45 Wɛcɔ́ tɑ́Ꞌ ŋu nǔu pɑkyɛ́Ꞌtɛ nɛpʉ́ʉ-Mɔ̌sɛ̂ɛ zúꞋ tɛ ńcú mbɔ̌ Yɛ́su ŋɡɔ: «Cícɑ, tɛ ɔ jí ŋɡɔ ɔ cú pɛ́Ꞌnɛ ńdɔk ńtɛ́m sʉ́ʉ nǔu pɛk ɡúu?»
Pɛcɔ́ ntɑ́Ꞌpʉɔ tsɛt nɔɔ-pɑfɑlísɑy pínɛ pɔ́p ḿbɔ́nɛ zúꞋu, zúꞋ yɔ nu, ḿbíkŋɛ Yɛ́su ŋɡɔ: «Pɛ́ kɑ́ cú cúnɛ pɔ́, ŋɡɔ ɔ cú pɛfʉ pɑ́Ꞌɑ tɛ ɛ́sɑ́ŋ wɛ́k nǔu kɛkʉ̈ɔ́?»
Kɑ́ɑ wɛcɔ́ tɑ́Ꞌ nǔu pɛkɛ́m pɛk, kɛ́ mbɑ tɑ́Ꞌ nǔu pɑfɑlísɑy ŋkɑɑ mɔ́ zɑ́p tʉ́m nǔu ŋu wɑ́ pɔ́!
Mbɔ pʉɔ-ndǔmbí pɔɔ wʉ́ʉ pɑɑ. Lɑ́ ŋ́ɡʉ nǔu mɔ, mbɔ pɔ́p pɑɑ wɑ́ɑ, mbíꞋŋɡɔ ŋ kɑ pɔ́ ɛ́sẅíi wɔ́p nɛ́ sẅíiŋɛ ŋɡɔ ŋɡɛnɛ nu yɔ́p kɑ́ pɔŋ.
Ndɔ́ɔ tú pʉʉ pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pʉʉ kɑ kíitɛ sɛ̂ndúŋ ẅi pʉɔmɛsɔŋ lɛɛnɛ nǔu lɑ́ ńjí yúu mi Sɛ́ cúnɛ, ńdʉꞋ kwɑꞋ wʉ́ʉ ɡúu nɛlɛɛ nǔu, ḿbɛn ńtɑɑtɛ pʉɔ pinɛ pɔ́p sɛ́ ńtsɑ́ɑ nɛlɛɛ pɔ́Ꞌɔ.
Yɛ́su pɑ́Ꞌ ŋɡɔ: «Tɛ mbɑ pʉʉ yʉ́ʉ pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pʉʉ kɑ́ pɔ́ sʉ́Ꞌnɛ pɔ́. Ndɔ́ɔ tú pʉʉ, mbíꞋŋɡɔ pʉʉ lɔ ńtíi piꞋ, ńzɑ́p tú-pʉɔmɛsɔŋ ɛ́ pɔ́ ńtsɑ wɔ́p, pʉʉ pɔɔ lɔk mɔ́ncɛꞋ tɔ́pɔ́ ńdɔk ŋ́kẅiꞋ ńcẅɛ́lɛ́ wɔ́p pɔ́.»
Wɛcɔ́ ŋu tsɛtsɛt pɔ́p, pɔ́ ŋkyɛ́Ꞌtɛ nɛpʉ́ʉ-Sɛ́ tɛ ḿbɔ́ wɛ́t, tɔ́ ŋ́kwɑꞋlɛ Yɛ́su, ḿbíkŋɛ wɛ́ ŋɡɔ:
Lɑ́ ŋ́ɡʉ nǔu Pɑ́fɑlísɑy, pɔ́p pɑkyɛ́Ꞌtɛ nɛpʉ́ʉ-Sɛ́, mbɔ pɔ́p kɑ mɛꞋ yɔ́p yîyɑ́ nu mɛꞋnɛ, lɑ ɛ́ pɔ́ yi Sɛ́ kɑ niitɛ ntɛ́ wɔ́p, ḿmɛꞋ pɔ́Ꞌɔ, ḿbɔɔ pɛ́m Jɑ̂ŋ nuꞋ wɔ́p ŋki pɔ́.
