Lúkɑ́shi 15:28 - Kɑɑ Fí

²⁸ Ndu wɛ zúꞋ pɔ́Ꞌɔ, ńzɑ́ŋ lɔ́ŋ tɛ ńdʉꞋ nɛkúu ndɑ́. Tɑ́t wɛ cẅɛt píi, ḿbúꞋ mbɔ́ mbɔ̌ wɛ́ ŋɡɔ ɑ kúu ndɑ́.

Lúkɑ́shi 15:28 交叉引用

Lúkɑ́shi 15:2

Pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ńcútɛ tsɛtsɛt pɔ́p ŋɡɔ: «Ŋu ẅi lɔ ńcúꞋlɛ pʉɔ kɛpɔŋ tɛ pɔ́p pɛpɔ́p tɛmtɛ ńjʉ́ yúujʉ́.»

Lúkɑ́shi 7:39

Ŋu-Fɑlísɑy ẅí ɑ lɑ́Ꞌnɛ ɛ́fúŋ Yɛ́su jʉ́ɔ pɔ́Ꞌɔ, ŋ́kwɑŋɛ tʉ́m yɛ́ ŋɡɔ, ŋu wɔ pɛ́Ꞌɛ ḿbɔ́ kwɑꞋ ŋɡɛ́mndʉ̈ɔ́Ꞌ-Sɛ́, mbɔ ɑ jí lii mɑŋɡɛ́ ẅi ɑ zɑ́pnɛ pɔ́ nǔu wɛ́ lɑ́, mbɔ ɑ jí ŋɡɔ ɑ mɑŋɡɛ́ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 14:2

Lɑ́ pɛcɔ́ pɑyúdɑ lʉꞋ nɛpɛ́m, ńdẅɑklɛ pʉɔ pí pɔ́p kɑ́ pɔ́ pɑyúdɑ pɔ́, pɔ́p zɛ nɛlíŋɛ pɔ́ɔpɛ́mɑ́ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 13:45

Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Lúkɑ́shi 13:34

Ŋkɑ́ kuꞋ, ɑ mɑɑ ŋɡɔ: «Pɑyɛlúsɑlɛm, Pɑyɛlúsɑlɛm, pʉʉ pʉɔ pínɛ pʉʉ ńjẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́mtɛ pʉɔ pinɛ Sɛ́ túunɛ mbɔ̌ pʉʉ jẅítɛ, ɛ́ ŋkɑ́ yɛ́sʉ́Ꞌ pɑ́Ꞌ n dɔɔnɛ nɛcúꞋlɛ pɔ́ɔ pʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ tsɛt mɛpɑ́p mɛ́, pʉʉ kɛ́ ńdʉꞋ lʉꞋnɛ?

Lúkɑ́shi 5:30

Pɛcɔ́ pʉɔ-Fɑlísɑy pɔ́p pɛcɔ́ pɑkyɛ́Ꞌtɛ nɛpʉʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ɛ́sẅíitɛ, ḿbíkŋɛ ɡɑŋku-Yɛ́su ŋɡɔ: «MbíꞋku pʉʉ pɑcẅɛ́ɛntsup pɔ́p pɛcɔ́ pʉɔ kɛpɔŋ tɛmtɛ yúu ńjʉ́?»

Mɑtʉ̈ɔ 20:11

Pɔ́p ɡɔ ńcẅɛ́ɛ lɔ́ŋ wɔp pɔ́ ńzɑ́ŋ ntɛ́ ŋɡɑŋkɑ́Ꞌ.

1 Tɛsɑlɔník 2:16

Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.

2 Kɔlɛ̂ŋtɛ 5:20

Pɛk lɔk pɑ́Ꞌɑ ḿbɔ́ pɛmɑ́ntúu-Kɛlístɔ lɑ ńcú nu. Ɛ́ pɑ́Ꞌɑ ńdɔk ḿbɔ́ ŋɡɔ Sɛ́ ɛ̂wɑ́ fúŋnɛ pʉɔ. Pɛk lɔk lík-Kɛlístɔ, ḿbúꞋ mbɔ́ ŋɡɔ pʉɔ pɛ́m Sɛ́ ŋ́ɡɛ pɔ́p pɛpɔ́p pɛn ḿbɔ́ sʉ́Ꞌnɛ.

