Jɑ̂ŋ 14:13 - Kɑɑ Fí

¹³ Pʉʉ ɡʉ ńdɔk lík yɑ́ɑ ńdɔ́ɔ kʉ̈ɔ́ mbɔ̌ Sɛ́ lɑ́, mbɔ ŋ ɡʉ ŋ́ɡɛ. Ɛ́ lɛɛ pɔ́Ꞌɔ, mɔ Mɔ́ɔ, n nyɛt nɛɡúꞋ-Tɑ̌ɑ mɔ.

Jɑ̂ŋ 14:13 交叉引用

Jɑ̂ŋ 15:7

«Pʉʉ lɑɑ ńdɑtnɛ mbʉʉ yʉʉ nǔu mɔ, sẅiŋɛ yɑ́ɑ pɔ́ tsɛt tʉ́m pʉʉ, pʉʉ lɔ́ɔ yúu mi pʉʉ kɔŋnɛ, mbɔ pɛ́ ɡʉ ŋ́ɡɑ́ yîyɑ́ yúu mbɔ̌ pʉʉ.»

Mɑ́lɛ́kúshi 11:24

Yúu mi ɛ́ ɡɛnɛ lɑ́ ɛ sẅíi wʉ́ʉ ŋɡɔ: Kʉ̈ɔ́ lɑ́ yi pʉʉ sɛ́ ńcɛꞋlɛ Sɛ́ ńdɔ́ɔ, pʉʉ pɛ́m ŋɡɔ pʉʉ ńdɑ́Ꞌmɔ́ ŋ́ɡẅɛɛ, Sɛ́ ɡɑ́ mbɔ̌ pʉʉ.

Mɑtʉ̈ɔ 21:22

Pʉʉ lɑɑ ńzɑ́p tʉ́m nǔu Sɛ́, ḿbúꞋ mbɔ́ mbɔ̌ wɛ́ ńdɔ́ɔ mbɑ kʉ̈ɔ́ lɑ́, mbɔ ɑ ɡʉ ŋ́ɡɑ́.

Mɑtʉ̈ɔ 7:7

Pʉʉ lɔ́ɔ, Sɛ́ ɡʉ ŋ́ɡɑ́ mbɔ̌ pʉʉ. Pʉʉ lɔɔ, Sɛ́ ɡʉ ŋ́ɡɛ pʉʉ jʉ́ɔ. Pʉʉ púꞋtɛ ntsundɑ́, ɑ ɡʉ ńtsɔ́Ꞌ ŋ́ɡɑ́ mbɔ̌ pʉʉ.

1 Jɑ̂ŋ 5:14

Yúu mi ɛ́ ɡɛnɛ pɛkŋɛ tʉ́ʉ mbi Sɛ́ tʉ́m yɛkŋɛ pɔɔ ɡwɛt, ɛ́ pɔ́ pɔ ŋɡɔ: Pɛkŋɛ sɛ́ ńjí ŋɡɔ, pɛkŋɛ lɑɑ ńdɔ́ɔ yúu mbɔ̌ wɛ́, ɛ́ pɔ́ yi ɑ sɛ́ ŋ́kɔŋ, mbɔ ɑ ɡʉ zúꞋ.

Jɑ̂ŋ 16:23

Ɛ́ ɡɛ ḿbɔ́ lɛ́Ꞌ ɛ̂yɑ́, pʉʉ pɔɔ pɛn ŋ́ɡẅɛɛ yɛcɔ́ nu yí pʉʉ ɡʉ ḿbíkŋɛ wɑ́ɑ pɔ́. Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ lɑɑ ńdɔk lík yɑ́ɑ ńdɔ́ɔ yúu mbɔ̌ Tɑ̌ɑ mɔ, mbɔ ɑ ɡʉ ŋ́ɡɑ́.

1 Jɑ̂ŋ 3:22

ńdɔ́ɔ pɔ kʉ̈ɔ́ mbɔ̌ wɛ́ lɑ́, ɑ ɡɑ́ mbíꞋŋɡɔ pɛkŋɛ sɛ́ ńnɛn nǔu nɛpʉ́ʉ nɛ́, ḿbɛn ŋ́ɡɛ yúu mi ɑ sɛ́ ŋ́kɔŋ.

