Lúkɑ́shi 16:23 - Kɑɑ Fí

²³ A kúu lɑ́Ꞌ pɛpfú, ḿbɔ́ ńjʉ́ɔ ŋɡʉ̈ɔ́Ꞌ tɛꞋ, ḿmɑꞋ lík ŋɡɑ sɛsɑ, ńjʉ́ɔ Ábɛlɛhɑ̂m, Lɑzɑ̂ɑ ńnɑ́ŋ nɛjɔ́ŋ yɛ́.»

Lúkɑ́shi 16:23 交叉引用

2 Pyɛ̂ 2:4

Pɛcʉ̈ɔ́Ꞌ-Sɛ́ kɑ zɛɛ ɛ́fɑɑnɛ nu, Sɛ́ pɔɔ wɔ́p nɑ́. A kɑ tsʉ́ʉ wɔ́p ḿmɑꞋ tsɛt nɛpʉ́ kɛ́ ndúŋ zʉꞋ-nzɛnzʉ́ʉ, pɔ́p ɡɔ́ ḿbɔ́ tsɛt mɛŋkʉ, ḿbɔ́ ńzẅíꞋlɛ lɛ́Ꞌ yi pɛ́ ɡʉ ŋ́ŋɑk mɛtsɑŋ.

Lúkɑ́shi 16:28

MbíꞋŋɡɔ pɔ́ɔpɛ́mɑ́ pɑ́ɑ pɛ́ mbɛ́ɛnɛ lɑ́Ꞌ pɛ́tɑɑ. N tsɑ́ɑ ŋɡɔ Lɑzɑ̂ɑ pɛn ŋ́kɑ́k nɛtúutɛ nɔ́p, ŋ́ɡɑ́ wɔ́p nɛ́ ntík ḿbɔ́k pɑꞋ pɔ́p ɡʉ ńdɑ́Ꞌ ḿbɛn ńtɔ́ ŋ́kúu yɔ́p tsɛt yɔ zʉꞋ ŋɡʉ̈ɔ́Ꞌ.»

Mɑtʉ̈ɔ 23:33

Pʉʉ njẅɛt-mɛnɔ́, ḿbɔ́ pɛmɑ́sɛ́m-nɔ́, ḿbɔ́ pʉʉ ɡɛ pɑ́Ꞌɑ ńdɑ́Ꞌ ńnɑ́ kɛ́ kúu tsɛt múk?

Mɑtʉ̈ɔ 18:9

Ɛ́ lɑɑ ńtsʉ́Ꞌ yi lík yú tsʉ́ʉnɛ wú, ɔ fɑɑnɛ nu, ɔ tsɔ́Ꞌ ḿmɛꞋ ŋɡɑ sɛsɑ. Mbi ɡu nɛpɔ́ pɛlík ńdɑ́Ꞌ ḿbɔ́ ɡú, ńtsɑ ɡu nɛɡẅɛɛ mík mɛmbɑ́, ńdɑ́Ꞌ ŋ́kúu tsɛt múk.

Mɛnu ɛ́ ńdɑ́Ꞌ ńcẅɛt 20:10

Sɑ́ttɑ ẅí ɑ kɑ pɔ́ ɛ́fúklɛ wɔ́p lɑ́, pɛ́ tsʉ́ʉ wɛ́ ḿmɑꞋ tsɛt ɡʉ́ɔ múk ntʉʉ, nɛjɔ́ŋ ŋkʉꞋnɛ nɑɑ mbɑ nɛjɔ́ŋ ŋɡɛ́mndʉ̈ɔ́Ꞌ-Sɛ́ wɛ cɔtnu. Pɔ́p lɑ́Ꞌ ńtswɛ́ zúꞋu, ńjʉ́ɔ ŋɡʉ̈ɔ́Ꞌ ntɛ́ nɛ́ ntɛ́, nɛnɛm pɔ́p nɛtúꞋ, nǔu mɛŋɡuꞋ mɛŋɡuꞋ.

Lúkɑ́shi 8:28

A jʉ́ɔ Yɛ́su pɔ́Ꞌɔ, ńtɔ́ ńnɔɔ mɛku wɛ́, ŋ́kíi ńdɔk ŋɡi tɛnnɛ ńcú ŋɡɔ: «Yɛ́su mɔ́ɔ-Sɛ́ ẅi ɑ piꞋnɛ mbɑ kʉ̈ɔ́ lɑ́, ɔ cẅɛ́ɛ kʉ̈ɔ́ mbɔ̌ mɔ? M búꞋ mbɔ́ mbɔ̌ wu, kɔɔ níꞋ wɑ́ɑ tsɛt ŋɡʉ̈ɔ́Ꞌ!»