Pʉɔ-Lɔ́mɑ 10:19

Pɔ́Ꞌɔ, m bɛn ḿbíkŋɛ ŋɡɔ: Pɑyúdɑ pɑ́Ꞌɑ, mbɔ pɔ́p kɑ zúꞋ yɔ nu mbɔɔ lii kɛkʉ̈ɔ́? Pɔ́p kɑ lii lɑ́ ńdʉꞋ lʉꞋnɛ. Ɛ́ pɔ́ pɑ́Ꞌ Mɔ̌sɛ̂ɛ kɑ ŋwɑꞋnɛ́nɛ ŋɡɔ Sɛ́ cú mbɔ̌ pɑyúdɑ ŋɡɔ: «Mɔ ŋ́ɡɛ lɔ́ŋ wʉʉ kɔ́Ꞌ MbíꞋ pʉɔ-lɑ́Ꞌ pi ŋ kɑ́ lɔk wɔ́p ɛ́fúŋ yɛcɔ́ yúu pɔ́. Mɔ ńdɑ́Ꞌ ŋ́ɡɛ nu zɑ́ŋ wʉ́ʉ.» MbíꞋ pɑtúu pi pʉʉ cúnɛ ŋɡɔ jínu yɔ́p kɑ́ pɔ́ ɡú pɔ́.

ŊwɑꞋnɛ-Gɑŋntúu Yɛ́su Kɛlístɔ 14:19

Mbɑ pɔ́Ꞌɔ, pɛcɔ́ pɑyúdɑ ɡɔ́ɔ ŋ́ɡɛ ɛ́fú Antíyɔshɛ ẅí ɛ́ mbʉʉ Pisidîi, pɛcɔ́ fú tʉsɔŋ-Ikɔníyum, pɔ́p puu ńtɔ́ shɔt lɑ́Ꞌ tɛ pɔ́p tsʉ́Ꞌ ḿbɔ́ pɔ nǔu yɔp nzʉʉ. Pɔ́p pɛ́ pɔ́p lɔk mɛŋɡɔꞋ ńtɛ́mtɛ Pɔ̂l, tɛ ḿbɔ́ ŋ́kwɑŋɛ pɔ ŋɡɔ ɑ pfú, ɛ́shuŋ wɛ́ ńdɔk ɛ́fú tʉ́sɔŋ, ŋ́ɡʉ ḿmɛꞋ.

ŊwɑꞋnɛ-Gɑŋntúu Yɛ́su Kɛlístɔ 13:50

Lɑ́ pɑyúdɑ ɡɔ́ɔ ŋ́kɛ́ ńníꞋ mɛtʉʉ pɛcɔ́ pɑŋɡɛ́ pi pɔ́p tʉ́sɔŋ-Antíyɔshɛ ɛ̂wɑ́ ŋ́ɡẅɛɛ yúu. Mbɔ pɔ́p kɑ pɔ́ ńcɛꞋlɛ Sɛ́ pɑ́Ꞌ pɑyúdɑ, ńníꞋ mɛtʉʉ mbɑ pɛcɔ́ pɛkɛ́m pi pɔ́p tʉ́sɔŋ. Pɔ́p pɛ́ pɔ́p zɑ́ɑ sɔ́ɔ nǔu Pɔ̂l pɔ́p Pɑnɛpɑ́ɑshi, ńzuŋ wɔ́p tɛ pɔ́p fú lɑ́Ꞌ pɔ́p ŋ́kɛ́ ŋ́ɡʉ ɡʉnɛ.

Mɑ́lɛ́kúshi 1:40

Wɛcɔ́ ŋɡɑŋkɑꞋ ɡɛ ńtɔ́ ŋ́kẅíꞋlɛ mbi Yɛ́su, ḿbuꞋ mbɔ́ mbɔ̌ wɛ́ ńcú ŋɡɔ: «Ɔ lɑɑ ŋ́kɔŋ, mbɔ ɔ kuꞋ nɛɡɛ ɛ fíitɛ.»

Lúkɑ́shi 15:27

ŊɡɑŋfɑꞋ cú ŋɡɔ: «Mɔ́ɔmɑ́ wu tsʉ́Ꞌ nzʉʉ ńtɔ́ tɛ ḿbɔ́ pɔ sʉ́Ꞌnɛ. Tɑ́t wu jẅí mɔ́ɔ-fɔŋ ẅi ɑ ɡúꞋ tɛꞋ lɑ́, pɛ́ sɛ́ ńdɔk ńtsɑ́ɑtɛ.»

Lúkɑ́shi 15:29

A tsɔ́Ꞌ mbɔ̌ wɛ́ ŋɡɔ: «Tɑ̌ɑ, ɛ fɑꞋ mbɔ̌ wu ŋɡuꞋ yɛ́sʉ́Ꞌʉ́? Mɔ ńdɑ́Ꞌ mɔ́ ŋ́kɛ́ ɛ́fɑɑnɛ nɛpʉ́ʉ nú? Lɑ́ ɔ mɑ́ɑ mɔ́ ŋ́ɡɑ́ wɑɑ mɔ́ɔ-mɔ̂mbí ndɑꞋ ŋɡɔ pɛk pɛsúu pɑ́ɑ jẅí ńdɔk ńtsɑ́ɑtɛ?