Jɑ̂ŋ 17:25 - Kɑɑ Fí

²⁵ Tɑ̌ɑ mɔ, ɔ ŋu ndʉ́ŋndʉŋ, pʉɔ ndǔmbí ŋkɑɑ wú jí, lɑ́ ŋ kɛ́ ḿbɔ́ ńjí wú, pɔ pʉɔ kɛ́ ńjí ŋɡɔ ɡu kɑ túunɛ wɑ́ɑ.

Jɑ̂ŋ 17:25 交叉引用

Jɑ̂ŋ 17:11

Ɛ́ nǔu ŋkɔ̂ɔnɛ, ɛ́ tsʉ́Ꞌ mɔ́zʉꞋ, m bɔɔ pɛn ḿbɔ́ ndǔmbí pɔ́, mbíꞋŋɡɔ ŋ ɡʉ ḿbɛn nɛ́ nɛjɔ́ŋ ɡu. Lɑ́ ŋ́ɡʉ nǔu pɔ́p, mbɔ pɔ́p kɛ́ ḿbɛ́t ḿbɔ́ pɔ ndǔmbí. Tɑ̌ɑ mɔ ɑ ndɑꞋ ɡu ḿbɔ́ Sɛ́-mɛkuꞋ, lɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p, ńjí ŋɡɔ pɔ́p ɡʉ ḿbɔ́ tɑ́Ꞌ ŋu, ndʉ́ŋndʉŋ pɑ́Ꞌ pûu tɑ́Ꞌ ŋu lɑ́.

Jɑ̂ŋ 17:8

Ŋ kɑ kɛ́ ńcú mɛnu tsʉʉ mí ɔ kɑ níꞋnɛ mbɔ̌ mɔ mbɔ̌ pɔ́p, pɔ́p pɛ́m, ńtsuŋ ńjí ŋɡɔ ɛ fú nɛjɔ́ŋ ɡu, ḿbɛn ńjí ŋɡɔ ɡu kɑ túunɛ wɑ́ɑ.

Jɑ̂ŋ 15:21

«Pɔ́p ɡʉ ŋ́ɡɛ pɔ́Ꞌɔ nǔu pʉʉ mbíꞋŋɡɔ pʉʉ pʉɔ pɑ́ɑ, pɔ́p pɛn ŋ́kɛ́ ḿbɔɔ ḿbɔ́ ńjí ŋu ẅí ɑ kɑ túunɛ wɑ́ɑ pɔ́.»

Jɑ̂ŋ 7:29

Ŋ kɛ́ ḿbɔ́ ńjí wɛ́. Ɛ fú pɔ nɛ́ nɛjɔ́ŋ yɛ́, mbɔ jʉ́ kɑ túunɛ wɑ́ɑ.»

Jɑ̂ŋ 16:27

Ɛ́ mbíꞋŋɡɔ kwɑꞋ jʉ́ Tɑ̌ɑ mɔ kɔŋ wʉ́ʉ. A kɔŋ wʉ́ʉ, mbíꞋŋɡɔ pʉʉ kɑ kɔŋ wɑ́ɑ, ḿbɛn ḿbɔ́ ḿbɛ́m ŋɡɔ ɛ fú mbɔ̌ Sɛ́.

Ɛ́bɛlʉʉ 8:11

Ɛ́ pɔ́ ŋkɑ́ ɛ̂yɑ́, wɛcɔ́ ŋu pɔɔ pɛn ńzíꞋ ŋu-lɑ́Ꞌ wɔp nɛ́ yúu zíꞋnɛ pɔ́, ŋu kɛ́ ḿbɔɔ pɛn ńzíꞋ mɔ́ɔmɑ́ wɛ zíꞋnɛ ŋɡɔ: Jí yú nu-Tsɑpʉɔ pɔ́. MbíꞋŋɡɔ pʉɔtsʉʉ ɡʉ ńdɑ́Ꞌ ḿbɔ́ ŋkɑ́ ɛ̂yɑ́ ḿbɔ́ ńjí wɑ́ɑ. Nɛfú nǔu mɔ́yúu mɔ́ɔ ẅi ɑ tsɛtsɛt pɔ́p, ŋ́ɡʉ ŋ́kúu nǔu ndwɛn ndʉ́m.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

Jɑ̂ŋ 10:15

Ndʉ́ŋndʉŋ pɑ́Ꞌ Tɑ̌ɑ mɔ sɛ́ ńjí wɑ́ɑ, m bɛn ḿbɔ́ ńjí Tɑ̌ɑ mɔ. Ŋ ɡɑ́ tú yɑ́ɑ ntɛ́ mɛnjinjɔ mɑ́ɑ.

Jɑ̂ŋ 8:55

Ŋ́kɛ́ ḿbɔɔ ḿbɔ́ ńjí wɛ́ pɔ́, lɑ́ mɔ sɛ́ ńjí wɛ́. N dɑɑ ŋɡɔ Ŋ kɑ́ pɔ́ ńjí wɛ́ pɔ́, mbɔ mɔ ńtsʉ́Ꞌ ŋɡɑŋ cɔtnu pɑ́Ꞌ pʉʉ. Lɑ́ mɔ sɛ́ ńjí wɛ́, ḿbɛn ḿbɔ́ ńnɛn nǔu sẅiŋɛ yɛ́.

