25 Wɛcɔ́ ŋkyɛ́Ꞌtɛ nɛpʉ́ʉ-Mɔ̌sɛ̂ɛ zúꞋ sẅiŋɛ-Yɛ́su tɛ ńdɔ sɛ́, ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Cícɑ, ɛ́ píkŋɛ ŋɡɔ ŋ ɡɛ yɑ́ɑ ŋ́ɡɔ ku lɑ́ ŋ́ɡẅɛɛ luk kɛ́mɛ?»
Wɛcɔ́ ŋkɛ́m-Pɑyúdɑ tɔ́ ḿbíkŋɛ Yɛ́su ŋɡɔ: «Cícɑ wɛ sʉ́Ꞌnɛ, ɛ́ lɑɑ ḿbɔ́ ŋ ɡɛ ŋ́ɡɔ ku lɑ́ ŋ́ɡẅɛɛ luk kɛ́mɛ?»
MbíꞋŋɡɔ ntík ẅi ɛ́ fúnɛ mbɔ̌ Sɛ́ kɑ pɔ́ pɛ́Ꞌnɛ pɛ́ lɛɛtɛ pɔ nǔu nɛpʉ́ʉ lɑ ŋ́ɡẅɛɛ, ḿbɔ́ mbɔ ɛ́ pɔɔ pɛn ɛ́fú nǔu pɑ́Ꞌ Sɛ́ kɑ kɑꞋnɛ pɔ́. Sɛ́ kɑ zɛɛ ńnɑ́ŋ tɛ ŋkɑ́ kuꞋ ɑ lɔk yúu mi ɑ kɑ kɑꞋnɛ mbɔ̌ Ábɛlɛhɑ̂m ńdɔk ŋ́ɡɑ́ fuꞋ fɛ̌ɛ yɛ́ ɡɑ́nɛ.
Lɑ́ ŋ́ɡʉ nǔu Pɑ́fɑlísɑy, pɔ́p pɑkyɛ́Ꞌtɛ nɛpʉ́ʉ-Sɛ́, mbɔ pɔ́p kɑ mɛꞋ yɔ́p yîyɑ́ nu mɛꞋnɛ, lɑ ɛ́ pɔ́ yi Sɛ́ kɑ niitɛ ntɛ́ wɔ́p, ḿmɛꞋ pɔ́Ꞌɔ, ḿbɔɔ pɛ́m Jɑ̂ŋ nuꞋ wɔ́p ŋki pɔ́.
Yɛ́su ɡɛ ńtʉ́ʉ sɛ̂ndúŋ ḿbɔ́ ŋ́ɡʉ, wɛcɔ́ ŋu kʉ̈ɔ́ ńtɔ́ ŋ́kẅíꞋlɛ mbi yɛ́, ḿbíkŋɛ wɛ́ ŋɡɔ: «Cícɑ, ɡu pɔ́nɛ kwɑꞋ ŋu sʉ́Ꞌnɛ. Ŋ ɡʉ ŋ́ɡɛ yɑ́ɑ ŋɡɔ́ku lɑ́ ŋ́ɡẅɛɛ luk kɛ́mɛ?»
Yɛ́su pɔ́p pɔnɛ pʉɔ pɔ́ ńzɔŋ pɑ́Ꞌnɛ, wɛcɔ́ ŋu tsɛtsɛt pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́ yɛ́ zúꞋu, ḿbɔ́ tɛ ńzúꞋ pɑꞋ Yɛ́su pʉ̈ɔtnɛ sʉ́Ꞌnɛ, ŋ́ɡɔ́ɔ ńtɔ́ nɛ́ nɛjɔ́ŋ wɛ́, ḿbíkŋɛ wɛ́ ŋɡɔ: «Nɛpʉ́ʉ-SƐ́ ni ɛ́ piꞋnɛ mɛcɔ́ tsʉʉ, ɛ́ nɛ́tɛ́?»
Lɑ́ ŋ kɛ ɛ́sẅíi wʉ́ʉ, nɛzɑ́ɑ pɛŋɡɛ́mndʉ̈ɔꞋ-Sɛ́, mbɑ pɛfɔɔ kɑ ńtsɑ́ɑ nɛjʉ́ɔ mɛnu mi pʉʉ jʉ́ɔnɛ lɑɑ tɛꞋ, lɑ́ ḿbɔɔ jʉ́ɔ, ńtsɑ́ɑ nɛzúꞋ mɛnu mi pʉʉ sɛ́ ńzúꞋ lɑɑ, lɑ́ ḿbɔɔ zúꞋ.»
Yɛ́su zúꞋ pɔ́Ꞌɔ, ńcú mbɔ̌ wɛ́ ŋɡɔ: «Ɔ fúŋ yú ŋwɑꞋnɛ-Sɛ́ ńzúꞋ pɔ ŋɡɔ ku?»
Pɔ́p cú pɔ́Ꞌɔ, ɛ́ pɔ́ pɔ ŋkʉ nɛlɔk ŋ́ɡẅɛɛ wɛ́. Pɔ́p lɔɔ mbɛ̌tntɑ́ŋ nɛlɔk ɛ́fɛn wɛ́. Lɑ́ Yɛ́su ŋɔ́Ꞌnɛ sɛ́, ńzɛ nɛlɔk mɔ́ɔ-tɔ̂pɔ́ wɛ, ŋ́ŋwɑꞋnɛ yúu sɛ́.
Yɛ́su píkŋɛ wɔ́p ŋɡɔ: «Mɔ̌sɛ̂ɛ kɑ cú tsɛt nɛpʉ́ʉ ŋɡɔ pʉʉ ɡɛ pɔ ŋɡɔ́ku?»
