lɑ́, mɔ sɛ́ ŋ́kɔŋ ŋɡɔ pʉʉ jínu nɛ́nẅín nǔu nu-pɔ́fɑꞋ ɛ̂yɑ́.
Ɔ́ɔŋ, mɔ ŋ́ɡɛ ńtɑ́ɑ nǔu mîmɑ́ mɛlɛ́Ꞌ, ŋ́ɡɛ Zẅikŋɛ yɑ́ɑ kúu nǔu pʉɔ pɔ́p kɔŋnɛ wɑ́ɑ pɛ́ mbɛ́ɛnɛ mbɑ pɛ́ pɑŋɡɛ́. Pɔ́p tsʉ́Ꞌ pɑcẅiŋkʉʉ pɑ́ɑ.
ŋ́ɡʉ nǔu njẅɛt-Asɛt, ɛ́ pɔ́ ntsɑ́Ꞌ ntsɔ̌ppɑ́ (12.000), ŋ́ɡʉ nǔu njẅɛt-Nɛftɑlîi, ɛ́ pɔ́ pʉɔ ntsɑ́Ꞌ ntsɔ̌ppɑ́ (12.000), ŋ́ɡʉ nǔu njẅɛt Mɑnɑsɛ́, ɛ́ pɔ́ pʉɔ ntsɑ́Ꞌ ntsɔ̌ppɑ́ (12.000),
Ɛ́ lɛɛ pɔ́Ꞌɔ, lɑ mɛkwɑŋɛ mi ɛ́ mɛlɔ́ŋ-pʉɔ cẅɛt mɑ́ntɑ́ɑ. Ɛ́ ɡʉ nǔu ɡu Mɑlíyɑ, mbɔ nu ɡʉ ńdɑ́Ꞌ ŋ́ɡɛ wú tɛ ɔ zúꞋ ɛ́ pɔ́ pɔ pɑ́Ꞌɑ pɛ́ lɔk mɔ́níi ɛ́sɔp tʉ́m yú lɑ́.»
Yɛcɔ́ lɛ́Ꞌ ɑ tɔ́ ndɑ́-nɔŋpɔꞋ pɑ́Ꞌ ɑ lɔ ńzɛɛ ńtɔ́. Ŋ́ɡɔ kúu zúꞋu ŋkɑ́ ɛ̂yɑ́, mbɔ pɛ́ lɔk mɔ́ɔ ńtɔ́, ɑ jʉ́ɔ wɛ́, ŋ́ɡɛ́mtɛ Sɛ́, ŋ́ɡɔ́ɔ ŋ́kɛ́ ńzɛ nɛsẅíi nu nǔu wɔ mɔ́ɔ mbɔ̌ pʉɔ tsʉʉ pi pɔ́p kɑ pɔ́ ḿbyɛ́p lɛ́Ꞌ yinɛ Sɛ́ ŋ́ɡɛ ńdɑ́Ꞌ ńcẅɛ́ɛ Yɛlúsɑlɛm.
Lɑ́ mɑŋɡɛ́ ẅi ɑ ɡɔ́ ḿbúꞋ mbɔ́ mbɔ̌ Sɛ́, kɛ ŋ́ɡɔ́ ńcẅi Ŋkʉʉ ẅí ɛ́ fúnɛ mbɔ̌ Sɛ́ ɔɔ, mbɔɔ lɔk yúu ḿbɔɔ tú yɛ́ pɔ́, ɑ lɔk pɔ́Ꞌɔ, ńcɔŋ ndwɛn ndúu mɛ ẅi ɑ ɡẅɛɛnɛ wɛ́, ɑ tʉ́ʉ ŋkɑ́ yîyɑ́ pɔ́Ꞌɔ ḿbɔ́ mɑŋɡɛ́ ẅi pɛ́ ziinɛ tú yɛ́ lɑ́.
Ɛ́ píkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kɑ́ kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, kɔɔ ɑ ɡɛ yɛcɔ́ yúu tɛ ɛ́ lɛɛ. A pɔ́ ŋu ẅí ɑ sɑ́ŋ nu lɑ ŋ́ɡɛ, ḿbɔ́ ŋu ẅí ɑ kúkŋɛ pɛɡʉʉ sʉ́Ꞌnɛ, ŋ́kuꞋ nɛzíꞋ pʉɔ nɛ́ yúu.
Mpfúk ẅi mbɔ ɔ ŋwɑꞋnɛ lík yɛ́ nǔu mɛlík-pɛpfúk pi cúꞋlɛ ɡʉ ḿbɔ́ cẅɛ́lɛ́ wɔ́p, ɛ́ sɛ́ ḿbíkŋɛ ŋɡɔ ɑ pɔ́ ẅí ɑ lɛɛ mɔ́ ŋɡuꞋ mɛɡɛ́mɛ́nɛ́ntúkú, ḿbɔ́ ẅí ɑ kɑ jí pɔ ndɑꞋ ndúu mɛ.