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

Jɑ̂ŋ 14:14

Pʉʉ lɑɑ ńdɔk lík yɑ́ɑ ńdɔ́ɔ yúu mbɔ̌ Sɛ́, mbɔ ŋ ɡʉ ŋ́ɡɛ yîyɑ́ yúu.

Jɑ̂k 5:16

Pɔ́Ꞌɔ lɑ́, ŋu pɛ́m mɛfɑɑnɛ mɛ́ mbɔ̌ mɔ́ɔmɑ́ wɛ, mɔ́ɔmɑ́ wɛ pɛ́m mɛ́ mbɔ̌ wɛ́. Ŋu wʉʉ púꞋ mbɔ́ mbɔ̌ Sɛ́ nǔu tú-mɔ́ɔmɑ́ wɛ. Ɛ́ lɛɛ pɔ́Ꞌɔ, pʉʉ fíitɛ. CɛꞋlɛ-ŋu ẅí ɑ ndʉ́ŋndʉŋ mbi Sɛ́, nɛn tɛꞋ.

Filipɛ 4:13

Kɛlístɔ ɡɑ́nɛ wɑ́ɑ nɛ́ mɛtʉʉ, lɑ ŋ kuꞋ nɛɡɛ pɔ́Ꞌɔ.

Jɑ̂k 1:5

Ŋu lɑɑ ḿbɔ́ tsɛtsɛt pʉʉ, ńtʉ́ʉ nǔu nu, jínu jɑ́k wɛ́, ɑ lɔ́ɔ mbɔ̌ Sɛ́, mbɔ Sɛ́ ɡʉ ŋ́ɡɑ́. Ɛ́ mbíꞋŋɡɔ Sɛ́ zɛɛ ńdɔk pɔ tʉ́m sʉ́Ꞌnɛ ŋ́ɡɑ́ yúu mbɔ̌ mbɑ wɔ̌ lɑ́ kɛ́ lɛmtɛ.

Ɛ́fɛ̂zɛ 3:12

Pɑ́Ꞌ pɛkŋɛ lɑtnɛ mbʉʉ, ḿbɛn ḿbɔ́ ńzɑ́p tʉ́m nǔu jʉ́ Kɛlístɔ lɑ́, pɛkŋɛ ɡẅɛɛ pɑ́Ꞌ mbɔ pɛkŋɛ ɡʉ nɛjɔ́ŋ Sɛ́ tɛ yɛcɔ́ yúu pɔɔ wɛkŋɛ tɔꞋ, pɛkŋɛ kɛ́ ḿbɔɔ pɔ́k.

Jɑ̂ŋ 16:26

Lɛ́Ꞌ ɛ̂yɑ́, pʉʉ lɔk lík yɑ́ɑ ńdɔ́ɔ yúu mbɔ̌ Sɛ́. Ŋ kɑ́ pɔ́ ɛ́sẅíi wʉ́ʉ ŋɡɔ ŋ ɡʉ ŋ́ɡɛ ḿbúꞋ mbɔ́ mbɔ̌ Tɑ̌ɑ mɔ ŋ́ɡɑ́ mbɔ̌ pʉʉ pɔ́.

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Ɛ́fɛ̂zɛ 2:18

Pɔ́Ꞌɔ, pʉʉ tɛ mbɑ pɛk pɑyúdɑ lɛɛ pɔ nǔu jʉ́ Kɛlístɔ, ŋ́ɡʉ nɛjɔ́ŋ Sɛ́ Tɑ́t, tɑ́Ꞌ Zẅikŋɛ Lɛ́ɛnɛ́nɛ wɛ́mɔ́Ꞌ kɛ́nɛ ńcẅɛ́lɛ wɛkŋɛ.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

Jɑ̂ŋ 7:37

Ɛ́ pɔ́ ndẅiknzʉʉ lɛ́Ꞌ-ndínɑ, yi ɛ́ mɑ́mɑ́ lɛ́Ꞌlɑ́Ꞌ, Yɛ́su lɔ sɛ́ ńtʉ́ʉ tsɛtsɛt pʉɔ, ńcú nɛ́ ŋɡi tɛnnɛ ŋɡɔ: «Gɑ́k-ŋu lɑɑ ḿbɔ́ shí, ɑ tɔ́ ńtsɛ́t wɑ́ɑ, ńnɔ́ ŋki.