Lúkɑ́shi 10:22

Yɛ́su pɛn ńcú ŋɡɔ: «Tɑ̌ɑ mɔ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ. Mbɔ wɛcɔ́ ŋu pɔɔ jí mɔ́ɔ pɔ́, ńdíꞋ ńdɑ́Ꞌ tɑ́t jínɛ wɛ́. Ŋu kɛ́ ḿbɔɔ Tɑ́t jí, ńdíꞋ ńdɑ́Ꞌ mɔ́ɔ nɛjí wɛ́, ḿbɛn ŋ́ɡɛ ŋu ẅi mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.»

Mɛnu ɛ́ ńdɑ́Ꞌ ńcẅɛt 13:8

Pʉɔ tsʉʉ pí pɔ́p ndǔ tsɛ́tsɑ́Ꞌ ɡʉ ŋ́ɡɛ ŋ́kẅíꞋlɛ mbi yɛ́, ŋ́ɡúꞋlɛ wɛ́. Pɛ́ lɑ́Ꞌ ŋɡɔŋ pʉɔ tsʉʉ pí pɛ́ ŋ́kɑɑ ŋwɑꞋnɛ lík yɔ́p tsɛt ŋwɑꞋnɛ-luk tɛ ɛ́fú ŋkɑ́ yi mbí kɑ zɛnɛ pɔ́, ŋwɑꞋnɛ ɛ̂yɑ́ yɛ́ mɔ́ɔ-Njinjɔ ẅí pɛ́ kɑ jẅínɛ wɛ́.

1 Jɑ̂ŋ 1:9

Pɛkŋɛ lɑɑ ḿbɛ́m mɛfɑɑnɛ mɛkŋɛ, mbɔ Sɛ́ ɡʉ ńdikŋɛ ŋ́ɡɑ́ mbɔ̌ pɛkŋɛ, ɛ́fú nǔu pɛkŋɛ ńcẅɛɛtɛ nu kɛpɔŋ tsʉʉ, mbíꞋŋɡɔ Sɛ́ kɑꞋnɛ yúu ḿbɛn ŋ́ɡɛ, ɛ́ pɔ́ ndʉ́ŋndʉŋ.

2 Tɛsɑlɔník 1:8

A ɡʉ ńdɑ́Ꞌ ŋ́ɡɔ ńtɔ́ pɛkŋɛ jʉ́ɔ múk tʉ̈ɔ́Ꞌlɛ wɛ́ ńníꞋ sɔŋ, ɑ ɡɛ pʉɔ pi pɔ́p kɑ jí Sɛ́ pɔ́ ḿbɛn ńdʉꞋ Ŋkʉʉ Sʉ́ꞌnɛ wɛ́ jʉ́ɔ ŋɡʉ̈ɔ́Ꞌ.

1 Kɔlɛ̂ŋtɛ 15:34

Pʉʉ ɡẅɛɛ mbʉʉ yʉ́ʉ nǔu ntɛ́ yi ɛ́ ḿbɔŋ Sɛ́, kɔɔ pʉʉ pɛn ŋ́ɡɛ mɛnu kɛpɔŋ. N cú mbíꞋŋɡɔ mɔ sɛ́ ńjʉ́ɔ pɛcɔ́ pʉɔ pɔ́ tsɛtsɛt pʉʉ ḿbɔɔ Sɛ́ jí, n cú pɑ́Ꞌɑ ńtsɑ́ɑ ŋɡɔ sʉ́ʉ kɔ́ wʉ́ʉ.

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

Pʉɔ-Lɔ́mɑ 3:26

A kɑ pɔ́ ŋkɑ́ ɛ̂yɑ́ ḿbɔ́ ɛ́sʉk sʉknɛ ńzẅíꞋlɛ, lɑ́ ɛ́ ŋkɔ̂ɔnɛ, Sɛ́ nyɛt ŋɡɔ ɑ ndʉ́ŋndʉŋ, ḿbɛn ńnyɛt ŋɡɔ ɑ líŋɛ ŋu ẅí ɑ zɑ́pnɛ tʉ́m yɛ́ nǔu Kɛlístɔ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 3:11

Wɛcɔ́ ŋu ẅí ɑ ɡẅɛɛnɛ jínu kɑ́ pɔ́ ɡú pɔ́. Wɛcɔ́ ŋu ẅí ɑ tsuŋ ḿbɔ́ ńtsɑ́ɑ nɛjí sɛ̂ndúŋ-Sɛ́ ɑ kɑ́ pɔ́ ɡú pɔ́.

