7 Ɛ́ pɔ́Ꞌɔ, lɑ́ ɛ sẅíi wʉ́ʉ ŋɡɔ: Tɑ́Ꞌ ŋu kɛpɔŋ lɑɑ ŋ́kúp mɑt wɛ, pɛ́ tsɑ́ɑtɛ tʉ́nɛ́pú tɛꞋ, ńtsɑ pɑ́Ꞌ ɛ́ lɑɑ ḿbɔ́ pɛ́ tsɑ́ɑtɛ nǔu pʉɔ ntsɔ̌pɛ́nɛ́pfuꞋú mɛɡɛ́mɛ́nɛ́pfúꞋú pi pɔ́p jʉ́ɔnɛ ŋɡɔ pɔ́p nɛ́nẅín tɛ ḿbɔ́ pɔ́p pɔɔ kíi ŋ́kúp mɑt wɔp pɔ́.»
Mɔ ŋkɑɑ tɔ́ pɔ nɛfúŋ pʉɔ ndʉ́ŋndʉŋ pɔ́. Ŋ kɑ tɔ́ ntɛ́ pʉɔ kɛpɔŋ ŋɡɔ pɔ́p kúpmɛ mɑt wɔp.»
Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»
Lɑ́, ɛ́ ḿbɔ́ ḿbɔŋ ŋɡɔ pɛkŋɛ tsɑ́ɑtɛ kwɑꞋ sʉ́Ꞌnɛ, mbíꞋŋɡɔ mɔ́ɔmɑ́ wu wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.»
Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, ɑ lɑɑ ńdɔɔ ẅîwɑ́ tɛ ńjʉ́ɔ, mbɔ ɑ ɡʉ ńtsɑ́ɑtɛ nǔu ẅîwɑ́, ńtsɑ pɛcɔ́ ntsɔ̌pɛ́nɛ́pfuꞋú nɛ́ mɛɡɛ́mɛ́nɛ́pfúꞋú pi pɔ́p kɑ́ pɛ́.
Ɛ́ kɑ pɔ́ ŋkɑ́ yi ŋ kɑ pɛ́tnɛ kɛ́ jí nɛpʉ́ʉ-Sɛ́, ńzúꞋ ḿbɔ́ pɔ sʉ́Ꞌnɛ, ŋ kɑ pɛn ḿbɔ́ tɛ ńjí, nɛtsɑ́ɑ nɛɡɛ nu kɛpɔŋ kúu nǔu mɔ,
A cú mbɔ̌ pɔ́p ŋɡɔ: «Pʉʉ pɑ́ ẅi pʉʉ júknɛ ɛ́fúklɛ pʉɔ ŋɡɔ pʉʉ pʉɔ sʉ́Ꞌnɛ, lɑ́, Sɛ́ kɛ́ ḿbɔ́ ńjí pɑꞋ tʉ́m yʉ́ʉ pɔ́nɛ. Pʉʉ jí ŋɡɔ: Nu yi pʉɔmɛsɔŋ jʉ́ɔnɛ ŋɡɔ ɛ́ nu tɛꞋ, ɛ́ mbi Sɛ́ ḿbɔ́ nu-sʉ́ʉ.»
A tsɔ́Ꞌ mbɔ̌ wɛ́ ŋɡɔ: «Tɑ̌ɑ, ɛ fɑꞋ mbɔ̌ wu ŋɡuꞋ yɛ́sʉ́Ꞌʉ́? Mɔ ńdɑ́Ꞌ mɔ́ ŋ́kɛ́ ɛ́fɑɑnɛ nɛpʉ́ʉ nú? Lɑ́ ɔ mɑ́ɑ mɔ́ ŋ́ɡɑ́ wɑɑ mɔ́ɔ-mɔ̂mbí ndɑꞋ ŋɡɔ pɛk pɛsúu pɑ́ɑ jẅí ńdɔk ńtsɑ́ɑtɛ?
Pʉʉ ɡɛ pɔ mɛnu sʉ́Ꞌnɛ mí ɛ́ nyɛtnɛ ŋɡɔ pʉʉ kúpmɛ mɑt.
ńdɔk ḿbɛn tɛ ŋ́kúu njɛ́Ꞌ yɛ. Ŋ́kúu njɛ́Ꞌ yɛ pɔ́Ꞌɔ, ɛ́fúŋ pɛsúu pɛ́ mbɑ pɛtɑ̌ɑlɑ́Ꞌ pɛ́ ńcú mbɔ̌ pɔ́p ŋɡɔ: Pɛkŋɛ tsɑ́ɑtɛ mbíꞋŋɡɔ n jʉ́ɔ njinjɔ wɑɑ ẅi ɑ kɑ pɛ́nɛ lɑ́.
Pʉʉ pɛn ńzúꞋ yɛcɔ́, mɑŋɡɛ́ lɑɑ ŋ́ɡẅɛɛ ŋkɑ́p yɛ pɑk nɛɡɛ́m, tɑ́Ꞌ pɑk pɛ́, mbɔ ɑ ŋ́ɡɛ pɑ́Ꞌɑ? Mbɔ ɑ kɛ́ lyɛt kyɛꞌ ńzʉk ndɑ́, ńtɑꞋ kyɑŋɛ, ḿbɔ́tnɛ ńdɔ́ɔ tɛ ńdɑ́Ꞌ ńjʉ́ɔ pɔ́ ɔɔ?