Ɛ́bɛlʉʉ 7:25

Yúu mi ɛ́ pɛn ŋ́ɡɛ ɑ kuꞋ nɛɡɛ pʉɔ pi pɔ́p sɛ́ ńdɔk wɛ́ ŋ́kẅɛ́Ꞌlɛ ńtɔ́ nɛ́ nɛjɔ́ŋ-Sɛ́, pɔ́p luk pɔ tɑ́Ꞌ ŋkɑ́. Pɔ́Ꞌɔ mbíꞋŋɡɔ jʉ́ Yɛ́su pɔ́ pɔ ɡú, pɑ́Ꞌ ɑ ɡʉ ńcɛꞋlɛ Sɛ́ nǔu tú yɔ́p.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 12:44

Yɛ́su nɑ́ŋ tɛ ńcú nɛ́ ŋɡi tɛnnɛ ŋɡɔ: «Ŋu lɑɑ ńzɑ́p tʉ́m nǔu mɔ, mbɔ ŋɡɑŋ kɑ́ zɑ́p pɔ ndɑꞋ nǔu mɔ pɔ́. A pɛn ńzɑ́p nǔu ŋu ẅí ɑ kɑ túunɛ wɑ́ɑ.

Lúkɑ́shi 11:9

Ɛ́ pɔ́Ꞌɔ lɑ́ ɛ sẅíi wʉ́ʉ ŋɡɔ: «Pʉʉ lɔ́ɔ, Sɛ́ ɡɛ ŋ́ɡɑ́ mbɔ̌ pʉʉ. Pʉʉ lɔɔ, Sɛ́ ɡɛ ŋ́ɡɛ pʉʉ jʉ́ɔ. Pʉʉ púꞋtɛ ntsundɑ́ ɑ ɡɛ tsɔ́Ꞌ ŋ́ɡɑ́ mbɔ̌ pʉʉ.

1 Pyɛ̂ 2:5

Ɛ́ pɔŋ ŋɡɔ pʉʉ ɡúu pi pʉʉ ɡẅɛɛnɛ kwɑꞋ luk, pʉʉ pɛ́m, Sɛ́ lɔk wʉ́ʉ ŋ́ɡɛ mɛŋɡɔꞋ, ńdɔk ŋ́kút ndɑ́-Zẅikŋɛ Lɛ́ɛnɛ́nɛ. Pʉʉ pɔ́ tsɛtú ḿbɔ́ pɑnɔŋpɔꞋ pi Sɛ́ kɑ tsɔ́Ꞌnɛ, pi pɔ́p ɡʉ ńdɛɛtɛ nzʉʉ Yɛ́su Kɛlístɔ, ńnɔŋ pɔꞋ ẅí ɛ́ pɔŋnɛ Sɛ́.

Jɑ̂ŋ 5:19

Yɛ́su pɛn ńcú mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, mɔ́ɔ-Sɛ́ kɑ́ ɡɛ yɛcɔ́ yúu pɔ nɛ́ yɛ́ tú pɔ́, ɑ ɡɛ pɔ yúu mi ɑ sɛ́ ńjʉ́ɔ Tɑ́t wɛ ɡɛ. Kʉ̈ɔ́ lɑ́ yi Tɑ̌ɑ ɡɛnɛ, Mɔ́ɔ pɛn ŋ́ɡɛ pɔ yɛ́tɛ́.

