Jɑ̂ŋ 20:4 - Kɑɑ Fí

⁴ Pɔ́p pɛ́pɑ́ kɑ tɛmtɛ ḿbɔ́ ŋ́kʉɔ ndʉ́ɔlɛ́, lɑ́ ŋɡɑŋku-Yɛ́su ɛ̂wɑ́ zɑ́Ꞌ mbi pyɛ̂, ḿbiitɛ zʉꞋ-nɛshi.

Jɑ̂ŋ 20:4 交叉引用

2 Kɔlɛ̂ŋtɛ 8:12

Ŋu ɡɑ́ yúu nɛ́ tʉ́m sʉ́Ꞌnɛ, Sɛ́ ɡɔ́ ḿbɛ́m yúu mi ŋɡɑŋ ɡɑ́nɛ, ɛ́fú pɔ nǔu yi ŋɡɑŋ ɡẅɛɛnɛ, ɑ kɛ́ fú nǔu yi ŋɡɑŋ kɑ́ ɡẅɛɛ pɔ́.

1 Kɔlɛ̂ŋtɛ 9:24

Pʉʉ sɛ́ ńjí yʉ́ʉ ŋɡɔ ɛ́ ɡʉ zʉꞋ yi pɛ́ kʉɔnɛ ndʉ́ɔlɛ́ zúꞋu, pɑkʉɔ ndʉ́ɔlɛ́ kʉ̈ɔ́ pɔ pɛtsʉʉ, lɑ́ tɑ́Ꞌ ŋu wɛ́mɔ́Ꞌ nǔu pɔ́p tíinɛ yúu mi pɛ́ zɑ́pnɛ. Mbɑ wɔ̌ lɑ́ nǔu pʉʉ kʉ̈ɔ́ nǔu ntɛ́ yi ɑ ɡʉ ńtíi yúu mi pɛ́ zɑ́pnɛ.

Jɑ̂ŋ 20:3

Pyɛ̂ pɔ́p ẅîwɑ́ ŋɡɑŋku cẅɛt, ŋ́ɡʉ zʉꞋ-nɛshi.

Jɑ̂ŋ 20:5

Ńtʉɔ́ŋɛ tú yɛ́, ńjʉ́ɔ yúu ndẅí, ɛ́ pɔ́ tsɛt nɛshi, lɑ́ ŋ́kɛ́ mbɔɔ tsɛtú kúu.

Jɑ̂ŋ 20:8

Wɛcɔ́ ŋɡɑŋku-Yɛ́su ẅí ɑ lɑ́Ꞌnɛ ḿbiitɛ ńtɔ́ kúu yɛ́ tsɛtú, ńjʉ́ɔ yúu mi ɛ́ lɛɛnɛ, ḿbɛ́m ŋɡɔ ɛ́ sẅíinu.