15 Pɛ́ zúꞋ yɔ sẅiŋɛ tɛ wɛcɔ́ ŋu ẅí pɔ́p pɛpɔ́p kɑ nɑ́ŋnɛ sɛ́ ḿbɔ́ ńjʉ́ yúu cú mbɔ̌ Yɛ́su ŋɡɔ: pɔ́ttú ɑ ŋu ẅí ɑ ɡɛ ńdɑ́Ꞌ jʉ́ yɛ́ yúu tsɛt nɛfɔɔ-sɛ́!
Wɛcɔ́ Cʉ̈ɔꞋ-Sɛ́ cú mbɔ̌ mɔ ŋɡɔ: «ŊwɑꞋnɛ tsɛt ŋwɑꞋnɛ ŋɡɔ pɛpɔ́ttʉ́ pʉɔ pí pɛ́ fúŋnɛ wɔ́p zʉꞋ-ndínɑ lɑ́ɑndɑ́-mɔ́ɔ-Njinjɔ, ḿbɛn ńcú mbɔ̌ mɔ ŋɡɔ: Ɛ́ sẅiŋɛ yi ɛ́ cẅɛtnɛ kwɑꞋ ntsu-Sɛ́.»
Ŋkɑ́ yi mɔ ŋ́ɡɛ ḿbɔ́ Fɔɔ lɑ́, pɛkŋɛ tɛmtɛ yúu ńjʉ́, ńnɔ́, pʉʉ pɛn ńnɑ́ŋ ndǔ mɛkɔꞋ-nɛfɔɔ, ŋ́ŋɑk njẅɛtndɑ́-Íslɑyɛ̂l ntsɔ̌ppɑ́ nɛ́ nɛɡɛ́m.
Ɛ́ ŋ́ɡɛ ńdɑ́Ꞌ ḿbɔ́ ŋkɑ́ ɛ̂yɑ́, pɛ́ fú nɛsɑ́Ꞌ-nɛm, ɛ́fú mbɛ́nɛm, ɛ́fú kɔŋ, ɛ́fú ntsʉ́ʉ, ńtɔ́ ńcúꞋlɛ tsɛt nɛfɔɔ-Sɛ́, ḿbɔ́ ŋ́ɡɛ mɑ́mɑ́ tsɑ́ɑtɛ.
Pɔ́p ɡʉ nɛzúu, ŋu ẅí ɑ zɔ́Ꞌnɛ tsʉ́Ꞌ ńtɔ́, pɔ́p pɛ́ pɔ́ɔŋɡɔɔ pínɛ yɛcɔ́ yúu ŋkɑɑ ḿbɔ́ ńjɑ́k wɔ́p pɔ́ kúu ndɑ́-ndínɑ-lɑ́ɑndɑ́, pɛ́ jʉ́ɔꞋ ntsundɑ́.
Pɛpɔ́ttú ɡɑŋfɑꞋ pi tɑ̌ɑfɑꞋ wɔp ɡɔ́ ńtɔ́, mbɔ pɔ́p kɑ́ lɛ́. Ɔ́ɔŋ, ɛ sẅíi wʉ́ʉ, ɛ́ pɔ́ nɛ́nẅín, ɑ ɡɛ ńtɛ́m ndẅí-fɑ́Ꞌ, cú pɛɡɑŋfɑꞋ pɛ́ ńnɑ́ŋ sɛ́, ɑ lɔk yúu ńdɛɛ, ŋ́ɡɑp pɔ́p kwɛ́t.
Mɔ ńzɛɛ ḿbɛn ɛ́sẅíi wʉ́ʉ ŋɡɔ pʉɔ tɛ ńzɑ́ɑ ɡʉ ńdɑ́Ꞌ ɛ́fú mɛshʉ́ mɛshʉ́ ndǔ tsɛ́tsɑ́Ꞌ, ńtɔ́ ŋ́kúu tsɛt ŋɡɔŋ fí ẅi Sɛ́ sɑ́Ꞌnɛ, pɔ́p pɛ́ Ábɛlɛhɑ̂m, nɛ́ Ɛsɑk, mbɑ Yɑkɔ̂p tɛmtɛ ńjʉ́ ndínɑ.
Tsʉ́Ꞌnɛ ɛ sẅíi wʉ́ʉ sʉ́Ꞌnɛ: “Mɔ ńdɑ́Ꞌ ḿbɛn ńjʉ́ wɛcɔ́ Pɑ́skɑ pɔ́, tɛ ńdɑ́Ꞌ ŋ́kúu ŋkɑ́ yi nu wɔ tsɑ́ɑtɛ puutɛnɛ, Sɛ́ tsʉ́Ꞌnɛ ḿbɛn ɛ́sɑ́Ꞌ mbí.”»
