Lúkɑ́shi 1:15 - Kɑɑ Fí

¹⁵ A ŋ́ɡɛ ńdɑ́Ꞌ ḿbɔ́ mbɔ̌ Sɛ́ ḿbɔ́ ŋu tɛꞋ. A ńdɑ́Ꞌ ḿbɔɔ mɛluꞋ ńnɔ́ pɔ́, tɛ mbɑ kʉ̈ɔ́ lɑ́ yi ḿbɔ́ ŋu nɔ́ ḿbɑ́. A ŋ́ɡɛ ńdɑ́Ꞌ ńzɛɛ ŋ́ɡɔ ńcẅɛt nɛpɛm-mɑ́ wɛ, mbɔ Zẅikŋɛ Lɛ́ɛnɛ́nɛ jʉ́ mɔ́ wɛ́.

Lúkɑ́shi 1:15 交叉引用

Ɛ́fɛ̂zɛ 5:18

Kɔɔ pʉʉ nɔ́ mɛluꞋ tɛ ɛ́ jʉ́ wʉ́ʉ. Nɛɡɛ pɔ́Ꞌɔ, ɛ́ nɛcʉ́ɔ nǔu sɛ̂ndúŋ kɛpɔŋ. Zẅikŋɛ Lɛ́ɛnɛ́nɛ jʉ́nɛ wʉ́ʉ.

Ŋɡɑlɑ̂t 1:15

Pɑ́Ꞌ mbɔ ŋ kɑ pɛ́t pɔ nɛpɛm, Sɛ́ tsɔ́Ꞌ wɑ́ɑ, ŋ́ɡɛ ŋ́ɡɑ́ fuꞋ yɑ́ɑ, ɛ́fúŋ wɑ́ɑ ŋɡɔ n tsʉ́Ꞌ ḿbɔ́ pɔ nǔu mɛ́ mbɔ́.

ŊwɑꞋnɛ-Gɑŋntúu Yɛ́su Kɛlístɔ 2:4

Zẅikŋɛ-Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíŋɛ mɛsẅíŋɛ-mɛlɑ́Ꞌ ndɛꞋ, ɛ́sẅíi pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ mɛtʉʉ ŋɡɔ pɔ́p sẅiŋɛ pɔ́Ꞌɔ.

Lúkɑ́shi 7:33

Yɔ kwɑꞋ pɑꞋ pɛ́ kɑ ɡɛnɛ nǔu Jɑ̂ŋ Mbɑptíshi. A kɑ tɔ́, ḿbɔɔ yúu kwɛ́t, ḿbɔɔ mɛluꞋ nɔ́, pʉʉ cú ŋɡɔ zẅikŋɛ kɛpɔŋ sɛ́ ḿbɑ́klɛ wɛ́.

Lúkɑ́shi 7:28

Yɛ́su pɛn ŋ́kẅiꞋ ńcú ŋɡɔ: «Ɛ sẅíi wʉ́ʉ, wɛcɔ́ ŋu ŋkɑɑ zɛɛ ḿbɔ́ ɡú tɛ ńdɛɛ Jɑ̂ŋ Mbɑptíshi pɔ́. Lɑ́ ɑ kɛ lɑɑ ḿbɔ́, mbɔ ŋu ẅí ɑ zɛ ŋkɔ̂ɔnɛ nɛjʉ́ɔ nu nɛfɔɔ-Sɛ́, ɑ lɑɑ ŋ́kɛ́ ńzɛɛ ŋ́kʉ̈ɔ́k kʉ̈ɔ́knɛ pɔ ŋɡɔ ku ɔ́ɔ, mbɔ ɑ pɔ́ttú ńdɛɛ Jɑ̂ŋ lɑɑ.»

Jɑ̂ŋ 5:35

Jɑ̂ŋ kɑ pɔ́ pɔ pɑ́Ꞌ kyɛꞌ yí pɛ́ lyɛtnɛ ńtík ɛ́ pɔ́ ŋ́kyɛꞋ zʉꞋ lɑ́. Ɛ́ kyɛꞌ zʉꞋ, nu pɔŋ wʉ́ʉ lɑ́ ɛ́ pɔɔ nɑ́ŋ.

Lúkɑ́shi 1:14

Mɔ́ɔ ɛ̂wɑ́ ŋ́ɡɛ ńdɑ́Ꞌ ḿbɔ́ mbɔ̌ wu, ḿbɔ́ kwɑꞋ yúu-tsɑ́ɑtɛ, pʉɔ tɛ ńzɑ́ɑ pɛn ńtsɑ́ɑtɛ nǔu pɑ́Ꞌ pɛ́ pinɛ wɛ́.