29 Ɛ́ lɑɑ ḿbɔ́ pɔ́Ꞌɔ, kɔɔ pʉʉ pɛn ḿbúꞋ mbʉʉ yʉ́ʉ ŋɡɔ pɛ́ ɡɛ ŋ́kwɛ́t kʉ̈ɔ́, pɛ́ ɡɛ ńnɔ́ kʉ̈ɔ́?
Pɔ́Ꞌɔ lɑ́, pʉʉ pɛn ḿbúꞋ mbʉʉ yʉʉ, ńcú ŋɡɔ pɛ́ ɡʉ ŋ́kwɛ́t kʉ̈ɔ́? Pɛ́ ɡʉ ńdɔk ŋki ɡɔ́ ńnɔ́? Pɛ́ ɡʉ ńdɔk ndẅí ɡɔ́ ḿmɑꞋ?
Yɛ́su pɛn ḿbíkŋɛ ɡɑŋku pɛ́ ŋɡɔ: «Pʉʉ kẅíitɛ ŋkɑ́ yi ŋ kɑ túunɛ wʉ́ʉ ŋɡɑ sɛsɑ, pʉ́ʉ kɑ ɡʉ kɛ́ mɔ́ɔpɑɑ kɛ́ pɑɑlyɛpnɛ kɛ́ mɛtɑp, pʉʉ kɛ ńtswɛ́ ńnɛn pɛꞋnɛ, ńdɑ́Ꞌ ńjɑ́k kʉ̈ɔ́?» Pɔ́p cú ŋɡɔ ŋɡɑ́ŋ, yúu ŋkɑɑ zɑ́k.
Yɛ́su pɛn ńcú mbɔ̌ ɡɑŋku pɛ́ ŋɡɔ: «N dɔk ɛ́sẅíi wʉ́ʉ ŋɡɔ kɔɔ pʉʉ nɑ́ŋ ḿbúꞋ mbʉʉ yʉʉ nǔu nu yúupɛjʉ́ ŋɡɔ, pʉʉ ɡɛ ŋ́kwɛ́t kʉ̈ɔ́? Kɛ mbɑ nǔu nu ndẅí ŋɡɔ, pʉʉ ɡɛ ḿmɑꞋ kʉ̈ɔ́?»
Pɑkɛ́jí Sɛ́ ńnɑ́ŋnɛ ŋ́ɡẅɛɛ yîyɑ́ ntɛ́ kwɑŋɛ. Ɛ́ ɡʉ nǔu pʉʉ, mbɔ Tɑ̌ɑ wʉʉ Sɛ́ jí yúu mi ɛ́ ɡɛ cẅɛ́lɛ́ wʉ́ʉ.
Lɑ́ ɛ́ lɑɑ ḿbɔ́ yi pʉʉ kɑ́ kuꞋ nɛɡɛ mɔ́ɔ mɔ́yúu pɔ́Ꞌɔ pɔ́, pʉʉ pɛn ḿbúꞋ mbʉʉ yʉ́ʉ nǔu yɛcɔ́ yúu mɛlɑ́Ꞌkʉ̈ɔ́?
