45 Lɑ́ ŋɡɑŋfɑꞋ lɑɑ ńtsʉ́Ꞌ nzʉʉ ńcú ŋɡɔ: «Tɑ̌ɑfɑꞋ wɑɑ kɛ́ fɛ́Ꞌnɛ ḿbɛn pɔ́, ŋ́ɡɔ́ɔ ŋ́kɛ́ ńzɛ nɛtswɑ́ɑ pɛcɔ́ ɡɑŋfɑꞋ, pɛ́ mbɛ́ɛnɛ pɔ́p pɛ́ pɑŋɡɛ́, ŋ́kwɛ́t yúu, ńnɔ́ mɛluꞋ ḿbɑ́.
Mbɑ mbíꞋŋɡɔ pɛ́ kɑ tɔ́ njɛ́Ꞌ ɡu, ńjʉ́ɔ mɛci-pɑcẅiŋkʉʉ-Sɛ́, ńjʉ́ɔ mɛ́ pʉɔ-Sɛ́ mbɑ mɛ́ pʉɔ tsʉʉ pi pɛ́ kɑ jẅítɛ́nɛ wɔ́p ndǔ tsɛ́tsɑ́Ꞌ.
MbíꞋŋɡɔ pɔ́p kɑ tswɛt mɛci-pʉɔ pú, mbɑ mɛ́ pɑcẅiŋkʉʉ pú. Gu ŋ́ɡɑ́nɛ mɛci pɔ́p ńnɔ́. Ɛ́ pɔ́ pɑ́Ꞌ ɛ́ kɑ pɔ́ ḿbíkŋɛ ŋɡɔ pɛ́ ɡɛ nǔu pɔ́p pɔ́Ꞌɔ.»
ḿbɛn ḿbɔ́ ɛ́sẅíi wɔ́p ŋɡɔ pɔ́p ɡʉ ŋ́ɡɛ pɔ́p pɔɔ pɛn ḿbɔ́ pɛkwɑɑ pɔ́, lɑ́ kwɑꞋ pɔ́p ɡúu pɔ́ pɛkwɑɑ-yúu mi pɔ́p tsɑ́ɑnɛ, ɛ́ pɛn ḿbɔ́ ḿbík wɔ́p. Yúu lɑɑ ńzɛɛ ńjʉ́ tʉ́m-ŋu, ŋɡɑŋ tsʉ́Ꞌ ḿbɔ́ pɔ ŋkwɑɑ mbɔ̌ yîyɑ́ yúu.
Pɔ́p lɔk pɔ́Ꞌɔ, ńcẅɛ́ɛ tsɔ́ꞋfɑꞋ-mɛnu kɛpɔŋ mi pɔ́p kɑ fʉꞋnɛ. Nu pɔŋ wɔ́p tɛꞋ nɛɡɛ mɛyúu kɛpɔŋ mi mɛtʉʉ mɔ́p sɛ́ ńtsɑ́ɑ, tɛ pɑ́Ꞌ ɛ́ lɑɑ ḿbɔ́ pɔ nɛnɛm. Pʉʉ pɛ́pɔ́p tɛmtɛ ńnɑ́ŋ sɛ́ ŋ́kwɛ́t yúu lɑ́ ẅîwɑ́ nɛpɔ́ pɔ́ nu-sʉ́ʉ, ḿbʉ́k tɛꞋ, mbíꞋŋɡɔ ɛ́ sɛ́ ḿbɔŋ wɔ́p pɑ́Ꞌ pɔ́p sɛ́ ɛ́fúklɛ wʉ́ʉ.
Pɑlɛ́ fɛlɔ́k lɛ́ nɛtúꞋ, Pɑnɔ́ mɛluꞋ tɛ ḿbɑ́ nɔ́ pɔ nɛtúꞋ.
Pʉɔ sɛ́ ńdɔk wʉ́ʉ ŋ́ɡɛ pɛkwɑɑ pɔ́p, pʉʉ ɛ́fɑꞋ pɔ́p jʉ́, pɔ́p sɛ́ ńjɔ yúu pʉ́ʉ, ḿbɔ́ ńnɔt wʉ́ʉ, ńtɔ́ pɔ́ nɛɡʉ̈ɔꞋ pʉʉ, pʉʉ pɛ́m pɛ́mnɛ.
MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.
Pɛcɔ́ ɡẅɛɛ pɛtsiindɑ́ fɔɔ ɛ̂pɑ́, ŋ́ɡɑ́ɑnɛ wɔ́p, ńjẅítɛ wɔ́p.
Ɛ sẅíi wʉ́ʉ, kwɑꞋ nɛ́nẅín ŋɡɔ, tɑ̌ɑfɑꞋ wɛ ɡɛ mɛkŋɛ yúu pɛ́ tsʉʉ tsʉʉ ŋ́ɡɑ́ mbɔ̌ wɛ́, ɑ lẅɛꞋ.
Ɛ́ pɔ́ pɔ́Ꞌɔ, mbɔ tɑ̌ɑfɑꞋ wɛ lɑɑ ḿvukŋɛ ḿvukŋɛ́nɛ ńtɔ́ nǔu ŋkɑ́ yi ɑ kɑ́ pɔ́ ńjí pɔ́. A ńtɔ́ ńjʉ́ɔ pɔ́Ꞌɔ, ńníꞋ tsɑ́ŋ tú yɛ́ tɛꞋ, ńzuŋ wɛ́, ɑ ɡʉ nɛ zʉꞋ yi pɛ́ zuŋnɛ pʉɔ kɛpɔŋ ŋ́ɡɑ́ zúꞋu.»
Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,
ńcú mbɔ̌ wɛ́ ŋɡɔ: «Pɛ́ lɔ ḿbiitɛ ŋ́ɡɑ́ pɔ mɛluꞋ sʉ́Ꞌnɛ, tɛ pɛ́ nɔ́ tɛꞋ, lɑ́ pɛ́ ɡɑ́ mi ɛ́ nɑꞋ ḿmɛɛ mɛɛnɛ. Lɑ́ ŋ́ɡʉ nǔu ɡu, mbɔ yɔ yú ŋkɑ́ yi ɔ ɡɑ́nɛ mɛluꞋ sʉ́Ꞌnɛ mbɔ̌ pʉɔ?»
Ɔ́ɔŋ, mɔ ŋ́ɡɛ ńtɑ́ɑ nǔu mîmɑ́ mɛlɛ́Ꞌ, ŋ́ɡɛ Zẅikŋɛ yɑ́ɑ kúu nǔu pʉɔ pɔ́p kɔŋnɛ wɑ́ɑ pɛ́ mbɛ́ɛnɛ mbɑ pɛ́ pɑŋɡɛ́. Pɔ́p tsʉ́Ꞌ pɑcẅiŋkʉʉ pɑ́ɑ.
