Jɑ̂ŋ 4:50 - Kɑɑ Fí

⁵⁰ Yɛ́su cú mbɔ̌ wɛ́ ŋɡɔ: «Gʉ!» Mɔ́ɔ nu fíitɛ. Wɔ ndʉ́m pɛ́m nu yí Yɛ́su cúnɛ mbɔ̌ yɛ́, ŋ́ɡʉ.

Jɑ̂ŋ 4:50 交叉引用

Mɑtʉ̈ɔ 8:13

Yɛ́su pɛn ńcú mbɔ̌ tɑ́tndɑ́-ntsɔ ŋɡɔ: «Pɛn nɛ́ njɛ́Ꞌ wu! Pɑ́Ꞌ ɔ zɑ́pnɛ tʉ́m nǔu mɔ lɑ́, yúu mi ɔ tsɑ́ɑnɛ ɡʉ ḿbɔ́ pɔ́Ꞌɔ.» Ńcú pɔ́Ꞌɔ, mɔ́ŋkʉ̈ɔ́-fɑꞋ-tɑ́tndɑ́-ntsɔ ɡɔ́ɔ ɛ́fíitɛ pɔ ŋkɑ́ ɛ̂yɑ́, ŋkɑ́ ɛ̂yɑ́.

Lúkɑ́shi 17:14

Yɛ́su jʉ́ɔ wɔ́p, ńcú mbɔ̌ pɔ́p ŋɡɔ: «Pʉʉ ɡʉ ńnyɛt mbʉʉ yʉʉ mbɔ̌ pɑnɔ́ŋpɔꞋ.» Pɔ́p cʉ́ɔ sɛ̂ndúŋ, ḿbɔ́ ŋ́ɡʉ, ńjʉ́ɔ, mbɔ ŋkɑꞋ mɛ nǔu pɔ́p.

Ɛ́bɛlʉʉ 11:19

Lɑ́ Ábɛlɛhɑ̂m tʉ́ʉ nɛlɔk wɛ́ ńnɔŋ pɔꞋ, mbíꞋŋɡɔ ɑ kɑ pɔ́ ńjí tsɛt tʉ́m yɛ́ ŋɡɔ, Sɛ́ kuꞋ mbɑ nɛzẅíimɛ ŋu ẅí ɑ pfúnɛ. Ɛ́ yúu mi ɛ́ kɑ ɡɛnɛ Sɛ́ pɛn mɔ́ɔ nɛ mbɔ̌ wɛ́, tɛ ɛ́ tsʉ́Ꞌ ḿbɔ́ pɔ pɑ́Ꞌ ŋkɑ́ yi mɔ́ɔ zẅíimɛ nǔu nɛvú lɑ́, ńdɔk pɔ́Ꞌɔ, ńzɑ́Ꞌ njí ńnyɛt fʉꞋ nu.

Jɑ̂ŋ 11:40

Yɛ́su tsɔ́Ꞌ mbɔ̌ wɛ́ ŋɡɔ: N dɑ́Ꞌ mbɔɔ cú mbɔ̌ ɡu ŋɡɔ ɔ lɑɑ ńzɑ́p tʉ́m nǔu mɔ, mbɔ ɔ ɡʉ ńjʉ́ɔ nɛɡúꞋ-Sɛ́ pɔ́ ɔɔ?»

Jɑ̂ŋ 4:49

ŊɡɑŋfɑꞋ-ŋɡɔ́mnɑɑ ɛ̂wɑ́ cú mbɔ̌ wɛ́ ŋɡɔ: «Sɛ́sẅíi, Ndɛ, cúŋ ńjʉ́ɔ mɔ́ɔ wɑɑ lɑ ɑ pfú.»

Jɑ̂ŋ 4:51

A pɛ́t pɔ sɛ̂ndúŋ ńcúŋ ŋ́ɡʉ, ŋɡɑŋfɑꞋ wɛ tɔ́ ńzɑ́Ꞌ wɛ́, ɛ́sẅíi wɛ́ ŋɡɔ mɔ́ɔ nu fíitɛ.