1 Ɛ́ pɔ́ yɛcɔ́ lɛ́Ꞌ nji-Pɑyúdɑ, Yɛ́su ɡʉ njɛ́Ꞌ wɛcɔ́ tɑ́tndɑ́-Pɑfɑlísɑy nɛjʉ́ yúu. Pʉɔ pinɛ pɔ́p ḿbɔ́nɛ zúꞋu pɔ́ ḿbɑ́tɛ wɛ́ pɑ́tɛnɛ,
Pɛcɔ́ pʉɔ pɔ́ zúꞋu, ḿbɔ́ ńdʉŋtɛ wɛ́ nɛjʉ́ɔ kɛ ɑ ɡʉ ŋ́ɡɛ ŋu ɛ̂wɑ́ fíitɛ lɛ́Ꞌnji ɛ̂yɑ́ ɔɔ, pɔ́p fú nǔu, ɛ́fɛn wɛ́ mbɔ̌ pɑŋɑkntsɑŋ.
Ŋ́ɡɔ́ɔ ńzɛ nɛpɔ́ ḿbɑ́tɛ wɛ́, ńtúu pɛ mɑ́nɑ́ŋ nzʉʉ yɛ, lɑ́ pɔ́p pɔ́ yɔ́p nzʉʉ yɛ pɔ pɑꞋ pʉɔ sʉ́Ꞌnɛ, lɑ́ ḿbɔ́ ńzẅíꞋlɛ pɑꞋ ɑ ɡɛ ɛ́fɑɑnɛ ntsu wɛ́, lɑ pɛ́ lɔk ŋ́ɡẅɛɛ wɛ́ ŋ́ɡɑ́ mbɔ̌ ŋɡɔ́mnɑɑ-Pɑlɔ́mɑ.
Yɛ́su cú nu tɛ ḿbɔ́tnɛ ńnɑ́ŋ, wɛcɔ́ ŋu nǔu nɔɔ-pɑfɑlísɑy fúŋ wɛ́ njɛ́Ꞌ yɛ, pɑ́Ꞌ pɔ́pmɛ́ ɡɛ jʉ́ yúu. Pɔ́p mɛ pɔ́ tɛ ḿbɔ́ ńjʉ́ yúu,
Pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ nɑ́ŋ sɛ́ ḿbɔ́ ńdʉŋtɛ Yɛ́su ŋɡɔ kɛ ɑ ɡʉ ŋ́ɡɛ ŋu fíitɛ lɛ́Ꞌnji ɔ́ɔ, lɑ ńdɛɛtɛ nǔu ńjʉ́ɔ yúu minɛ pɔ́p ńdɔk ɛ́fɛn wɛ́.
Wɛcɔ́ ŋkɛ́m-pɑyúdɑ kɑ pɔ́ tsɛtsɛt pɑfɑlísɑy, pɛ́ fúŋ wɛ́ ŋɡɔ Nikɔdɛ̂m.
Lɑ́ wɛcɔ́ ŋu wɔp, pɛ́ fúŋnɛ wɛ́ ŋɡɔ Ŋɡɑmɑlíyɛ̂l, lɔ sɛ́ ńcú ŋɡɔ pɛ́ ɡɛ ɡɑŋntúu nɑ́Ꞌ ńcẅɛt píi. Pɔ́Ꞌɔ, ḿbɔ́ ŋu tsɛt nɔɔ-pɑfɑlísɑy, ḿbɔ́ ndʉ́m nǔu nɛkyɛ́Ꞌtɛ nɛpʉ́ʉ-Mɔ̌sɛ̂ɛ, lɑ́Ꞌ ɡɑ́ mɛkuꞋ mɛ́ tɛꞋ.
Ŋumɛsɔŋ yúu tʉʉndɛn ńtsɑ njinjɔ, pɔ́Ꞌɔ lɑ́, pɛ́ lɑɑ ŋ́ɡɛ nu sʉ́Ꞌnɛ nǔu ŋumɛsɔŋ lɛ́Ꞌnji, mbɔ pɛ́ kɑ́ fɑɑnɛ nɛpʉ́ʉ pɔ́.»
ŋ́ɡɔ́ ḿbɔ́ wɛcɔ́ ŋu tʉ́ʉ mbi yɛ́, mbɔ kɔ́Ꞌtɛ kɑ ɡẅɛɛ wɛ́.
Pɛcɔ́ pɑfɑlísɑy ɡɛ ḿbíkŋɛ Yɛ́su ŋɡɔ: «Sɛ́ ɡɛ ńdɑ́Ꞌ ńzɛ nɛsɑ́Ꞌ mbí pɔ shʉ́nɛ? A tsɔ́Ꞌ mbɔ̌ pɔ́p ŋɡɔ: “Nɛfɔɔ-Sɛ́ kɑ́ ɡɔ ńzɛ pɛ́ pɔ́ ńdɔk mík ńjʉ́ɔ pɔ́.”
