Lúkɑ́shi 1:20 - Kɑɑ Fí

²⁰ Ɛ́ nu yi ɛ́ ŋ́ɡɛ ńtsuŋ ńcẅɛt nǔu yɛ́ ŋkɑ́, lɑ́ pɑ́Ꞌ ɔ kɑ́ pɛ́m lɑ́, ɔ ɡʉ ńtsʉ́Ꞌ ḿbɔ́ pɔ cípúꞋ tɛ yîyɑ́ ŋkɑ́ ɡɛ ŋ́kuꞋ.»

Lúkɑ́shi 1:20 交叉引用

Mɛnu ɛ́ ńdɑ́Ꞌ ńcẅɛt 3:19

Ŋ ɡʉ nǔu pʉɔ pí ŋ kɔŋnɛ wɔ́p, ŋ́kɑkŋɛ wɔ́p pɛ́tsʉʉ, ńtsɑ mbɑ nɛtswɑ́ɑ. Pɔ́Ꞌɔ lɑ́, zɑŋɛ mbʉʉ yu ɛ́fɑꞋ fɑꞋ, ḿbɛn ŋ́kúpmɛ mɑt wu.

Ɛ́bɛlʉʉ 6:18

Pɔ́Ꞌɔ lɑ́, yúu ɡú yɛ́pɑ́ yi ḿbɔ́ ɛ́ pɔɔ kúpmɛ, pɑ́Ꞌ Sɛ́ kɑ kɑꞋnɛ nu mbɑ pɑ́Ꞌ ɑ kɑ kɑ́ɑnɛ, ɛ́ pɔ́ mɛnu mi ɛ́ tɛnnɛ tɛ Sɛ́ cú pɛ́ lɔɔ kɛ́kɑ́ŋ. Ẅîwɑ́ nɛpɔ́ níꞋ mɛtʉʉ mɛ́k tɛꞋ, pɛk pi pɛk kɑ nɑ́nɛ mbɑ kʉ̈ɔ́ lɑ́, kwɑŋɛ wɛ́k tsʉ́Ꞌ ńtʉ́ʉ pɔ nǔu yúu mi pɛk zẅíꞋlɛ́nɛ mbɔ̌ wɛ́.

Lúkɑ́shi 1:22

A pɔ́ tɛ ńcẅɛt, ḿbɔɔ pɛn ŋ́kuꞋ nɛcú nu mbɔ̌ pɔ́p pɔ́, ńtsʉ́Ꞌ ńdɔk pɔ mbɔ́ ńdɛꞋlɛ nu. Pɔ́p ɡɔ́ɔ ńjí ŋɡɔ ɑ tɔ́ ndɑ́, Sɛ́ níɛꞋ mík mɛ́, ɑ jʉ́ɔ yɛcɔ́ ŋkʉꞋnɛ nu. A fú pɔ́Ꞌɔ, ńtsʉ́Ꞌ ḿbɔ́ pɔ cípúꞋ.

Tîtɛ 1:2

Pɔ́Ꞌɔ, mbɔ pɔ́p ńnɑ́ŋ ḿbɔ́ ńzẅíꞋlɛ luk kɛ́mɛ yi Sɛ́ kɑ lɑ́Ꞌ ḿbɛ́t pɔ kɛ́ puꞋ ŋɡɔŋ, ŋ́kɑꞋ mbɔ̌ pʉɔ pɛ́. Pɛ́ jí ŋɡɔ ɑ lɔ̌ɔ ńcú nu pɛ́ lɔɔ kɛ́kɑ́ŋ pɔ́.

2 Timɔtɛ́ɛ 2:13

Ɛ́ lɑɑ ḿbɔ́ yi pɛkŋɛ nɑ́ŋ ńtsɔ́Ꞌ nzʉʉ yɛ ńtík ŋɡʉ́ɔlɛ, mbɔ ɑ kɛ́ mbɔɔ tsɔ́Ꞌ nzʉʉ yɛkŋɛ ńtík ŋɡʉ́ɔlɛ pɔ́. MbíꞋŋɡɔ ḿbɔ́ ɑ pɔɔ cú nu ḿbɛn ŋ́kúp pɔ́.»