Ɛ́bɛlʉʉ 13:15

Pɛkŋɛ lɛɛ nzʉʉ Yɛ́su, ɛ́ pɔ́ ŋkɑ́ tsʉʉ, pɛkŋɛ lɔk nɛɡúꞋlɛ Sɛ́, ńdɔk ńnɔŋ pɔꞋ, ńdɔk pɔ́Ꞌɔ, ḿbɔ́ pɔꞋ-pʉɔ pi pɔ́p ŋ́ɡɑ́ mɛkuꞋ nǔu lík yɛ́.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.

Ɛ́fɛ̂zɛ 3:14

Ɛ́ yúu mi ɛ́ ɡɛnɛ ŋ kẅíꞋlɛ mbi Sɛ́ Tɑ́t

Jɑ̂ŋ 4:14

Lɑ́ ŋu lɑɑ nɔ́ ŋki ẅí mɔ ɡɑ́nɛ mbɔ̌ wɛ́, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́. Mbɔ ŋki ɛ̂wɑ́ ɡʉ ŋ́kúu mbʉʉ yɛ́, ńtsʉ́Ꞌ pɔ nɛsɑ́Ꞌ ŋki, zʉꞋ yí ŋki ɡʉ ḿbɔ́ ɛ́fú zúꞋu ńcúŋ, ŋ́ɡɑ́ wɛ́ nɛ́ luk kɛ́mɛ.»

Jɑ̂ŋ 4:10

Yɛ́su pʉ̈ɔt mbɔ̌ wɛ́ ŋɡɔ, ɔ pɛ́Ꞌnɛ ńjí fuꞋ yí Sɛ́ ɡɑ́nɛ, ḿbɛn ńjí ŋu ẅí ɑ cúnɛ mbɔ̌ ɡu ŋɡɔ: «Gɑ́ ŋki n nɔ́, mbɔ ɡu tsʉ́Ꞌnɛ ńdɔ́ɔ ŋki nɔ́nɛ mbɔ̌ wɛ́, ɑ ɡɑ́ wú ŋki ẅí ɛ́ ɡɑ́nɛ luk.»

Jɑ̂ŋ 16:7

Lɑ́ ŋ kɛ́ ḿbɔ́ ɛ́sẅíi wʉ́ʉ pɑ́Ꞌnɛ pɔ nɛ́ nu nɛ́nẅín, ŋɡɔ ɛ́ nu sʉ́Ꞌnɛ mbɔ̌ pʉʉ ŋɡɔ ŋ ɡʉ. Ɛ́ mbíꞋŋɡɔ n dɑɑ mbɔɔ ɡʉ, mbɔ Ncẅɛ́ɛntɑ́ŋ wʉʉ kɛ́ tɔ́ ńtsɛ́t wʉ́ʉ pɔ́. Lɑ́ ŋ kɛ ḿbɔ́ tɛ ŋ́ɡʉ, mbɔ ŋ ɡʉ ńtɔ́ ńtúu wɛ́ ŋ́ɡɑ́ mbɔ̌ pʉʉ.

Jɑ̂ŋ 13:31

Jẅidɑ pɔ́ tɛ ɛ́fú ndɑ́ ńcẅɛt, Yɛ́su cú ŋɡɔ: «Ɛ́ ŋkɔ̂ɔnɛ pɑ́Ꞌnɛ, pɛ́ ɡɑ́ nɛɡúꞋ mbɔ̌ Mɔ́ɔ-Ŋu. Mɔ́ɔ-Ŋu kɑ ɡɑ́ nɛɡúꞋ mbɔ̌ Sɛ́.

1 Kɔlɛ̂ŋtɛ 14:13

Ɛ́ yúu mi ɛ́ ɡɛnɛ lɑ ŋu ẅí ɑ sẅíŋɛ́nɛ sẅiŋɛ yi pɛ́ kɑ́ pɔ́ ńjí pɔ́, ɑ ɡẅɛɛ nɛcɛꞋlɛ Sɛ́ ŋɡɔ ɑ lɔk nɛkyɛ́Ꞌtɛ ḿbɛn ŋ́ɡɑ́ fuꞋ níinɛ yɛ́,