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

ŊwɑꞋnɛ-Gɑŋntúu Yɛ́su Kɛlístɔ 17:23

Mɔ sɛ́ ńnɛn tsɛt tʉ́sɔŋ yʉ́ʉ, ńjʉ́ɔ mɛndɑ́-mɛsɛ́ mʉ́ʉ jʉ́ɔnɛ, tɛ ńjʉ́ɔ yɛcɔ́ pɔ́ ɡú, mbɔ pɛ́ kɑ ŋwɑꞋnɛ nǔu ŋɡɔ: “Yɔ ndɑ́-nɔŋpɔꞋ yi pɛk kɑ́ jí lík yɛ́ pɔ́.” Ɛ́ pɔ́Ꞌɔ lɑ́, yîyɑ́ Sɛ́ yi pʉʉ tswɛ́nɛ ŋ́ɡúꞋlɛ wɛ́ kɛ́ jí wɛ́ lɑ́, n tɔ́ pɑ́Ꞌɑ nɛsẅíi wʉ́ʉ nɛ́ nu yɛ́.

Jɑ̂ŋ 17:23

M bɔ́ nɛ́ pɔ́p, ɔ pɔ́ nɛ́ mɔ. Pɔ́p ɡẅɛɛ tɑ́Ꞌ ntsu. Pʉɔ ndǔmbí ɡɔ́ɔ ŋ́kɛ́ ńjí ŋɡɔ ɔ kɑ túu wɑ́ɑ, ḿbɛn ńjí ŋɡɔ ɔ kɔŋ pʉɔ pɔ pɑ́Ꞌ ɔ kɔŋnɛ wɑ́ɑ.

Jɑ̂ŋ 17:21

M búꞋ mbɔ́ mbɔ̌ ɡu ŋɡɔ ɔ ɡɛ pɔ́p tsʉʉ pɔ́ tɑ́Ꞌ ŋu, pɑ́Ꞌ ɡu Tɑ̌ɑ mɔ ɔ tɛmtɛ nǔu mɔ, n tɛmtɛ nǔu ɡu. Sɛ́sẅíi, ɡɛ pɛk pɛ́ pɔ́p pɔ́ tɑ́Ꞌ. Ɛ́ lɛɛ pɔ́Ꞌɔ, pʉɔ-ndǔmbí pɛ́m ŋɡɔ ɔ kɑ túunɛ wɑ́ɑ.

Jɑ̂ŋ 17:18

Pɑ́Ꞌ ɔ kɑ túunɛ wɑ́ɑ ndǔmbí lɑ́, mbɑ mɔ yɑ́ɑ n túu wɔ́p ndǔmbí ɡúu.

Jɑ̂ŋ 17:3

Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.

Jɑ̂ŋ 16:30

Pɛk jí ŋkɔ̂ɔnɛ ŋɡɔ ɔ jí mbɑ kʉ̈ɔ́ lɑ́, tɛ ḿbiitɛ ńjí yúu mi pɛk lɔɔ nɛpíkŋɛ wú. Ɛ́ yúu mi ɛ́ ɡɛnɛ pɛk pɛ́m ŋɡɔ ɔ fú mbɔ̌ Sɛ́.»

Jɑ̂ŋ 16:3

Pɔ́p ɡʉ ŋ́ɡɛ pɔ́Ꞌɔ, mbíꞋŋɡɔ pɔ́p kɑ́ jí Tɑ̌ɑ pɔ́, ŋ́kɛ́ mbɔɔ wɑ́ɑ jí.

Jɑ̂ŋ 8:19

Pɔ́p píkŋɛ wɛ́ ŋɡɔ: «Tɑ́t wu ɡɔ́?» Yɛ́su pʉ̈ɔt ŋɡɔ: «Pʉʉ kɑ́ pɔ́ ńjí wɑ́ɑ pɔ́, ḿbɛn ḿbɔɔ ḿbɔ́ ńjí mbɑ Tɑ̌ɑ mɔ pɔ́. Pʉʉ kɑ zɛɛ ḿbɔ́ pɛ́Ꞌnɛ ḿbɔ́ ńjí wɑɑ, mbɔ pʉʉ kɑ pɛn ńjí Tɑ̌ɑ mɔ ɡúu.»

Jɑ̂ŋ 6:19

Pɔ́p lɔk kɑnúꞋ ńnɛn yúu pɛkílumítɑ pɛ́tɑɑ kɛ pɛ́nɛ́túkú ɔɔ, ńjʉ́ɔ Yɛ́su pɔ́ ńnɛn ndǔ ŋki ńtɔ́, pɔ́p pɔ́k.

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Mɑtʉ̈ɔ 16:16

Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»

Mɑtʉ̈ɔ 11:27

Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 16:5

N zúꞋ Cʉ̈ɔꞋ-Sɛ́ ẅí ɑ kɑ ɡẅɛɛnɛ nu nǔu mɛŋki pɔ́ ńcú ŋɡɔ: «Gu ẅí ɔ ɡú, mbɔ ɔ kɑ pɔ́ ɡú, ɡu ẅí ɔ Ndɛ́ɛnɛ Lɛ́ɛnɛ́nɛ, ɔ ɡɛ ɛ́ pɔ́ pɔ pɑ́Ꞌ ɛ́ ńzɛɛnɛ ḿbɔ́ pɔ́Ꞌɔ, mbíꞋŋɡɔ, ɔ ɡɛ pɔ ndʉ́ŋndʉŋ.