Lúkɑ́shi 14:13 - Kɑɑ Fí

¹³ Ɔ lɑɑ ńdɑ́Ꞌ ḿbɔ́ ɛ́fúŋ tsɑ́ɑtɛ, ɔ fúŋ pɛkɛyúu, ɛ́fúŋ pɛkʉ́ɔ, ɛ́fúŋ pɛkɛmku, ɛ́fúŋ pɛfumík.

Lúkɑ́shi 14:13 交叉引用

Lúkɑ́shi 14:21

Mɔ́ŋkʉ̈ɔ́ ɛ̂wɑ́ pɛn nzʉʉ, ɛ́sẅíi tɑ́t wɛ pɑ́Ꞌ pɔ́p cúnɛ, ɛ́ zɑ́ŋ wɛ́ tɛꞋ, ɑ pɛn ńtúu mɔ́ŋkʉ̈ɔ́ ɛ̂wɑ́, ńcú mbɔ̌ wɛ́ ŋɡɔ: «Kʉɔ nɛtʉʉ, ŋ́ɡʉ tʉ́sɔŋ ńtʉ́ʉ ndǔ zɑ́n, ńnɛn nǔu mɛndúŋ, ɛ́fúŋ pɛkɛyúu, ɛ́fúŋ pɛkʉ́ɔ, mbɑ pɛfumík pɔ́p pɛkɛmku pʉʉ pɔ́p tɔ́.»

Ɛ́bɛlʉʉ 13:2

Kɔɔ pʉʉ likŋɛ nɛkúkŋɛ pɛɡʉʉ pi pɔ́p tɔ́nɛ njɛ́Ꞌ pʉʉ, pɛcɔ́ pʉɔ kɑ lɑ́Ꞌ ŋ́kúkŋɛ pɛɡʉʉ kúkŋɛ́nɛ, tɛ ńdɑ́Ꞌ lɛ́Ꞌ ŋ́kúkŋɛ pɛcʉ̈ɔ́Ꞌ-Sɛ́ kɛ́ jí.

Mɑtʉ̈ɔ 22:10

Pɛtsiindɑ́ pɛ́ pɑ́ ɡʉ ńtʉ́ʉ nǔu mɛtú-ndúŋ, ńjʉ́ɔ mbɑ wɔ̌ lɑ́, ɛ́fúŋ wɛ́, kɛ ɑ pɔ́ ŋu sʉ́Ꞌnɛ ɔɔ, kɛ ŋu kɛpɔŋ ɔɔ. Pɛ́ tɛmtɛ ńníꞋ wɔ́p pɔ tsɛt ndɑ́-ndínɑ, tɛ ɛ́ lúu.

1 Timɔtɛ́ɛ 5:10

Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.

1 Timɔtɛ́ɛ 3:2

Ɛ́ píkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kɑ́ kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, kɔɔ ɑ ɡɛ yɛcɔ́ yúu tɛ ɛ́ lɛɛ. A pɔ́ ŋu ẅí ɑ sɑ́ŋ nu lɑ ŋ́ɡɛ, ḿbɔ́ ŋu ẅí ɑ kúkŋɛ pɛɡʉʉ sʉ́Ꞌnɛ, ŋ́kuꞋ nɛzíꞋ pʉɔ nɛ́ yúu.

Tîtɛ 1:8

Lɑ́ ɛ́ píkŋɛ pɔ ŋɡɔ ɑ pɔ́ ŋu ẅí ɑ kúkŋɛ́nɛ pɛɡʉʉ sʉ́Ꞌnɛ, ḿbɔ́ ŋu ẅí ɑ nɑŋnɛ ŋ́kɔŋ yɛ́ pɔ mɛnu mi ɛ́ pɔŋnɛ. Ɛ́ píkŋɛ ŋɡɔ ɑ pɔ́ ŋu ẅí ɑ sɑ́ŋnɛ nu lɑ ŋ́ɡɛ, ɑ pɔ́ ŋu ẅí ɑ ɡɛnɛ mɛnu mi ɛ́ tʉ́ʉnɛ ndʉ́ŋndʉŋ, ḿbɔ́ ŋu ẅi mɑt wɛ pɔŋnɛ Sɛ́, ḿbɔ́ ŋu ẅí ɑ jínɛ nɛɡẅɛɛ mbʉʉ yɛ.

