Lúkɑ́shi 2:15 - Kɑɑ Fí

¹⁵ Pɛcʉ̈ɔꞋ-Sɛ́ kɑ lɛɛ tɛ ḿbɛn nɛ́ tʉ́nɛ́pú, pɑpyɛ́p mbí cú tsɛtsɛt pɔ́p ŋɡɔ: «Pɛkŋɛ ɡʉ tɛ ŋ́kúu Mbɛ́tɛlɛhɛ̂m, lɑ ńjʉ́ɔ nu yi ɛ́ cẅɛtnɛ zúꞋu liinɛ, nu yi ɛ́ cẅɛtnɛ tɛ Tsɑpʉɔ túu ŋɡɔ pɛ́ tɔ́ ɛ́sẅíi wɛkŋɛ lɑ́ɑ.»

Lúkɑ́shi 2:15 交叉引用

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.

Lúkɑ́shi 24:51

A pɔ́ ńníꞋ mbɔ́tnɛ nǔu pɔ́p pɔ́Ꞌɔ, ḿbɔ́ ŋ́kɔ́Ꞌ ŋ́ɡʉ nɛ́ tʉ́nɛ́pú.

Mɑtʉ̈ɔ 12:42

Ɛ́ ɡʉ ńdɑ́Ꞌ lɛ́Ꞌ yi Sɛ́ ŋ́ŋɑk pʉɔmɛsɔŋ, mɑ́ɑfɔɔ ɡwɛ́-pʉɔ-Shɛ́bɑ lɔ sɛ́ ńtɔ́ ńtʉ́ʉ, ńzɑ́p nu tú-pʉɔ pínɛ pɔ́p ndǔ mbí ŋkɔ̂ɔnɛ, mbíꞌŋɡɔ ɑ kɑ zúꞋ ŋɡɔ jínu-fɔɔ Sɑlɛ́mɔ lɛɛ yɛ́ pʉɔtsʉʉ, ɛ́fú tɛ lɑ́Ꞌ yɛ́ ńdɔ sɛ́ ńtɔ́, ńdɔk mík mɛ́ ńjʉ́ɔ yɛ́. Pɔ́Ꞌɔ ŋkɔ̂ɔnɛ, ŋu ẅí ɑ pɛnnɛ ɛ́sẅíi wʉ́ʉ nɛ́ nu lɔ́Ꞌnɛ pʉʉ pɔɔ pɛ́m, yɛ́ jínu tsɑ yɛ́ fɔɔ Sɑlɛ́mɔ.

Lúkɑ́shi 2:14

«Gúꞌlɛ pɔ́ mbɔ̌ Sɛ́ tɛ tʉ́nɛ́pú, mbɔ́tnɛ pɔ́ mbɔ̌ pʉɔmɛsɔŋ ndǔ tsɛ́tsɑ́Ꞌ. Sɛ́ kɔŋ wɔ́p.»

Lúkɑ́shi 2:16

Pɔ́p cú pɑ́Ꞌɑ, ŋ́ɡɔ́ɔ ńdɔ sɛ́ ŋ́ɡʉ nɛ́ tʉʉ tɛ ŋ́kúu zúꞋu, ńjʉ́ɔ Mɑlíyɑ pɔ́p Yɔsɛ̂p, ńjʉ́ɔ mɔ́ɔ mbɔ́t, ɑ nɔɔ tsɛt ŋkɔp-yúujʉ́-mɛyúumɛku,