Lúkɑ́shi 14:27 - Kɑɑ Fí

²⁷ Ŋu lɑɑ ḿbɔɔ tíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ pɔ́, mbɔ ḿbɔ́ ɑ pɔɔ kuꞋ nɛpɔ́ ŋɡɑŋku wɑɑ pɔ́.»

Lúkɑ́shi 14:27 交叉引用

Mɑtʉ̈ɔ 10:38

Ŋu lɑɑ mbɔɔ tíi yɛ́ tʉ́ mbɑ́ŋtɛ pɑ́ŋtɛ́nɛ, ńdɔk ḿbɛ́m nɛpfú lɑ ńcʉ́ɔ nzʉʉ mɔ pɔ́, mbɔ ḿbɔ́ ɑ pɔɔ kuꞋ nɛpɔ́ ŋɡɑŋku wɑɑ pɔ́.

Mɑ́lɛ́kúshi 10:21

Yɛ́su pɛn ńdíŋɛ wɛ́, nu yɛ́ pɔŋ wɛ́, ɑ cú mbɔ̌ wɛ́ ŋɡɔ: «Tɑ́Ꞌ yúu wɛ́mɔ́Ꞌ pɛ́t ńjɑ́k yi ɔ ɡʉ ŋ́ɡɛ. Gʉ, ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɑkɛ́yúu, ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

2 Timɔtɛ́ɛ 3:12

ḿbɔ́ ŋu zɛɛ ḿbɔɔ lɑt mbʉʉ yɛ nǔu Yɛ́su Kɛlístɔ, ḿbɔ́ ŋ́kɔŋ nɛnɑ́ŋ pɑ́Ꞌ Sɛ́ kɔŋnɛ, pɛ́ nɑ́ kɛ́ tsɔ́Ꞌ ku yɛ́ kɛpɔŋ pɔ́.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

Mɑtʉ̈ɔ 13:21

lɑ́ mbɔɔ nɑ́ ɛ́ lɑt mɛŋɑŋ tʉ́m pɔ́p pɔ́, mbíꞌŋɡɔ pɔ́p pɔ́ pʉɔ-lɛ́Ꞌlɑ́Ꞌ. Pɛ́ pɔ́ tɛ ńzɛ nɛkʉ́ʉnɛ wɔ́p, ńnyɛt wɔ́p nɛ́ ŋɡʉ̈ɔ́Ꞌ mɛlɑ́Ꞌ nu-Sɛ́ pɔ́p ɡɔ́ɔ ḿmɛꞋ.

2 Timɔtɛ́ɛ 1:12

Yɛ́tɛ ɡɛnɛ n jʉ́ɔ yɔ ntɛ́ ŋɡʉ̈ɔ́Ꞌ ŋkɔ̂ɔnɛ pɑ́Ꞌɑ mbíꞋ pɔ pɔ́Ꞌɔ. Lɑ́, sʉ́ʉ kɛ́ ḿbɔɔ ŋ́kɔ́ wɑ́ɑ nǔu pɔ́, mbíꞋŋɡɔ mɔ sɛ́ ńjí ŋu ẅi n zɑ́pnɛ tʉ́m nǔu wɛ́. N tsuŋ ḿbɔ́ ńjí ŋɡɔ ŋɡɑŋ ɡẅɛɛ mɛtʉʉ nɛlɔk ŋ́kúꞋlɛ nu yi ɑ kɑ lẅɛꞋnɛ mbɔ̌ mɔ, tɛ ŋ́kúu lɛ́Ꞌ yi Yɛ́su ńdɑ́Ꞌ ńtɔ́.

Jɑ̂ŋ 19:17

Ŋ́ɡɔ́ ɛ́fú tʉ́sɔŋ ńcẅɛt, kwɑꞋ jʉ́ tíinɛ tʉ́ mbɑ́ŋtɛ pɑ́ŋtɛ́nɛ yɛ́, pɔ́p pɛ́ pɔ́p pɔ́ ŋ́ɡʉ nɛ́ yɛcɔ́ zʉꞋ, pɛ́ fúŋ ŋɡɔ tsẅíi-tú. Ɛ́ pɔ́ nǔu sẅíŋɛ-pʉɔ-Hɛbɛlʉ́, ḿbɔ́ Ŋɡɔlŋɡɔ́tɑ.

Mɑ́lɛ́kúshi 15:21

Pɔ́p kɑ pɔ́ ńdɔk wɛ́ ŋ́ɡʉ, ḿbuutɛ wɛcɔ́ ŋu, ɑ fúnɛ nɛ́ tɛt, lík yɛ́ pɔ́ ŋɡɔ Símɔ, ɑ pɔ́ ŋu ẅí ɑ kɑ fúnɛ tʉ́sɔŋ-Silɛ̂nɛ ńtɔ́, ḿbɔ́ tɑ̌ɑ pɛ́ Lɑksɑ́ndɑ pɔ́p Lẅifẅis. Pɑlʉ̈ɔꞋntsɔ ɡẅɛɛ wɛ́, ńdɔk tʉʉ ɛ́fyɛ́t wɛ́ ŋɡɔ ɑ tíi tʉ́ mbɑ́ŋtɛ pɑ́ŋtɛ́nɛ-Yɛ́su.

Lúkɑ́shi 14:28

Pɔ́Ꞌɔ lɑ́, ŋu wʉʉ lɑɑ ḿbɔ́ ŋ́ɡʉ ŋ́kút mɑ́mɑ́ ndɑ́, mbɔ ɑ ɡʉ ńzɛ ńnɑ́ŋ sɛ́ ŋ́kwɑŋɛ yúu-fɑꞋ, ńjí ndɛn ŋkɑ́p yi ḿbɔ́ ɑ lɔk ŋ́kút tɛ ńjʉ́ɔ ɛ́ kuꞋ nǔu wɛ́,