25 Ŋkɑ́ ɡɛ ńdɑ́Ꞌ ŋ́kuꞋ, ŋɡɑŋndɑ́ lɔ sɛ́ ńjʉ̈ɔ́Ꞌ ntsundɑ́, pʉʉ pi pʉʉ pɛ́t píi lɑ́, pʉʉ zɛ nɛpúꞋ ntsundɑ́, ḿbɔ́ ḿbúꞋ mbɔ́ mbɔ̌ wɛ́ ŋɡɔ: «Tsɑpʉɔ, tsɔ́Ꞌ ntsundɑ́ pɛk kúu ndɑ́. Lɑ́, ɑ cú mbɔ̌ pʉʉ ŋɡɔ: Ŋ kɑ́ pɔ́ ńjí pʉɔ pinɛ pʉʉ pɛ́t pɔ́!»
Lɑ́, ɑ pɛn ńcú mbɔ̌ pʉʉ ŋɡɔ: «Ŋ kɑ́ pɔ́ ńjí pʉɔ pinɛ pʉʉ pɛ́t pɔ́. Pʉʉ fú ntsundɑ́ mɔ ŋ́ɡʉtɛ, pʉʉ ɡɑŋmɛzɛm!»
Yɛ́su pɛn ńcú ŋɡɔ: «Mɛlɑ́Ꞌkʉ̈ɔ́ pʉʉ sɛ́ ɛ́fúŋ wɑ́ɑ nɛ́ “Tsɑpʉɔ! Tsɑpʉɔ!” Ḿbɛn ḿbɔɔ kɛ́ ŋ́ɡɛ yúu mi n cúnɛ pɔ́ ɔɔ?»
Ŋ́ɡɔ́ɔ ŋ́kɛ́ ḿbɛn ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi ŋkẅɛpmɛ, ɛ́ yɛ́tɛ́: «Pʉʉ ɡɑŋndɔɔ, pʉʉ fú nɛjɔ́ŋ mɔ ŋ́ɡʉ tɛ ŋɡɑ sɑk, ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́, ẅi pɛ́ kɑ niitɛ́nɛ ntɛ́ Sɑ́ttɑ pɔ́p pɛcʉ̈ɔ́Ꞌ pɛ́.
Pʉʉ tsuŋ ḿbɔ́ ńjí ŋɡɔ ŋkɑ́ yi tɑ́t wɛ kɑ pɔ́ ŋ́ɡʉ ńníꞋ mbɔ́tnɛ nǔu wɛ́ kɑ ɡɛ ŋ́kuꞋ, tɑ́t wɛ tsʉ́Ꞌ ḿbɑꞋnɛ wɛ́ pɑꞋnɛnɛ. A lɔk nɛkíi, ńdɔɔ shʉ́ pɑ́Ꞌ tɑ́t wɛ ɡʉ ŋ́kúp kwɑŋɛ yɛ́, ḿbɔɔ nǔu kuꞋ.
Sɛ́ kɑ zɛɛ ńcú ŋɡɔ: Ŋkɑ́ nɛcẅɛ́lɛ wú kɑ pɔ́ tɛ ŋ́kuꞋ, n zúꞋ ŋɡi yu, lɛ́Ꞌ nɛɡɛ pʉɔmɛsɔŋ luk kɑ kuꞋ, n tɔ́ ńcẅɛ́lɛ wú. Pʉʉ jí ŋɡɔ ɛ́ kɛ́ ḿbɔ́ ŋkɔ̂ɔnɛ pɑ́Ꞌɑ ḿbɔ́ ŋkɑ́ sʉ́Ꞌnɛ, yɔ lɛ́Ꞌ yi ḿbɔ́ ŋu luk.
Pʉʉ kúp pɔ mɑt, ŋ́ɡɛ mɛnu sʉ́Ꞌnɛ mi ɛ́ nyɛtnɛ ŋɡɔ pʉʉ kúpmɛ. Pʉʉ pɑ́ɑ nɛlɔk ndɑꞋ ntsu wʉ́ʉ ńcú ŋɡɔ: Pɛk pɔ́ɔ-Ábɛlɛhɑm. Lɑ́ ŋ kɛ́ ɛ́sẅíi wʉ́ʉ: Sɛ́ kuꞋ nɛshɔt mɛŋɡɔꞋ mɔnɛ ńdɔk ŋ́ɡɛ njẅɛt-Ábɛlɛhɑ̂m.
