31 Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.
Jʉ́ zɛɛnɛ ḿbɔ́ ŋu ẅí pɛŋɡɛ́mndʉ̈ɔ́Ꞌ-Sɛ́ pɛtsʉʉ kɑ pɔ́ ńdɛꞋlɛ, pɑ́Ꞌ pɔ́p kɑ pɔ́ ńcú ŋɡɔ mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su, Sɛ́ ɡʉ ńdikŋɛ mɛnu kɛpɔŋ-ŋɡɑŋ ŋ́ɡɑ́ mbɔ̌ wɛ́, ntɛ́ wɛ́.
Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.
Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.
Ŋu lɑɑ ḿbɛ́m ŋɡɔ Yɛ́su mɔ́ɔ-Sɛ́, mbɔ Sɛ́ ɡʉ ńdɑt mbʉʉ yɛ nǔu ŋɡɑŋ, ŋɡɑŋ pɛn ńdɑt yɛ nǔu Sɛ́.
Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.
Ŋu lɑɑ ńzɑ́p tʉ́m yɛ́ nǔu wɛ́, mbɔ pɛ́ ŋ́ɡʉ ŋ́ɡɛ ŋ́ŋɑk wɛ́ pɔ́. Ŋu ẅí ɑ kɛ́ mbɔɔ zɑ́p tʉ́m yɛ́ nǔu wɛ́ pɔ́ jí ŋɡɔ pɛ́ ŋɑk mɔ́ wɛ́, mbíꞋŋɡɔ ɑ kɑ́ zɑ́p tʉ́m yɛ́ nǔu mɔ́ɔ-Sɛ́ wɛ́mɔ́Ꞌ pɔ́.
Ŋu lɑɑ mbɔɔ kúꞋlɛ pɔ ndɑꞋ nu yi Kɛlístɔ kɑ zíꞋnɛ wɛkŋɛ pɔ́, ŋ́ɡʉ nǔu ŋ́kẅiꞋ yɛcɔ́ yúu, mbɔ ŋɡɑŋ pɔ́p Sɛ́ kɛ́ tɛmtɛ. Ŋu ẅí ɑ kúꞋlɛ́nɛ nu yi Kɛlístɔ kɑ zíꞋnɛ wɛk, pɔ́p Tɑ̌ɑ tɛmtɛ, mbɑ pɔ́p Mɔ́ɔ pɛn ńtɛmtɛ.
Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»
Ŋu ẅí ɑ sẅíinɛ wʉ́ʉ ɑ ńcẅɛ́ɛntɑ́ŋ nǔu kʉ̈ɔ́ lɑ́ yí ɛ́ kɑ lɛɛnɛ. Ɛ́ pɔ́ kwɑꞋ pɑ́Ꞌ ɛ́ kɑ lɛɛnɛ. KwɑꞋ jʉ́ nɛ tú yɛ́ pɔ́ ńniitɛ ńjí ŋɡɔ ɑ cú nu nɛ́nẅín, ńcú pɑ́Ꞌnɛ nɛpɔ́ yí pʉʉ yʉ́ʉ ɡʉ ńzɑ́p tʉ́m nǔu yɔ nu.
Tɔmɑ́shi tsɔ́Ꞌ mbɔ̌ wɛ́ ŋɡɔ: «Tsɑpʉɔ wɑɑ, ḿbɔ́ Sɛ́ wɑɑ.»
Ntsɔ́ŋ tɔ́ yɛ́ pɔ nɛjɔ, pɔ nɛjẅí, pɔ nɛpʉ́ʉpɛ. Ŋ kɑ tɔ́ nɛpɔ́ yi pʉɔmɛsɔŋ ɡʉ ŋ́ɡẅɛɛ luk yí ɛ́ kwɑꞋ yɛ́tɛ́ tɛ ńdúkŋɛ.»
Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.
Ŋ ɡɛ pɑ́Ꞌɑ nɛlɔk ŋ́ɡɛ ŋɡɔ ɔ ɡʉ ɛ́fúŋ ńdɔk ńjí ŋɡɔ mɛnu mi pɛ́ kɑ zíꞋnɛ wú ɛ́ zúꞋu ḿbɔ́ kwɑꞋ pɔ́Ꞌɔ.
Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»
Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»
Ŋu ẅí ɑ pɛ́mnɛ, pɛ́ nuꞋ wɛ́ ŋki, Sɛ́ ɡɛ ɑ luk. Ŋu ẅí ɑ lʉꞋnɛ nɛpɛ́m, ɑ ɡʉ ńdɑ́Ꞌ ḿvu ntsɑŋ.