Filɛmɔ̂ŋ 1:7

N cú mbíꞋŋɡɔ, ŋkɔŋɛ yi ɔ ɡẅɛɛnɛ kɑ ɡɛ n tsɑ́ɑtɛ tɛꞋ. Mɔ́ɔmɑ́ mɔ, tʉ́m yɑ́ɑ pɔ́tnɛ, ɛ́ fú nǔu pɑ́Ꞌ ɔ kɑ kuutɛ́nɛ pʉɔ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 9:39

Pyɛ̂ ɡɔ́ɔ ńzúꞋ, pɔ́p pɛ́pɔ́p cʉ́ɔ sɛ̂ndúŋ kɛ́ lɑ́ɑtɛ, ŋ́ɡʉ tɛ ŋ́kúu zúꞋu, pɛ́ lɔk wɛ́ ŋ́ɡʉ tsɛt lûmndɑ́ ẅi ɛ́ ndǔ ndɛ̂k wɛ tʉ́. A kúu tsɛtú, pɛpfúk pɑŋɡɛ́ tsʉʉ tɔ́ ńcúꞋlɛ nɛjɔ́ŋ wɛ́, ḿbɔ́ ńdɑɑ, ḿbɔ́ ḿmɑꞋ mɛjʉ́ŋ ńnyɛt wɛ́ nɛ́ mɛkɛm-ndẅí nɛ́ mɛcɔ́ mɛndẅí mi Tɑpítɑ kɑ pɛ́tnɛ ntʉʉ, ńtɛ́m ŋ́ɡɑ́ mbɔ̌ pɔ́p.

Lúkɑ́shi 11:41

Yúu mi ɛ́ ḿbɔ́ ḿbɔŋ ŋɡɔ pʉʉ ɡɛ pɔ́ pɔ nɛpɛ́ɛ yúu sʉ́Ꞌnɛ yi ɛ́ tsɛt mɛkɑ́ŋ mʉ́ʉ, ŋ́ɡɑ́ mbɔ̌ pɛkɛyúu, pɔ́p jʉ́ yɔ́p. Pʉʉ ɡɛ ŋ́ɡɛ pɔ́Ꞌɔ, lɑ́ tʉ́m wʉ́ʉ kɛ ḿbɔɔ ńdɛ́ɛnɛ mbi Sɛ́.»

Mɑtʉ̈ɔ 15:30

Nɔɔ-lɑ́Ꞌ tɔ́, ŋ́ɡɔ́ ńtɔ́, ńdɔk ɡɑŋpʉ̈ɔ́Ꞌtɛ mɛku, pɔ́p pɛfʉmík, ŋ́ɡɛ ɡɑŋ-kẅíꞋlɛ, pɔ́p cípúꞋ, mbɑ pɛcɔ́ ɡɑŋɡɔɔ tɛ ńzɑ́ɑ. Pɔ́p lɔk wɔ́p ńtɔ́ mbi Yɛ́su pɔ́Ꞌɔ, ɑ ɡɛ pɔ́p fíitɛ pɛtsʉʉ.

Lúkɑ́shi 14:12

Yɛ́su pɛn ńcú mbɔ̌ ŋu ẅí ɑ lɑ́Ꞌnɛ ɛ́fúŋ wɛ́ ŋɡɔ: «Ɔ lɑɑ ńdɑ́Ꞌ ḿbɔ́ ɛ́fúŋ tsɑ́ɑtɛ, nɛnɛm kɛ ntsuŋkẅɛ́Ꞌ ɔ́ɔ, kɔɔ ɛ́fúŋ pɛsúu pú, kɛ pɔ́ɔpɛ́mɑ́ pú ɔ́ɔ, kɛ pʉɔ nǔu nɛtsɛ́nndɑ́ nʉ́ʉ ɔ́ɔ, kɛ mbɑ pɛtɑ̌ɑlɑ́Ꞌ pú pɔ́p ɡɑŋŋkɑ́p ɔ́ɔ, mbíꞋŋɡɔ pɔ́p ɡʉ ŋ́ɡɛ ḿbɛn ɛ́fúŋ yú zʉꞋ, ńdɔk tsɔ́Ꞌ ɛ́sʉ́Ꞌ wú.

Lúkɑ́shi 14:14

Ɔ lɑɑ ŋ́ɡɛ pɔ́Ꞌɔ, mbɔ ɔ pɔ́ttú, mbíꞋŋɡɔ ɛ́ lɑɑ ḿbɔ́ pɔ́p pɔɔ tsɔ́Ꞌ sʉ́Ꞌ wú pɔ́, pɔ́Ꞌɔ, Sɛ́ lɑ́Ꞌ ńtsɔ́Ꞌ fɑꞋ yú, ŋkɑ́ yi pʉɔ pɛ́ ɡɛ ńdɑ́Ꞌ zẅíimɛ nǔu nɛvú.»