Jɑ̂ŋ 12:45 - Kɑɑ Fí

⁴⁵ Ŋu ẅí ɑ jʉ́ɔnɛ wɑ́ɑ, ɑ pɛn ńjʉ́ɔ ŋu ẅí ɑ kɑ túunɛ wɑ́ɑ.

Jɑ̂ŋ 12:45 交叉引用

Kɔlɔsíyɛ̂ŋ 1:15

Pɛ́ ŋ́kɑɑ mɔ́ jʉ́ɔ Sɛ́ pɔ́, lɑ́ Mɔ́ɔ nɛ ẅí pɛ́ kɑ jʉ́ɔnɛ wɛ́ ɑ pɔ́ pɔ Sɛ́ tɛ ḿmɛ. Jʉ́ tʉ́ʉnɛ túmbi nǔu mbɑ kʉ̈ɔ́ lɑ́ yi Sɛ́ kɑ pɔ́ɔnɛ.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Jɑ̂ŋ 12:41

Ɛ́sɑ̌yɑcú nu zɑꞋnɛ nǔu Yɛ́su, mbíꞋŋɡɔ ɑ kɑ zɑ́Ꞌ njí ńjʉ́ɔ nɛɡúꞋ Yɛ́su.

Jɑ̂ŋ 15:24

«Mɔ ḿbɔ́ pɛ́Ꞌnɛ ŋ́kɛ́ mbɔɔ ɡɛ mɛfɑꞋ mí wɛcɔ́ ŋu ŋkɑɑ zɛɛ ŋ́ɡɛ tsɛtsɛt pɔ́p pɔ́ pɔ́, mbɔ pɔ́p ŋkɑɑ ɡẅɛɛ mɛnu kɛpɔŋ pɔ́. Lɑ́ ɛ́ nǔu ŋkɔ̂ɔnɛ yí pɔ́p jʉ́ɔnɛ lɑ́, pɔ́p kɛ́ ḿbɛn ḿbɔ́ ḿbɑɑ wɑ́ɑ pɑɑnɛ mbɑ Tɑ̌ɑ mɔ.»

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»