Lúkɑ́shi 11:29 - Kɑɑ Fí

²⁹ Yɛ́su pɔ́ sẅíiŋɛ pɔ́Ꞌɔ, lɑ́Ꞌ pɔ́ ŋ́kẅiꞋ ŋ́kɔ́Ꞌ kɔ́Ꞌnɛ, ɑ ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉɔ pinɛ pɔ́p tsɛt mbí ŋkɔ̂ɔnɛ pɔ́p kɑ́ pɔ́ŋ. Pɔ́p sɛ́ ḿbíkŋɛ wɑ́ɑ ŋɡɔ n nyɛt lii. Lɑ́ pɛ́ kɛ́ nyɛt wɔ́p yɛcɔ́ yúu pɔ́, tɛ ńdíꞋ ndɑꞋ nu yi ɛ́ kɑ ɡɛnɛ Yɔ́nɑ́shi.

Lúkɑ́shi 11:29 交叉引用

Lúkɑ́shi 11:16

Pɛcɔ́ pʉɔ pɔ́ ńtsʉ́ʉnɛ Yɛ́su tsʉ́ʉnɛ́nɛ, ḿbɔ́ ńdɔ́ɔ ŋɡɔ ɑ nyɛt ŋkʉꞋnɛ nu ŋɡɔ Sɛ́ túunɛ wɛ́.

1 Kɔlɛ̂ŋtɛ 1:22

Pɑyúdɑ nǔu yɔ́p ɡúŋ ḿbɔ́ ḿbíkŋɛ ŋɡɔ pɛ́ nyɛt yúu mi ɛ́ lɛ́Ꞌlɛ́nɛ mɛtʉʉ-Sɛ́. Pʉɔ-Ŋɡɛlɛ́k pɔ́ ḿbíkŋɛ yúu mi ɛ́ lɛ́Ꞌlɛ́nɛ kwɑꞋ jínu.

Lúkɑ́shi 12:1

Yɛ́su pɔ́ sẅiŋɛ pɔ́Ꞌɔ, lɑ́Ꞌ pɔ́ ŋ́kẅiꞋ ŋ́kɔ́Ꞌ ńtɔ́ nɛjɔ́ŋ wɛ́, zʉꞋ fyɛ́tnɛ fyɛ́tnɛ́nɛ tɛ pɛ́ pɔ́ ńnʉŋtɛ mɛku pʉɔ. A ɡɔ́ cú nu mbɔ̌ lɑ́Ꞌ, ḿbiitɛ ńcú mbɔ̌ ɡɑŋku pɛ́ ŋɡɔ: «Pʉʉ lɑk tú yʉ́ʉ, ḿbɑ́ɑ fɛntɛ pʉɔ-Fɑlísɑy, kɔɔ pʉʉ tsʉ́Ꞌ ɡɑŋmɛfʉ́klɛ pɑ́Ꞌ pɔ́p.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Jɑ̂ŋ 6:30

Pɔ́p pɑꞋ ŋɡɔ: «Nu mɑ̌ɑmɑɑnɛ yi ɔ ɡʉ ŋ́ɡɛ pʉk jʉ́ɔ fú nǔu ńzɑ́p tʉ́m nǔu ɡu ɛ́ kʉ̈ɔ́? Yúu mi ɔ ɡʉ ŋ́ɡɛ ɛ́ ku?

Jɑ̂ŋ 2:18

Pɑsɑ́Ꞌlɑ́Ꞌ-pɑyúdɑ ɡɔ́ɔ ŋ́kɛ́ ńcú mbɔ̌ Yɛ́su ŋɡɔ: «Gɛ ndɑɑkɑ́jʉ́ɔ nu mbi pɛk ńdɔk ńnyɛt wɛ́k ŋɡɔ pɛ́ kɑ ɡɑ́ wú nɛ́ mɛtʉʉ nɛɡɛ yúu mi ɔ ɡɛnɛ lɑɑ.»

Lúkɑ́shi 11:50

Tɛ ɛ́fú pɑ́Ꞌ Sɛ́ kɑ niitɛ́nɛ mbí yɔ, pɔ́p jẅí pɛŋɡɛ́mndʉ̈ɔ́Ꞌ pɛ́ tɛ ɛ́ zɑ́ɑ tɛꞋ, mɛci mɔ́p pɛtsʉʉ ɡʉ ŋ́kɛ́ ńtswɛtnɛ pɔ tú pʉɔ pinɛ pɔ́p tsɛt mbí ŋkɔ̂ɔnɛ.

Lúkɑ́shi 9:41

Yɛ́su zúꞋ pɔ́Ꞌɔ, ńcú ŋɡɔ: «Yɔ! Pʉɔ ŋɡuꞋ yɔ, pʉʉ kɑ́ zɑ́p tʉ́m nǔu Sɛ́ pɔ́, ŋ́ɡɛ pɔ nu kɛpɔŋ. Ɛ́ pɑꞋɑ pɛkŋɛ ńdɑ́Ꞌ ńnɑ́ŋ tɛ ŋ́kúu pɔ shʉ́nɛ, ɛ sʉk nǔu mɛnu mʉ́ʉ? Lɔk mɔ́ɔ nu ɛ̂wɑ́ ńtɔ́ nɛ́ zɑ́Ꞌnɛ.»

Mɑ́lɛ́kúshi 8:38

Ŋu lɑɑ ŋ́kɔ́ sʉ́ʉ nɛpɔ́ wɑɑ ŋu, mbɑ nɛsẅíi nu yɑ́ɑ mbɔ̌ pʉɔ pɔnɛ pí pɔ́p ndǔ mbí ŋkɔ̂ɔnɛ, ḿbɔ́ njẅɛt-pʉɔ kɛpɔŋ lɑɑ, ḿbɔ́ pɑkɛ́jí Sɛ́, mbɔ Mɔ́ɔ-Ŋu ɡʉ ńdɑ́Ꞌ ḿbɛn ŋ́kɔ́ yɛ́ sʉ́ʉ nɛlɔk wɛ́ ŋ́ɡɛ wɛ ŋu, ŋkɑ́ yi ɑ ɡʉ ńdɑ́Ꞌ ḿbɛn nzʉʉ tsɛt nɛɡúꞋ-Tɑ́t wɛ, pɔ́p pɛcʉ̈ɔ́Ꞌ-Sɛ́ pɔ́nɛ.

Mɑtʉ̈ɔ 3:7

Jɑ̂ŋ jʉ́ɔ pɑ́Ꞌ pʉɔ nǔu nɔɔ-pɑfɑlísɑy pɔ́p pʉɔ nǔu nɔɔ-pɑsɑdukɑy tɔ́nɛ yɔ́p tɛ ńzɑ́ɑ, pɑ́Ꞌ ɑ ɡʉ ńnuꞋ wɔ́p ŋki, ɑ cú mbɔ̌ pɔ́p ŋɡɔ: «Njẅɛt mɛnɔ́, pɑtɑ́ɑ mɛzúŋ, wɔ̌ pɛnnɛ ɛ́sẅíi wʉ́ʉ nɛkʉɔ ŋɡʉ̈ɔ́Ꞌ yi pʉʉ lɔɔnɛ tɛ ɛ́ pɔ́ ŋ́ɡʉ ḿvu nǔu pʉʉ?