Lúkɑ́shi 19:17 - Kɑɑ Fí

¹⁷ Fɔɔ tsɔ́Ꞌ ŋɡɔ: «Ɛ́ pɔ́ŋ, ɔ ŋɡɑŋfɑꞋ wɛ sʉ́Ꞌnɛ. PɑꞋ ɔ pɑ́ɑnɛ mɔ́ncɛꞋ yúu sʉ́Ꞌnɛ lɑ́, mɔ ŋ́ɡɑ́ mɛtʉ́sɔŋ nɛɡɛ́m ɔ pɔ́nɛ ɛ́sɑ́Ꞌ.»

Lúkɑ́shi 19:17 交叉引用

Lúkɑ́shi 16:10

Pɛ́ lɑɑ ńníꞋ mɔ́ɔ mɔ́yúu mbɔ̌ ŋu, ɑ pɑ́ɑ sʉ́Ꞌnɛ, mbɔ ɛ́ ɡʉ ńtɔ́ ḿbɔ́ yi ɛ́ zɑ́ɑnɛ, ɑ pɛn ḿbɑ́ɑ pɔ pɔ́Ꞌɔ, ńníꞋ mɔ́ɔ mɔ́yúu mbɔ̌ ŋu ɑ pɔɔ pɑ́ɑ sʉ́Ꞌnɛ pɔ́, mbɔ ɛ́ ɡʉ ńtɔ́ ḿbɔ́ yi ɡwɛ́ ɑ pɔɔ pɑ́ɑ sʉ́Ꞌnɛ pɔ́.

Mɑtʉ̈ɔ 25:21

Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»

1 Pyɛ̂ 1:7

Ŋɡʉ̈ɔ́Ꞌ kúu wʉ́ʉ nɛpɔ́ yi pɛ́ ɡʉ ńjʉ́ɔ ŋɡɔ pʉʉ tsuŋ ńzɑ́p tʉ́m nǔu Sɛ́. Tʉ́n-ŋɡɔ̂l yi ɛ́ ŋ́ɡʉ ńdɑ́Ꞌ ḿbɔ́ pɔ ɡú pɔ́, pɛ́ tsʉ́Ꞌ nɛzẅíꞋ, ńtɔɔ múk, ntsɛ́llɛ́ cẅɛt nǔu. Ɛ́ ndʉ́ŋndʉŋ pɑ́Ꞌ wʉʉ nɛzɑ́p tʉ́m nǔu Sɛ́ ẅí ɑ yúu tʉʉndɛn ńdɛɛ tʉ́n-ŋɡɔ̂l, ɡʉ ńdɛɛ pɔ nǔu pɑ́Ꞌ ŋɡʉ̈ɔ́Ꞌ mɛntɛ́ mɛntɛ́ yi ɛ́ sɛ́ ŋ́kúu wʉ́ʉ, ɡʉ ḿbɔ́ ńzẅíꞋ wʉ́ʉ ɡúu, lɑ́ ńdɔk ńnyɛt ŋɡɔ ɛ́ tɛntɛ. Ɛ́ lɛɛ pɔ́Ꞌɔ, pʉʉ lɑ́Ꞌ lɛ́Ꞌ yi Yɛ́su Kɛlístɔ tɔ́nɛ, pɛ́ ɡɑ́ tsɔ́ꞋfɑꞋ yʉ́ʉ, ńníꞋ wʉ́ʉ tsɛt nɛɡúꞋ, ŋ́ɡɛ mɛkuꞋ mʉ́ʉ.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

1 Pyɛ̂ 5:4

Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ńdɑ́Ꞌ lɛ́Ꞌ yi mbyɛ́pmbí wɛ ɡwɛ́ ńtɔ́, ɑ tɔꞋ ŋɡúꞋ tú pʉʉ, yi ndɛn wɛ kɛ́ lɑ́Ꞌ ḿmɛ pɔ́.

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

Pʉɔ-Lɔ́mɑ 2:29

Lɑ́ kwɑꞋ ŋu-Pɑyúdɑ, ŋu-Sɛ́, ɑ pɔ́ pɔ ŋu ẅí pɛ́ kɑ púꞋnɛ wɛ́ pɔ tsɛt tʉ́m yɛ́. Ɛ́ pɔ́ nɛpúꞋ ẅí Zẅikŋɛ-Sɛ́ ɡɛnɛ, tɛ ɛ́ pɔɔ pɔ́ pɔ ẅí ɛ́ fúnɛ nǔu pɑ́Ꞌ pɛ́ kɑ ŋwɑꞋnɛ́nɛ tsɛt nɛpʉ́ʉ pɔ́. Jʉ́ pɔ́nɛ ŋu ẅí Sɛ́ ɡɑ́nɛ mɛkuꞋ mɛ́ tɛ pʉɔmɛsɔŋ pɔɔnɛ ɡɑ́.

Lúkɑ́shi 22:30

Ŋkɑ́ yi mɔ ŋ́ɡɛ ḿbɔ́ Fɔɔ lɑ́, pɛkŋɛ tɛmtɛ yúu ńjʉ́, ńnɔ́, pʉʉ pɛn ńnɑ́ŋ ndǔ mɛkɔꞋ-nɛfɔɔ, ŋ́ŋɑk njẅɛtndɑ́-Íslɑyɛ̂l ntsɔ̌ppɑ́ nɛ́ nɛɡɛ́m.

Lúkɑ́shi 19:16

Nduŋmbi tɔ́, ńtʉ́ʉ mbi yɛ́ ńcú ŋɡɔ: «Zɑɑ mɔ́ɔ, n tɑ́ŋ ŋkɑ́p yi ɔ kɑ ɡɑ́nɛ mbɔ̌ mɔ lɑ́, tɛ ńjʉ́ pɑk nɛɡɛ́m.»

Lúkɑ́shi 19:18

Mbɑ́ɑtɛ tɔ́ yɛ́ ńcú ŋɡɔ: «Mɛ́ntɑ́ɑ, n tɑ́ŋ ŋkɑ́p yi ɔ kɑ ɡɑ́nɛ mbɔ̌ mɔ lɑ́, tɛ ńjʉ́ pɑk pɛ́tɑɑ.»