Lúkɑ́shi 12:28 - Kɑɑ Fí

²⁸ Sɛ́ lɑɑ ḿmɑꞋ ndẅí sʉ́Ꞌnɛ nǔu nɛɡíi ẅi ɑ júknɛ ŋkɑ́Ꞌ lɔ́Ꞌnɛ, njí kyɛɛ pɛ́ kʉ́ɔꞋ ńtɔɔ múk, mbɔ ɛ́ ɡɛ ŋ́kúu nǔu pʉʉ lɑ́ ɑ zɑ́k ndẅí kíi? Pʉʉ kɑ́ zɑ́p tʉ́m nǔu Sɛ́ ŋkɑ́ tsʉʉ pɔ́!

Lúkɑ́shi 12:28 交叉引用

Mɑtʉ̈ɔ 14:31

Yɛ́su ɡɔ́ɔ ńcɑklɛ pɔ́ yɛ́ ŋ́kwɑ́p wɛ́, ńcú mbɔ̌ wɛ́ ŋɡɔ: Ɔ zɑ́p tʉ́m nǔu mɔ pɔ mɔ́zʉꞋ! Ɔ ɡɔ́ ḿmʉꞋlɛ ŋ́ɡɛ pɑ́Ꞌɑ?

Mɑtʉ̈ɔ 17:20

A pʉ̈ɔt mbɔ̌ pɔ́p ŋɡɔ: «Ɛ́ pɔ́Ꞌɔ, mbíꞋŋɡɔ pʉʉ zɑ́p tʉ́m nǔu Sɛ́ pɔ mɔ́zʉꞋ ŋɡɔ pítɛ. Pʉʉ lɑɑ sǐi ńzɑ́p tʉ́m yʉ́ʉ nǔu Sɛ́ ɛ́ kʉ̈ɔ́k pɔ mɔ́zʉꞋ pɑ́Ꞌ nɛsɑɑ-sɛ́súk, mbɔ ɛ́ lɑɑ ḿbɔ́ pʉʉ cú mbɔ̌ nɛŋkɔ́Ꞌ nɔ ŋɡɔ: “Tsɔ́Ꞌnɛ ŋ́ɡʉ ńtʉ́ʉ zíꞋnɛ, ɛ́ ɡʉ ńtʉ́ʉ zúꞋu. Mbɔ ɛ́ lɑɑ ḿbɔ́ yɛcɔ́ nu pɔɔ lɑ́Ꞌ ńtsɑ wʉ́ʉ pɔ́.”» [

Mɑtʉ̈ɔ 6:30

Tɛ Sɛ́ lɑɑ ḿmɑꞋ ndẅí sʉ́Ꞌnɛ nǔu nɛɡíi ẅi ɑ júknɛ ŋkɑ́Ꞌ lɔ́Ꞌnɛ, njí kiɛ pɛ́ kʉ́ɔꞋ ńtɔɔ múk, mbɔ ɛ́ ɡʉ ŋ́kúu nǔu pʉʉ lɑ ɑ zɑ́k ndẅí kîi? Ɛ́ pɔ́ pɔ ŋɡɔ: «Pʉʉ kɑ́ zɑ́p tʉ́m nǔu Sɛ́ ŋkɑ́ tsʉʉ pɔ́.

1 Pyɛ̂ 1:24

Pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: Ŋumɛsɔŋ tsʉʉ pɔ́ pɔ pɑ́Ꞌ nɛɡíi. Wɛ nɛɡúꞋ tsʉʉ pɔ́ pɔ pɑ́Ꞌ tɔ̌ɔtɔ̌ɔ-nɛɡíi ẅi ɑ ŋkɑ́Ꞌ lɑ́. Nɛɡíi lɛɛ tɛ ńzúu, tɔ̌ɔtɔ̌ɔ tsɔ́Ꞌnɛ ḿvu sɛ́.

Lúkɑ́shi 8:25

A píkŋɛ wɔ́p ŋɡɔ: «Nɛpɛ́m wʉʉ pɔ́ pɔ ɡɔ́?» Lɑ́ pɔ́p pɔ́ ḿbɔ́k pɔ́knɛ, ɛ́ pɔ́ ŋ́kʉꞋnɛ wɔ́p. Pɔ́p shɔtnɛ ńcú tsɛtsɛt pɔ́p ŋɡɔ: «Yɔ lii ŋu pɔ́ pɔ ŋɡɔ ku tɛ ńcú nu mbɑ fɛ́m pɔ́p ŋki zúꞋ ntsu wɛ́?»

Mɑtʉ̈ɔ 17:17

Yɛ́su zúꞋ pɔ́Ꞌɔ, ŋɡɔ: «Yɛ̌ɛ! Pʉʉ pʉɔ-ŋɡuꞋ yɔ, pʉʉ pɛkɛ́tú. Pʉʉ kɑ́ zɑ́p tʉ́m nǔu Sɛ́ pɔ́, ɛ́ pɑ́Ꞌɑ pɛkŋɛ ńdɑ́Ꞌ ńnɑ́ŋ tɛ ŋ́kúu pɔ shʉ́n? Ŋ ɡʉ ńdɑ́Ꞌ ɛ́sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́ zɑꞋnɛ ŋ́ɡɑ́ mbɔ̌ mɔ.»

Mɑtʉ̈ɔ 16:8

Yɛ́su jí pɑ́Ꞌ pɔ́p sɛ́ ŋ́kwɑŋɛ pɔ́Ꞌɔ, ńcú mbɔ̌ pɔ́p ŋɡɔ: «Pʉʉ kɑ́ zɑ́p tʉ́m nǔu mɔ sʉ́Ꞌnɛ pɔ́. Pʉʉ kwɑŋɛ pɔ nu-mbɛlɛ̂t yí pʉʉ kɑ́ ɡẅɛɛ mɛlɑ́Ꞌ kʉ̈ɔ́?

Mɑtʉ̈ɔ 8:26

A cú mbɔ̌ pɔ́p ŋɡɔ: «Pʉʉ pɔ́k kʉ̈ɔ́? Pʉʉ lɔɔ ńzɑ́p tʉ́m nǔu Sɛ́ ŋkɑ́ tsʉʉ pɔ́!» Ńcú pɔ́Ꞌɔ, ńdɔ sɛ́, ńcʉ̈ɔ́k fɛ́m pɔ́p ŋki. ZʉꞋ nɑꞋ ŋ́ɡɔ kɛ̂m.

Ɛ́bɛlʉʉ 6:7

Pɛkŋɛ zɛɛ ńjí ŋɡɔ, mbʉŋ lɑɑ ńdɔ́ nǔu tsɛ́tsɑ́Ꞌ kwɑꞋ sʉ́Ꞌnɛ, yúu mi ɛ́ ɡʉ cẅɛ́lɛ́ pʉɔ pi pɔ́p ɡɛnɛ pɛ́ zʉ́Ꞌ yîyɑ́ tsɛ́tsɑ́Ꞌ ɛ́ kɔ́Ꞌ, ɛ́ pɑ́Ꞌ Sɛ́ ɡʉ níꞋ mbɔ́tnɛ nǔu yîyɑ́ zʉꞋ tsɛ́tsɑ́Ꞌ.