Lúkɑ́shi 18:1 - Kɑɑ Fí

¹ Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

Lúkɑ́shi 18:1 交叉引用

Kɔlɔsíyɛ̂ŋ 4:2

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́ cɛꞋlɛ́nɛ, kɔɔ pʉʉ lɛ́, pʉʉ pɔ́ ŋ́ɡɛ pɔ́Ꞌɔ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́,

Pʉɔ-Lɔ́mɑ 12:12

Pʉʉ ńnɑ́ŋ nɛ́ tsɑ́ɑtɛ mbíꞋ yúu mi pʉʉ sɛ́ ńzẅíꞋlɛ. Ŋɡʉ̈ɔ́Ꞌ lɑɑ ŋ́kúu wʉ́ʉ, pʉʉ sʉk sʉknɛ. Pʉʉ kɛ́ ḿbɔ́ ḿbúꞋ mbɔ́ pɔ mbɔ̌ Sɛ́ kɛ́ kɑ́ɑ.

1 Tɛsɑlɔník 5:17

Pʉʉ pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ,

Filipɛ 4:6

Kɔɔ pʉʉ púꞋ mbʉʉ yʉʉ nǔu yɛcɔ́ nu. Lɑ́, kʉ̈ɔ́ lɑ́ lɑɑnɛ ńtʉ́ʉ sɛ́ ɔɔ, pʉʉ púꞋ mbɔ́ mbɔ̌ Sɛ́, ɛ́sẅíi wɛ́ nɛ́ yúu mi pʉʉ sɛ́ ńtsɑ́ɑ, ḿbúꞋ mbɔ́ mbɔ̌ wɛ́, ḿbɛn ŋ́ɡɑ́ pɑ́Ꞌlɑ́ mbɔ̌ wɛ́.

Ɛ́fɛ̂zɛ 6:18

Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.

Lúkɑ́shi 21:36

Pʉʉ pɑ́ɑ nɛlɛ́, ḿbɔ́ ńcɛꞋlɛ Sɛ́ ŋkɑ́ tsʉʉ, ɑ ɡɑ́ wʉ́ʉ nɛ́ mɛtʉʉ nɛlɔk ńdɛɛ mɔ mɛnu mi ɛ́ sɛ́ ńtɔ́ lɑ́ɑ, mbɑ nɛlɔk ńtʉ́ʉ kɛ́ kɔ́ sʉ́ʉ mbi Mɔ́ɔ-Ŋu.»

Ŋɡɑlɑ̂t 6:9

Kɔɔ pɛkŋɛ kɛ ŋ́kɑ́ɑ nɛɡɛ nu sʉ́Ꞌnɛ, mbíꞋŋɡɔ pɛkŋɛ lɑɑ ŋ́ɡɛ nu sʉ́Ꞌnɛ ńdɔk ŋ́ɡʉ pɔ nɛ́ mbi, mbɔ ŋkɑ́ ɡʉ ńdɑ́Ꞌ ŋ́kuꞋ, Sɛ́ ɡɛ pɛkŋɛ lɑk yúu tɛꞋ.

2 Kɔlɛ̂ŋtɛ 4:1

Pɔ́Ꞌɔ lɑ́, pɑ́Ꞌ Sɛ́ kɑ lɔk pɔ tsɑ́ɑ mɛjʉ́ŋ yɛ́, ŋ́ɡɑ́ yɔ fɑꞋ mbɔ̌ pɛk lɑ́, pɛk pɔɔ kɑ́ɑ pɔ́.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

Lúkɑ́shi 11:10

Jínɛ ŋɡɔ ŋu lɑɑ ńdɔ́ɔ yúu, mbɔ pɛ́ ɡɛ ŋ́ɡɑ́ mbɔ̌ wɛ́, ńdɔɔ, mbɔ ɑ ɡɛ ńjʉ́ɔ, ḿbɛn ḿbúꞋtɛ ntsundɑ́, mbɔ pɛ́ ɡɛ tsɔ́Ꞌ ŋ́ɡɑ́ mbɔ̌ wɛ́.