Mɑtʉ̈ɔ 5:29

Lík yú yɛ́ pɔ́ tʉʉ lɑɑ ńtsʉ́ʉnɛ wú ɔ fɑɑnɛ nu, ɔ tsɔ́Ꞌ ḿmɛꞋ tɛ ŋɡɑ sɛsɑ. Mbi pɑ́Ꞌ mbɔ yɛcɔ́ tɑ́Ꞌ nǔu mɛkɛm mbʉʉ mú pɛ́, pɛ́ pɛn ŋ́kɛ́ ḿbɔɔ lɑ́Ꞌ ḿmɑꞋ wú tsɛt múk pɔ́.

Mɑtʉ̈ɔ 5:22

Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzɑ́ŋ lɔ́ŋ nǔu mɔ́ɔmɑ́ wɛ, mbɔ pɛ́ ɡẅɛɛ nɛlɔk wɛ́ ŋ́ɡʉ mbi nzɑ́Ꞌmɛntsɑŋ. Ŋu ẅí ɑ fúŋnɛ mɔ́ɔmɑ́ wɛ nɛ́ ɡʉɡʉʉ, pɛ́ ɡẅɛɛ nɛlɔk wɛ́ ẅi ɑ fúŋnɛ ŋ́ɡʉ mbi-cúꞋlɛ-pɑsɑ́Ꞌlɑ́Ꞌ. Ŋu ẅí ɑ fúŋnɛ mɔ́ɔmɑ́ wɛ ŋɡɔ pʉ̈ɔt ɔ kɛ́jísɛ́, ɑ kuꞋ ŋu ẅí ḿbɔ́ Sɛ́ mɑꞋ wɛ́ múk.

1 Kɔlɛ̂ŋtɛ 15:55

Nɛvú, mú mɛtʉʉ lɔk ńjʉ́ ntsɔ lɛɛ nɛɡɔ́? Nɛvú, mú mɛ́tɛ́ lɛɛ nɛɡɔ́?

Mɑtʉ̈ɔ 11:23

ŋ́ɡʉ nǔu pʉʉ pʉɔ-Kɑpɛɛnɑwúm, pʉʉ kwɑŋɛ ŋɡɔ Sɛ́ ɡʉ ŋ́kɑꞋ wʉ́ʉ kɑꞋnɛ tɛ pʉʉ kúu nɛpú pɔ́ ɔɔ? Ɛ sẅíi wʉ́ʉ ŋɡɔ: Ŋɡɑŋ, ɑ ɡʉ ŋ́kɔk wʉ́ʉ kɔknɛ pʉʉ ɡʉ tɛ ŋ́kúu lɑ́Ꞌ-pɛpfú sɛ́. MbíꞋŋɡɔ mɛŋkʉꞋnɛ mɛnu mi pɛ́ kɑ ɡɛnɛ lɑ́Ꞌ pʉʉ, ɑ m̄bɔ́ pɛ́Ꞌɛ ŋ́ɡɛ pɔ Sɔdɔ̂m, mbɔ Sɔdɔ̂m yɛ́ pɔ ɡú tɛ ŋ́kúu lɔ́Ꞌnɛ

Mɑtʉ̈ɔ 8:29

Pɔ́p kíi ńcú mbɔ̌ Yɛ́su ŋɡɔ: «Ɔ lɔɔ nɛɡɛ ŋɡɔ́ku nǔu pɛk, mɔ́ɔ-Sɛ́? Ɔ kɑ tɔ́ zɑꞋnɛ pɔ nɛzɑ́Ꞌ njí ńníꞋ wɛ́k tsɛt ŋɡʉ̈ɔ́Ꞌ kɛkʉ̈ɔ́?»

Lúkɑ́shi 16:24

Ŋɡɑŋkɑ́p zɛ nɛkíi ḿbúꞋ mbɔ́ mbɔ̌ ńcú ŋɡɔ: «Tɑ̌ɑ mɔ Ábɛlɛhɑ̂m, tsɑ́ɑ mɛjʉ́ŋ mɑ́ɑ, ńtúu Lɑzɑ̂ɑ, ɑ cʉɔꞌ mɔ́ɔ tɔ̂pɔ́ wɛ nǔu ŋki ńdɔk ńtɔ́, ńcʉ̈ɔ́kŋɛ nǔu lʉ́m yɑ́ɑ. MbíꞋŋɡɔ mɔ sɛ́ ńjʉ́ɔ ŋɡʉ̈ɔ́Ꞌ tsɛt múk wɔ tɛꞋ.»