6 Kɛ ŋɡɔ pɛ́ lɔ ɛ́fɛn pɛtsẅíkɔt, pɛ́ lɑɑ ńcúꞋlɛ pɛcɔ́ mbɑ pɛ́tɑɑ pɛ́ fɛn lɑ́ɑ? Lɑ́ mbɑ pɔ́Ꞌɔ, Sɛ́ kɛ ḿbɔɔ wɛcɔ́ nǔu pɔ́p likŋɛ.
Pʉʉ líŋɛ pɛshʉ́ŋ lɑ́ ńjʉ́ɔ. Pɔ́p lɔ́ɔ ḿbi yúu pɔ́, ŋ́kɛ́ ḿbɔɔ ńdɑk yúu ŋ́ɡɑ́ ndɑ́ pɔ́, pɔ́p kɑ́ ɡẅɛɛ ntɑŋ pɔ́, mɛŋkɛn mɔ́p kɑ́ pɔ́ ɡú pɔ́. Sɛ́ pɔ́nɛ ńzẅík wɔ́p. Pʉʉ mbɔ̌ Sɛ́, ḿbɔ́ yúu tʉʉ ndɛn ńtsɑ pɛshʉ́ŋ.
Pʉʉ jí ŋɡɔ pɛ́ fɛn pɛtsẅíkɔt pɛ́pɑ́ ɛ́ pɔɔ kuꞋ yɛcɔ́ yúu pɔ́. Tɛ mbɑ pɔ́Ꞌɔ, ḿbɔ́ wɛcɔ́ tɑ́Ꞌ pɔɔ vu sɛ́ kɛ́ pɔ́ yi Tɑ̌ɑ wʉʉ Sɛ́ pɛ́mnɛ pɔ́.
Pʉʉ líŋɛ mɛtɔ̌ɔtɔ̌ɔ mi ɛ́ nǔu nɛɡíi ŋkɑ́Ꞌ ńjʉ́ɔ nɛsíi. Nɛɡíi lɔ́ɔ ɛ́fɑꞋ fɑꞋ pɔ́, ŋ́kɛ́ ḿbɔɔ ḿbɑ́Ꞌ mɛndẅí pɔ́. Lɑ́ ŋ kɛ ɛ́sẅíi wʉ́ʉ, nɛɡíi mɑꞋ ndẅí, lɑ́ mbɔ fɔɔ Sɑlɛ́mɔ kɑ lɑ́Ꞌ ḿbɔ́ nǔu wɛ nɛɡúꞋ tsʉʉ tsʉʉ ḿbɔɔ lɑ́Ꞌ ḿmɑꞋ ndẅí tɛ ɛ́ pɔ́ŋ pɑ́Ꞌ mɔ́p pɔ́.
Wɛcɔ́ mpfúk mɑŋɡɛ́ tɔ́ yɛ́, ḿbɔ́ mbúŋ, ńníꞋ pɑk-ŋkɑ́p yɛ́pɑ́, yi ɛ́ kɑ́ kuꞋ yɛcɔ́ yúu pɔ́.
