Lúkɑ́shi 15:10 - Kɑɑ Fí

¹⁰ Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»

Lúkɑ́shi 15:10 交叉引用

Lúkɑ́shi 15:7

Ɛ́ pɔ́Ꞌɔ, lɑ́ ɛ sẅíi wʉ́ʉ ŋɡɔ: Tɑ́Ꞌ ŋu kɛpɔŋ lɑɑ ŋ́kúp mɑt wɛ, pɛ́ tsɑ́ɑtɛ tʉ́nɛ́pú tɛꞋ, ńtsɑ pɑ́Ꞌ ɛ́ lɑɑ ḿbɔ́ pɛ́ tsɑ́ɑtɛ nǔu pʉɔ ntsɔ̌pɛ́nɛ́pfuꞋú mɛɡɛ́mɛ́nɛ́pfúꞋú pi pɔ́p jʉ́ɔnɛ ŋɡɔ pɔ́p nɛ́nẅín tɛ ḿbɔ́ pɔ́p pɔɔ kíi ŋ́kúp mɑt wɔp pɔ́.»

2 Kɔlɛ̂ŋtɛ 7:10

mbíꞋŋɡɔ nɛmʉk nǔu ntɛ́ yi Sɛ́ sɛ́ ŋ́kɔŋ, ɛ́ ɡɛ ŋu kúpmɛ mɑt. Ẅîwɑ́ nɛkúpmɛ mɑt ɡɛ ŋu luk, tɛ ḿbɔ́ nu pɔɔ pʉ́k wɛ́ pɑ́Ꞌ ɑ mʉknɛ pɔ́. Lɑ́ nɛmʉk nǔu ntɛ́ yɛ́ pʉɔ-ndǔmbí, ɛ́ ɡɑ́ pɔ nɛvú.

Lúkɑ́shi 13:5

Ŋɡɑ́ŋ, ɛ́ kɑ́ pɔ́ nu pɔ́. Pʉʉ lɑɑ ŋ́kɛ́ ḿbɔɔ kúpmɛ wʉʉ mɑt pɔ́, mbɔ pʉʉ ɡɛ ḿpfútɛ yʉ́ʉ pɔ pɑ́Ꞌ pɔ́p.»

Mɑtʉ̈ɔ 18:14

Ɛ́ kɛ ḿbɔ́ pɔ pɔ́Ꞌɔ nǔu Tɑ̌ɑ wʉʉ ẅí ɑ tʉ́nɛ́pú, ɑ kɑ́ kɔŋ ŋɡɔ wɛcɔ́ tɑ́Ꞌ nǔu mbɔ́ŋkʉ̈ɔ́ pɛ́ pɛ́ pɔ́.

Ɛ́bɛlʉʉ 1:14

Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.

ŊwɑꞋnɛ-Gɑŋntúu Yɛ́su Kɛlístɔ 11:18

Pɑpɛm Yɛ́su pi pɔ́p Pɑyúdɑ zúꞋ mɛnu mɔnɛ, ḿbɔ́tnɛ ńnɑ́ŋ, ḿbɛn ḿbɔ́ ŋ́ɡɑ́ pɑꞋlɑ́ mbɔ̌ Sɛ́ ńcú ŋɡɔ: «Ɛ́ pʉ̈ɔ́lɑ́ yi Sɛ́ kɑ ɡɑ́ shʉ́ mbɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, nɛkúpmɛ mɑt, ɑ ɡɛ pɔ́p ɡẅɛɛ luk kɛ́mɛ.»

Lúkɑ́shi 7:47

Ɛ́ lɛɛ pɔ́Ꞌɔ, lɑ́ ɛ sẅíi wú ŋɡɔ, mɑŋɡɛ́ wɔ ńnyɛt yɔ ntɛ́ kɔŋɛ pɑꞋɑ, mbíꞋŋɡɔ pɛ́ ńdikŋɛ mɛnu kɛpɔŋ mɛ́ mi ɛ́ kɑ zɑ́ɑ mɔ́ tɛꞋ, ŋ́ɡɑ́ mbɔ̌ wɛ́. Lɑ́ ŋ́ɡʉ nǔu ŋu ẅi ɑ jʉ́ɔ ŋɡɔ mɛnu kɛpɔŋ mɛ́ mi pɛ́ likŋɛ́nɛ kɛ́ ḿbɔɔ zɛɛ ńzɑ́ɑ tɛꞋ pɔ́, mbɔ yɛ́ ŋkɔŋɛ ɡʉ ḿbɛn ḿbɔ́ pɔ mɔ́zʉꞋ.

