22 Yɛ́su zẅíꞋlɛ lɑ́ ńtsɔ́Ꞌ mbɔ̌ wɛ́ ŋɡɔ: «Tɑ́Ꞌ yúu yɛmɔ́Ꞌ kɛ́ ḿbɛ́t ńjɑ́k mbɔ̌ wu. Gʉ ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɛkɛyúu, ŋ́ɡɛ ńdɑ́Ꞌ ŋ́ɡẅɛɛ yúu tʉʉ ndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»
Pʉʉ fɛn yúu mi pʉʉ ɡẅɛɛnɛ, ŋ́ɡɑ́ ŋkɑ́p mbɔ̌ pɛkɛyúu, ńdɔk ŋ́ɡẅɛɛ pɔ́ɔpɑɑ-ŋkɑ́p pi ḿbɔ́ ɛ́ pɔɔ tɔ́ktɛ, ńdɔk ńdẅɛꞋ fuꞋ yʉ́ʉ nɛjɔ́ŋ Sɛ́. Ɛ́ zʉꞋ yi ɛ́ lɑɑ ḿbɔ́ zúꞋu, ɛ́ pɔɔ mɛ, pɛtsɔ́ŋ pɔɔ kuꞋ nɛjɔ pɔ́, shʉ́ɔꞋŋɡɔ́Ꞌ pɔɔ kuꞋ nɛjʉ́ pɔ́.
Yɛ́su pʉ̈ɔt mbɔ̌ wɛ́ ŋɡɔ: «Ɔ lɑɑ ḿbɔ́ ńdɔɔ nɛmɛkŋɛ ńdẅiklɛ, ɔ ɡʉ ɛ́fɛn yúu pinɛ ɔ ɡẅɛɛnɛ tsʉʉ, ŋ́ɡɑ́ ŋkɑ́p mbɔ̌ pɑkɛ́yúu, ŋ́ɡɔ́ɔ ŋ́kɛ́ ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»
Yɛ́su cú mbɔ̌ pɔ́p ŋɡɔ: «Pʉʉ lɔk yʉ́ʉ yúu ndǔ tsɛ́tsɑ́Ꞌ yɔ yi ɛ́ fúklɛ́nɛ wʉ́ʉ, ŋ́kúu kwɑꞋ súu yi ɛ́ ńtswɛ́ kɛ́ mɛ, ɛ́ lɑ́Ꞌ ńtʉ́ʉ ŋkɑ́ yi yîyɑ́ yúu kɑ́ pɛ́t ɡú pɔ́, pɔ́p lɔk wʉ́ʉ ŋ́kúu tsɛt mɛndɑ́ mi ɛ́ ńdɑ́Ꞌ ḿbɛ́ pɔ́, pʉʉ tswɛ́ ḿbɔ́ zúꞋu.
Lɑ́ tɑ́Ꞌ yúu ɡú, ḿbɔ́ yɛ́ tʉʉ ndɛn, Mɑlíyɑ kɑŋ yîyɑ́, ḿbɔ́ ŋu pɔɔ fú mbɔ̌ wɛ́ ńcẅɛɛtɛ pɔ́.»
Lɑ́ pɛsúu pɑ́ɑ pɛ́ tʉʉndɛn, yɛcɔ́ tɑ́Ꞌ yúu ɡú yi ɛ́ kɑ́ pɔŋ ŋɡɔ pʉʉ likŋɛ pɔ́. Ɛ́ mbɔ̌ Tsɑpʉɔ tɑ́Ꞌ lɛ́Ꞌ pɔ́ pɑ́Ꞌ ŋɡuꞋ ntsɑ́Ꞌ, ŋɡuꞋ ntsɑ́Ꞌ pɔ́ pɑ́Ꞌ tɑ́Ꞌ lɛ́Ꞌ.
Pɔ́ɔpɛ́mɑ́ pɑ́ɑ, mbɔ m bɔɔ cú ŋɡɔ ŋ ɡʉ tɛ ŋ́kúu pɔ́, mɔ sɛ́ ŋ́ɡɛ pɔ tɑ́Ꞌ yúu, ɛ́ pɔ́ nɛɡɔ́ ŋ́ɡɛ yúu, ńdikŋɛ Mbɑ kʉ̈ɔ́ lɑ́ yi ŋ kɑ ɡɛnɛ, ńtsʉ́Ꞌ ńdíŋɛ pɔ yi ɛ́ mbi.
Yɛ́su ɡɛ ńcú mbɔ̌ pʉɔ pɛ́tsʉʉ ŋɡɔ: «Ŋu lɑɑ ńtsɑ́ɑ nɛpɔ́ wɑɑ ŋu, ɑ mɛꞋ túmbʉʉ yɛ́, ńtíi yɛ́ tʉ́ mɛkʉ́Ꞌ ńdɔk ḿbɛ́m nɛpfú, lɑ́ ńcʉ́ɔ nzʉʉ mɔ.
Ŋu ɛ̂wɑ́ tsɔ́Ꞌ ŋɡɔ: «Tɛ ɛ́fú pɑꞋ ŋ kɑ pɛ́tnɛ mɔ́ɔsuu, n dɔ ŋ́kɛ́ ńtswɛ́ ŋ́ɡẅɛɛ nɛpʉ́ʉ ɛ̂nɑ́ ɡẅɛɛnɛ tsʉʉ.»
A zúꞋ, shʉ́ wɛ́ pfúu, mbíꞋŋɡɔ ɑ kɑ ɡẅɛɛ yúu-ŋkɑ́p tɛꞋ.
