Lúkɑ́shi 18:43 - Kɑɑ Fí

⁴³ Fumík ɛ̂wɑ́ ɡɔ́ɔ ḿbɛn ńjʉ́ɔ zʉꞋ, ńcʉ́ɔ nzʉʉ Yɛ́su, ńnɛn ŋ́ɡúꞋlɛ Sɛ́, lɑ́Ꞌ jʉ́ɔ yɔ nu, ŋ́ɡɔ́ɔ ńzɛ nɛ́ puu ŋ́ɡúꞋlɛ Sɛ́.

Lúkɑ́shi 18:43 交叉引用

Ŋɡɑlɑ̂t 1:24

Ɛ́ lɛɛ pɔ́Ꞌɔ, pɔ́p pɔ́ ŋ́ɡúꞋlɛ Sɛ́ ntɛ́ wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

ŊwɑꞋnɛ-Gɑŋntúu Yɛ́su Kɛlístɔ 11:18

Pɑpɛm Yɛ́su pi pɔ́p Pɑyúdɑ zúꞋ mɛnu mɔnɛ, ḿbɔ́tnɛ ńnɑ́ŋ, ḿbɛn ḿbɔ́ ŋ́ɡɑ́ pɑꞋlɑ́ mbɔ̌ Sɛ́ ńcú ŋɡɔ: «Ɛ́ pʉ̈ɔ́lɑ́ yi Sɛ́ kɑ ɡɑ́ shʉ́ mbɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, nɛkúpmɛ mɑt, ɑ ɡɛ pɔ́p ɡẅɛɛ luk kɛ́mɛ.»

ŊwɑꞋnɛ-Gɑŋntúu Yɛ́su Kɛlístɔ 4:21

Pɑzɑ́Ꞌntsɑŋ pɛn ńniitɛ ḿbɑpmɛ wɔ́p, ńnɑ́ wɔ́p pɔ́p ɡʉ. Mbɔ pɔ́p lɔɔ shʉ́ ẅi pɔ́p ɡʉ ɛ́fú nǔu ńdɔk ńnyɛt wɔ́p nɛ́ ŋɡʉ̈ɔ́Ꞌ, ḿbɔɔ jʉ́ɔ ntɛ́ lɑ́Ꞌ. MbíꞋŋɡɔ pʉɔ tsʉʉ kɑ pɔ́ ŋ́ɡɛ́mtɛ Sɛ́ nǔu yúu mi ɛ́ kɑ lɛɛnɛ.

Lúkɑ́shi 13:17

Yɛ́su pɔ́ ńcú pɔ́Ꞌɔ, sʉ́ʉ kɔ́ ɡɑŋmbuu pɛ́, lɑ́ nɛlʉ́m pʉɔ zúꞋu ḿbɔ́ ńtsɑ́ɑtɛ tsɑ́ɑtɛ́nɛ nǔu mɔ mɛnu sʉ́Ꞌnɛ tsʉʉ mi Yɛ́su ɡɛnɛ.

Lúkɑ́shi 5:26

Pʉɔ pɛtsʉʉ kɑ jʉ́ɔ ɛ́ kʉꞋnɛ wɔ́p, pɔ́p pɔ́ ḿbɔ́k, ḿbɛn ḿbɔ́ ńcú ŋɡɔ: «ɡúꞌlɛ mbɔ̌ Sɛ́! Pɛk jʉ́ɔ ndɑɑkɑ́jʉ́ɔ lɔ́Ꞌnɛ!»

Lúkɑ́shi 4:39

A tɔ́ ŋ́ŋɔ́Ꞌnɛ mbʉʉ kúu, ńdɔk tʉʉ ńcú nu, ɡɔɔ ɡɔ́ɔ ńzɑ́Ꞌnɛ. Mɑ́kẅiꞋ-Simɔ̂ŋ ɛ̂wɑ́ ɡɔ́ɔ ńdɔ sɛ́, ńniitɛ yúujʉ́ ŋ́ɡɑ́ mbɔ̌ pɔ́p.

Mɑtʉ̈ɔ 21:14

Pɛfʉmík mbɑ ɡɑŋpʉ̈ɔ́Ꞌtɛ mɛku pɛn ńtɔ́ nɛjɔ́ŋ Yɛ́su tsɛt zʉꞋ-nɔŋpɔꞋ, ɑ ɡɛ pɔ́p fíitɛ.

Mɑtʉ̈ɔ 11:5

ɛ́sẅíi wɛ́ ŋɡɔ: Pɛfʉmík sɛ́ ńjʉ́ɔ zʉꞋ, pɑpʉ̈ɔ́Ꞌtɛ mɛku pɔ́ ńnɛn sʉ́Ꞌnɛ, ɡɑŋŋkɑꞋ pɔ́ ɛ́fíitɛ, pɛmbúꞋ-mɛtúutɛ́ pɔ́ ńzúꞋ zʉꞋ, pɛpfú pɔ́ ńjʉɔmɛ, pɛ́ sɛ́ ɛ́sɑ́Ꞌ Ŋkʉʉ sʉ́Ꞌnɛ nu-Sɛ́ mbɔ̌ pɛpúŋ.»

Mɑtʉ̈ɔ 9:8

Lɑ́Ꞌ jʉ́ɔ yɔ nu ḿbɔ́k Sɛ́, ŋ́ɡúꞋlɛ wɛ́ nǔu pɑ́Ꞌ ɑ ɡɑ́nɛ yɔ ntɛ́ mɛtʉʉ mbɔ̌ pʉɔmɛsɔŋ.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

Lúkɑ́shi 19:37

A ɡʉ tɛ ḿbɔ́ ɛ́fú nɛŋkɔ́Ꞌ-mɛtʉ́-Ɔlíivɛ ńcúŋ, ɡɑŋku pɛ́ pi pɔ́p ḿbɔ́nɛ nzʉʉ yɛ tɛ ḿbɔ́ pɔ́p lɑ́Ꞌ mɔ́ ńzɛ nɛtsɑ́ɑtɛ, lɔk ŋɡi tɛnnɛ ŋ́ɡúꞋlɛ Sɛ́ nǔu mɛnu mɑɑ mɑɑnɛ mi pɔ́p kɑ jʉ́ɔnɛ Yɛ́su ɡɛ,

Lúkɑ́shi 9:43

Lɑ́Ꞌ yi ɛ́ ḿbɔ́nɛ zúꞋu, jʉ́ɔ yɔ nu, mɑɑ pɑꞋ mɛtʉʉ Sɛ́ lɔknɛ ŋ́ɡúꞋ pɔ́Ꞌɔ. Lɑ́Ꞌ pɔ́ ŋ́ɡʉ̈ɔꞋtɛ mɛnu mi Yɛ́su ɡɛnɛ tsʉʉ. A ɡɛ ńcú mbɔ̌ ɡɑŋku pɛ́ ŋɡɔ: