40 Mɑ́ɑtɑ pɔ́ ḿbúꞋ mbʉʉ yɛ nɛniitɛ yúujʉ́, ńnɑ́ŋ tɛ ńtɔ́ nɛjɔ́ŋ Yɛ́su ńcú mbɔ̌ wɛ́ ŋɡɔ: «Tsɑpʉɔ, tɛ ɔ jʉ́ɔ yú ŋɡɔ ɛ́ pɔ́ŋ pɑꞋ Mɑlíyɑ lɑ́Ꞌnɛ ŋ́ɡʉ ńnɑ́ŋ zɑ́Ꞌɑ, ŋ́ɡɔ́ɔ ńnɑ́ fɑꞋ mbɔ̌ mɔ zɛ́nɛ mɔ? Cú ŋɡɔ ɑ tɔ́ ńcẅɛ́lɛ́ wɑ́ɑ lɑ́!»
Kɔɔ pʉʉ sɑ́Ꞌ tʉʉ nǔu yúupɛjʉ́ pi ɛ́ kɛ́ lɑ́ɑtɛ, pʉʉ sɑ́Ꞌ tʉʉ pɔ nǔu yúupɛjʉ́ pi ŋu jʉ́, ɛ́ ɡɑ́ luk kɛ́mɛ. Mɔ́ɔ-Ŋu ɡʉnɛ ŋ́ɡɑ́ yîyɑ́ yúupɛjʉ́ mbɔ̌ pʉʉ, mbíꞋŋɡɔ Tɑ̌ɑ Sɛ́ kɑ cʉɔꞌ lii yɛ́ nǔu wɛ́.»
Ɛ́ lɑɑ ḿbɔ́ pɔ́Ꞌɔ, kɔɔ pʉʉ pɛn ḿbúꞋ mbʉʉ yʉ́ʉ ŋɡɔ pɛ́ ɡɛ ŋ́kwɛ́t kʉ̈ɔ́, pɛ́ ɡɛ ńnɔ́ kʉ̈ɔ́?
Pyɛ̂ ɡɔ́ɔ ŋ́kɛ́ ɛ́fúŋ wɛ́ ntsɛm, ńzɛ nɛkɑkŋɛ wɛ́, ńcú mbɔ̌ wɛ́ ŋɡɔ: «Tsɑpʉɔ, kɔɔ Sɛ́ pɛ́m yîyɑ́ ntɛ́ nu ɡɛ wú! Mbɔ ɛ́ pɔɔ pɔ́ pɔ́Ꞌɔ pɔ́.»
Ɛ́ ɡɛ ḿbɔ́ ntsuŋkẅɛ́Ꞌ, ɡɑŋku-Yɛ́su tɔ́ nɛjɔ́ŋ yɛ́ ńcú ŋɡɔ: «Pɛkŋɛ zɑꞋnɛ kɔ̂ŋtɛt, mbɔ zɑꞋ pɛn mɔ́ ńdɛɛ. Cú mbɔ̌ pʉɔ, pɔ́p ɡʉ zʉꞋ yí mɛnjɛ́Ꞌ zúꞋu, ńdɔɔ yúupɛjʉ́ ńzúu.»
Yɛ́su shɔtnɛ ńdíŋɛ wɔ́p, ńcʉ̈ɔ́k wɔ́p. [Pʉʉ jí ŋɡɔ mɔ́ɔ-ŋu ŋ́kɑɑ kɛ́ ńtɔ́ nɛɡɛ pʉɔmɛsɔŋ kúu pɛ́ pɔ́, ɑ kɑ tɔ́ pɔ nɛɡɛ pɔ́p luk.]
Pʉɔ-tsɛ́nndɑ́ pɛ́ Yɛ́su zúꞋ yɔ nu, ńdɔ sɛ́, ńcʉ́ɔ sɛ̂ndúŋ pɑꞋ pɔ́p ɡʉ ŋ́ɡʉ ŋ́ɡẅɛɛ wɛ́, ḿbɔ́ ŋ́kwɑŋɛ ŋɡɔ tú yɛ́ ɡɑ́ɑnɛ.
Yɛ́su pɔ́p ɡɑŋku pɛ́ ɡɛ ńcʉ́ɔ sɛ̂ndúŋ ḿbɔ́ ŋ́ɡʉ, ŋ́kúu tsɛt yɛcɔ́ lɑ́Ꞌ. Wɛcɔ́ mɑŋɡɛ́ ẅi pɛ́ fúŋnɛ wɛ́ ŋɡɔ Mɑ́ɑtɑ kúkŋɛ wɛ́ ndɑ́ yɛ.
Yɛ́su cú ŋɡɔ: «Mɑ́ɑtɑ, Mɑ́ɑtɑ, ɔ púꞋ mbʉʉ yu, ḿbɔ́ ńjʉ́ɔ ŋɡʉ̈ɔ́Ꞌ nǔu mɛyúu tɛ ńzɑ́ɑ.
Wɛcɔ́ ŋu ɡɛ ḿvu ɡɔɔ, lík yɛ́ pɔ́ ŋɡɔ Lɑzɑ̂ɑ. Pɔ́p pɔ́ɔpɛ́mɑ́ pɛ́ pɛ́ pɑŋɡɛ́ pɛ́pɑ́, Mɑ́ktɑ pɔ́p Mɑlíyɑ pɔ́ ńtswɛ́ tsɛt lɑ́Ꞌ-Mbɛtɑni.
Yɛ́su kɑ pɔ́ ŋ́kɔŋ Mɑ́ktɑ, pɔ́p Mɑlíyɑ mbɑ Lɑzɑ̂ɑ.
Pɛ́ ɡɛ ɛ́fúŋ ndínɑ nǔu lík-yɛ́, Lɑzɑ̂ɑ pɔ́ wɛcɔ́ tɑ́Ꞌ ŋu nǔu pʉɔ pí pɔ́p pɛ́ Yɛ́su kɑ pɔ́ ńjʉ́ yúu, Mɑ́ktɑ pɔ́ ŋ́ɡɑp yúujʉ́.