Lúkɑ́shi 1:45

Ɔ pɔ́ttú, mbíꞋŋɡɔ ɔ kɑ pɛ́m ŋɡɔ mɛnu mi Sɛ́ kɑ ɡɛnɛ ɔ jí, ńtɑ́ɑ ḿbuutɛ.»

Mɑ́lɛ́kúshi 16:14

Ŋ́ɡɔ́ ńdẅiklɛYɛ́su ɡɛ ḿbɛn ńnyɛt mbʉʉ yɛ mbɔ̌ ɡɑŋku pɛ́ ntsɔ̌pmɔꞋ nɛ́ nɛɡɛ́m pɛ́tsʉʉ. Pɔ́p pɔ́ ndɑ́ ŋ́kwɛ́t yúu. A kɑkŋɛ wɔ́p nǔu pɑ́Ꞌ pɔ́p lɑ́Ꞌ mbɔɔ pɛ́m, ḿbɛn ńdʉꞋ mbɑ nɛpɛ́m nu ntsu-pʉɔ pí ɑ zẅíimɛ́nɛ ńnyɛt mbʉʉ yɛ mbɔ̌ pɔ́p pɔ́.

Mɑ́lɛ́kúshi 9:19

Yɛ́su cú mbɔ̌ pɔ́p ŋɡɔ: «Ɛ́ kʉ̈ɔ́ pʉʉ pɔɔ ńzɑ́p tʉ́m nǔu Sɛ́ pɔ́, ɛ́ pɑꞋɑ mɔ ńdɑ́Ꞌ ńnɑ́ŋ tsɛtsɛt pʉʉ tɛ ŋ́kúu shʉ́nɛ lɑ́ pʉʉ zɑ́p tʉ́m yʉ́ʉ nǔu Sɛ́? Ŋ ɡʉ ńdɑ́Ꞌ sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́, ŋ́ɡɑ́ mbɔ̌ mɔ.»

Pʉɔ-Lɔ́mɑ 3:3

Ɛ́ pɛn ŋ́ɡʉ nǔu pɑ́Ꞌ pɛcɔ́ pɑyúdɑ kɑ nyɛtnɛ yîyɑ́ sẅiŋɛ pɛ́Ꞌɛ, ɛ́ ɡɛ ńdɛɛ pɔ́Ꞌɔ, Sɛ́ nyɛt mɛnu mi ɑ kɑ kɑꞋnɛ mbɔ̌ pɔ́p kɛkʉ̈ɔ́?

Lúkɑ́shi 1:19

Cʉ̈ɔꞋ-Sɛ́ pʉ̈ɔt ŋɡɔ: «Mɔ Ŋɡɑ́ɑpɛliyɑ, n zúꞋ pɔ mbɔ̌ Sɛ́. Jʉ́ túunɛ wɑ́ɑ ŋɡɔ n tɔ́ ɛ́sɑ́Ꞌ wɔ Ŋkʉʉ sʉ́Ꞌnɛ mbɔ̌ wu.

Lúkɑ́shi 1:21

Lɑ́Ꞌ yi ɛ́ m̄bɔ́nɛ píi ńzẅíꞋlɛ́ Sɑkɑlíyɑ kɑ jʉ́ɔ, mbɔ ɑ lɑ́ɑtɛ tsɛt ndɑ́ tɛ ɛ́ tsɑ, ɛ́ kʉꞋnɛ wɔ́p.

Lúkɑ́shi 1:64

Pɔ́p ɡɔ́ɔ ńjʉ́ɔ ntsu-Sɑkɑlíyɑ ńtsɔ́Ꞌnɛ tɛ ɑ ɡɔ́ɔ ḿbɛn ńzɛ nɛcú nu, ḿbɔ́ ŋ́ɡúꞋlɛ Sɛ́.