Lúkɑ́shi 12:8 - Kɑɑ Fí

⁸ Lɑ́ m bɛn ɛ́sẅíi wʉ́ʉ yɔ nu; ŋu lɑɑ ḿbɛ́m ŋkɔ̂ɔnɛ mbi lɑ́Ꞌ ŋɡɔ ɑ wɑɑ ŋu, mbɔ mɔ́ɔ-ŋu ɡɛ ḿbɛ́m wɛ́ ɡúu mbi pɛcʉ̈ɔ́Ꞌ-Sɛ́

Lúkɑ́shi 12:8 交叉引用

1 Jɑ̂ŋ 2:23

Ŋu lɑɑ ńdʉꞋ nɛpɛ́m nu-Mɔ́ɔ, mbɔ ɑ lʉꞋ nɛpɛ́m nu-Tɑ̌ɑ wɛkŋɛ, ŋu ẅí ɑ pɛ́mnɛ nu-Mɔ́ɔ, ɑ pɛn ḿbɛ́m yɛ́ Tɑ̌ɑ wɛkŋɛ.

2 Timɔtɛ́ɛ 2:12

Pɛkŋɛ lɑɑ ŋ́kɛ́ ḿbɔ́ ɛ́sʉk tsɛt ŋɡʉ̈ɔ́Ꞌ sʉknɛ pɑ́Ꞌ jʉ́, mbɔ pɛkŋɛ pɛpɔ́p ɡʉ ŋ́ɡɛ ńtɛmtɛ ɛ́sɑ́Ꞌ ŋɡɔŋ. Pɛkŋɛ lɑɑ kɛ́ ḿmuŋɛ wɛ́, mbɔ ɑ ŋ́ɡɛ ḿmuŋɛ wɛkŋɛ ɡúu.

Lúkɑ́shi 15:10

Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»

Mɛnu ɛ́ ńdɑ́Ꞌ ńcẅɛt 2:13

Mɔ sɛ́ ńjí zʉꞋ yi pʉʉ nɑ́ŋnɛ zúꞋu. KɔꞋ-nɛfɔɔ-Sɑ́ttɑ tʉ́ʉ zúꞋu lɑ́, ŋ kɛ́ ḿbɔ́ ńjí ŋɡɔ pʉʉ tsuŋ ńcʉŋɛ pɔ nǔu mɔ. Pʉʉ ŋkɑɑ mɔ́ nɑ́ nɛzɑ́p tʉ́m nǔu mɔ pɔ́, tɛ mbɑ nǔu mɛlɛ́Ꞌ mi pɛ́ kɑ jẅínɛ Aŋntipɑs lɑ́Ꞌ pʉʉ, nǔu zʉꞋ yi Sɑ́ttɑ nɑ́ŋnɛ zúꞋu. Aŋntipɑs kɑ pɔ́ ŋu ńcú yɛ́ pɔ ndɑꞋ nu yi ɑ jínɛ nǔu mɔ.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.