Yɛ́su kɑ pfú pɑ́Ꞌɑ, tɑ́tndɑ́-pɑlʉ̈ɔ́Ꞌntsɔ pɔ́p pɑlʉ̈ɔ́Ꞌntsɔ pí pɔ́p kɑ pɔ́ ḿbyɛ́p Yɛ́su jʉ́ɔ pɑ́Ꞌ tsɛ́tsɑ́Ꞌ púunɛ ńtsʉ́Ꞌnɛ, ḿbɛn ńjʉ́ɔ mbɑ kʉ̈ɔ́lɑ́ yi ɛ́ sɛ́ ńdɛɛ, ńcʉ̈ɔꞋ tɛꞋ, ńcú ŋɡɔ: «Ŋu wɔ ḿbɔ́ kwɑꞋ mɔ́ɔ-Sɛ́.»
Ɛ́ ɡɔ́ ḿbɔ́, mbɔ ɑ ŋkɑɑ kɛ́ ńzẅíꞋlɛ lɑ́ ńzɛ nɛpɔ́ ŋ́kúu mɛndɑ́-mɛcúꞋlɛ-pɑyúdɑ mi ɛ́ zúꞋu, ḿbɔ́ ɛ́sɑ́Ꞌ ŋɡɔ Yɛ́su mɔ́ɔ-Sɛ́ pɔ́.
Pɔ́pmɛ́ kɑ pɛ́t ńnɛn nɛnnɛ, ńcẅɛt nǔu yɛcɔ́ zʉꞋ, ŋki pɔ́ zúꞋu. Ŋu-Ɛ́tíyɔ́pîi ɛ̂wɑ́ cú mbɔ̌ Filîp ŋɡɔ: «Ŋki pʉ́ɔlɑ́, ɛ́ lɑɑ ḿbɔ́ kʉ̈ɔ́ kíꞋ tɛ pɛ́ pɔɔ wɑ́ɑ ŋki nuꞋ?»
Ɛ́ nǔu ŋkɔ̂ɔnɛ, pʉʉ sɛ́ ńjʉ́ɔ ŋɡɑŋ-kẅíꞋlɛ wɔ, ḿbɛn ḿbɔ́ ńjí wɛ́. Ɛ́ lɛɛ pɔ nǔu wɛk nɛzɑ́p tʉ́m nǔu Yɛ́su ɛ̂wɑ́ lɑ lík yɛ́ ɡɑ́ mɛtʉʉ mbɔ̌ wɛ́, ɑ lɔk ńdɔ sɛ́ ńtʉ́ʉ mbi pʉʉ. Ɛ́ lɛɛ pɔ nǔu nɛzɑ́p tʉ́m nǔu Yɛ́su lɑ ɑ fíitɛ pɑ́Ꞌ pʉʉ sɛ́ ńjʉ́ɔ lɑɑ.
Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»
Ŋ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Tyɑtîi. Ŋwɑꞌnɛ ŋɡɔ: mɔ́ɔ-Sɛ́ ẅi mík mɛ́ kyɛꞋnɛ zʉꞋ pɑ́Ꞌ lʉ́m-múk lɑ́, mɛku mɛ́ pɔ́ pɑ́Ꞌ tʉ́n Mbɛlɔŋzɛ lɑ́, ɑ sɛ́ ńcú ŋɡɔ:
Pʉʉ tsɑ́ɑtɛ mbíꞋŋɡɔ pʉʉ ɡʉ ŋ́ɡẅɛɛ yúu mi pʉʉ kɔŋnɛ, ńzɑ́p tʉ́m nǔu Sɛ́ mbíꞋ yɛ́tɛ́, ɛ́ pɔ́ pɑ́Ꞌ Sɛ́ ɡʉ ŋ́ɡɛ pʉʉ luk.
Sɑ́ttɑ tɔ́ ŋ́kwɑꞋlɛ wɛ́, ńcú ŋɡɔ: «Pɑ́Ꞌ ɔ mɔ́ɔ-Sɛ́ lɑ́, ɡɔ́ɔ ŋ́kɛ́ ńcú mbɔ̌ mɛŋɡɔꞋ mɔ ŋɡɔ ɛ́ shɔtnɛ ńtsʉ́Ꞌ yúujʉ́ ɔ jʉ́.»
Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.
[Filîp pʉ̈ɔt ŋɡɔ: «Ɔ lɑɑ ńzɑ́p tʉ́m yú nǔu Yɛ́su Kɛlístɔ, mbɔ yɛcɔ́ yúu kɛ́ kíꞋ wú pɔ́.» Ŋu-Ɛ́tíyɔ́pîi wɑ́ tsɔ́Ꞌ ŋɡɔ: «M bɛ́m ŋɡɔ Yɛ́su Kɛlístɔ mɔ́ɔ-Sɛ́.»]