Mɑtʉ̈ɔ 18:10

Pʉʉ lɑk tú yʉ́ʉ nɛɡwɑ́k wɛcɔ́ tɑ́Ꞌ nǔu ɡɛ́ɡɛ́ mbɔ́ŋkʉ̈ɔ́ pɔnɛ. Jínɛ ŋɡɔ, pɛcʉ̈ɔ́Ꞌ-Sɛ́ pínɛ pɔ́p líŋɛ́nɛ wɔ́p tʉ́ʉ mbi Sɛ́ túnɛpú ŋkɑ́ tsʉʉ. [

Filɛmɔ̂ŋ 1:15

Lɛ́Ꞌcɔ́, mbɔ ɑ kɑ nɑ́Ꞌ ɛ́fú nɛjɔ́ŋ ɡu ŋ́ɡʉ nɛpɔ́ yi ɔ ɡʉ ŋ́ɡɛ ḿbɛn ŋ́ɡɔ́ jʉ́ɔ wɛ́, ɛ́ pɔ́ pɑ́Ꞌ pʉʉ nɛ́ ɡʉ tsʉ́Ꞌ ńnɑ́ŋ pɔ ŋkɑ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 5:19

Lɑ́ ɛ́ ɡɛ ḿbɔ́ nɛtúꞋ, wɛcɔ́ cʉ̈ɔ́Ꞌ-Tsɑpʉɔ tɔ́, ńtsɔ́Ꞌ ndɑ́tsɑ́ŋ, ŋ́ɡɛ ɡɑŋntúu cẅɛt, ɑ cú mbɔ̌ pɔ́p ŋɡɔ:

Mɑtʉ̈ɔ 10:32

Jínɛ ŋɡɔ ŋu lɑɑ ńcú mbi lɑ́Ꞌ ŋɡɔ: «ɑ ŋu wɑɑ.» Mbɔ ŋ ɡʉ ńdɑ́Ꞌ ńcú yɑ́ɑ mbi Tɑ̌ɑ mɔ ẅí ɑ tʉ́nɛ́pú ŋɡɔ: «Ŋu wɑ́ wɑɑ ŋu.»

Lúkɑ́shi 12:8

Lɑ́ m bɛn ɛ́sẅíi wʉ́ʉ yɔ nu; ŋu lɑɑ ḿbɛ́m ŋkɔ̂ɔnɛ mbi lɑ́Ꞌ ŋɡɔ ɑ wɑɑ ŋu, mbɔ mɔ́ɔ-ŋu ɡɛ ḿbɛ́m wɛ́ ɡúu mbi pɛcʉ̈ɔ́Ꞌ-Sɛ́

Lúkɑ́shi 12:9

Lɑ́, mbɔ ŋu lɑɑ ḿmuŋɛ wɑ́ɑ ŋkɔ̂ɔnɛ mbi lɑ́Ꞌ, mbɔ mɔ́ɔ-ŋu ŋ́ɡɛ ḿmuŋɛ wɛ́ ɡúu mbi pɛcʉ̈ɔ́Ꞌ-Sɛ́.»

Lúkɑ́shi 15:9

A ɡɛ ńjʉ́ɔ, ɛ́fúŋ pɛsúu pɛ́ mbɑ pɛtɑ̌ɑlɑ́Ꞌ pɛ́, ńcú mbɔ̌ pɔ́p ŋɡɔ: «Pʉʉ tɔ́ pɛkŋɛ tsɑ́ɑtɛ, mbíꞋŋɡɔ n jʉ́ɔ pɑk-ŋkɑ́p yɑɑ yi ɛ́ kɑ pɛ́nɛ lɑ́.

Lúkɑ́shi 15:11

Yɛ́su pɛn ńcú ŋɡɔ: «Wɛcɔ́ ŋu kɑ ɡẅɛɛ pɔɔ pɛ́ mbɛ́ɛnɛ pɛ́pɑ́.