34 Lɑ́Ꞌ tsɔ́Ꞌ mbɔ̌ wɛ́ ŋɡɔ: «Pɛk kɑ zúꞋ tsɛt ŋwɑꞋnɛ-nɛpʉ́ʉ ŋɡɔ: Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ḿbɔ́ pɔ ɡú. Ɔ pɛn ŋ́ɡɛ pɑ́Ꞌɑ lɑ ńcú ŋɡɔ, pɛ́ ɡʉ ŋ́kɑꞋ Mɔ́ɔ-ŋu nǔu tʉ́ mɛkʉ́Ꞌ ŋ́ɡɑ́ tʉ́ ɔɔ? Mɔ́ɔ-ŋu ɛ̂wɑ́ wɔ̌?»
Pɑ́Ꞌ pɛkŋɛ jʉ́ɔnɛ ŋɡɔ ɛ́ kɑ fú nǔu nu yi tɑ́Ꞌ ŋu fɑɑnɛ́nɛ, Ádɑm, pʉɔ pɛtsʉʉ pfútɛ pfútɛ́nɛ lɑ́, ɛ́ pɛn ḿbɔ́ pɔ ndʉ́ŋndʉŋ pɑ́Ꞌ tɑ́Ꞌ ŋu wɛ́mɔ́Ꞌ, Yɛ́su Kɛlístɔ kɑ ɡɛnɛ yúu mi Sɛ́ sɛ́ ŋ́kɔŋ, pʉɔ tɛ ńzɑ́ɑ nɑ́ŋ ńdɛɛ nǔu ńduk ntsɑŋ, ŋ́ɡẅɛɛ luk kɛ́mɛ.
Mɔnɛ mɛnu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-nɛpʉ́ʉ-Sɛ́, pɛkŋɛ pɛn ńjí ŋɡɔ nu tsʉʉ yí nɛpʉ́ʉ cúnɛ, m biitɛ ńcú mbɔ̌ pɑyúdɑ pi nɛpʉ́ʉ ɛ̂nɑ́ sɑ́Ꞌnɛ wɔ́p. Pɑ́Ꞌ pɔ́p pɛn ḿbɔ́ yɔ́p pɔ ɡɑŋ-mɛfɑɑnɛ lɑ́, ntsu mbɑ wɛ́tɛ́ ŋumɛsɔŋ lɑ́, ɡʉ ńjʉ́ɔꞋnɛ, mbɑ wɔ̌ lɑ́ pɛn tʉ́ʉ mbi Sɛ́ ḿbɔ́ pɔ ŋu ẅí ɑ vunɛ ntsɑŋ.
«Ɛ́ pɔ́Ꞌɔ, ńdɔk ḿbuutɛ nǔu nu yí pɛ́ kɑ cúnɛ tsɛt ŋwɑꞋnɛ-nɛpʉ́ʉ nɔ́p ŋɡɔ pɔ́p kɑ pɑɑ wɑ́ɑ pɔ nɛ sɔ́ɔ.»
Ɛ́ ɡʉ nǔu mɔ, mbɔ pɛ́ lɑɑ ŋ́ɡɛ ŋ́kɑꞋ wɑ́ɑ nǔu tʉ́ mɛkʉ́Ꞌ tɛ ŋ́ɡɑ́ tʉ́, mbɔ ŋ ɡʉ shuŋ pʉɔ tsʉʉ ŋ́ɡɑ́ nɛjɔ́ŋ mɔ.
Yɛ́su tsɔ́Ꞌ mbɔ̌ pɔ́p ŋɡɔ: «Pɛ́ ŋkɑɑ ŋwɑꞋnɛ tsɛt ŋwɑꞋnɛ-ndɛn kɑɑ yʉ́ʉ ŋɡɔ Sɛ́ cú ŋɡɔ: Mɔ, n cú ŋɡɔ pʉʉ mɛsɛ́ pɔ́»?
Yɛ́su ɡʉ tɛ ŋ́kúu Yɛlúsɑlɛm, tʉ́sɔŋ puu ńtsʉꞋnɛ, pʉɔ pɔ́ ḿbíkŋɛ ŋɡɔ: «Wɔ ŋu pɔ́ wɔ̌?»
Yɛ́su ɡʉ tɛ ŋ́kúu tsɛt pɑk-ŋɡɔŋ-Sɛ́zɑlɛ̂ ẅi Filîp kɑ pɔ́nɛ ɛ́sɑ́Ꞌ, ḿbíkŋɛ ɡɑŋku pɛ́ ŋɡɔ: «Lɑ́Ꞌ pɑ́Ꞌɑ ḿbɔ́ sɛ́ ńcú ŋɡɔ Mɔ́ɔ-Ŋu wɔ̌?»
Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.
Yɛ́su cú mbɔ̌ pɔ́p ŋɡɔ: Pʉʉ lɑɑ ŋ́ɡɛ ŋ́kɑꞋ Mɔ́ɔ-Ŋu tɛ ŋ́ɡɑ́ tʉ́ nǔu tʉ́ mɛkʉ́Ꞌ, mbɔ pʉʉ ɡʉ ŋ́kɛ́ ńjí ŋɡɔ Mɔ ŋu ẅí «mɔ jʉ́», ɑ pɔ́ mɔ, ḿbɛn ńjí ŋɡɔ mɔ ŋ́ɡɛ yɛcɔ́ yúu pɔ nɛ́ yɑ́ɑ tú pɔ́. N cú pɔ yúu mi Tɑ̌ɑ mɔ kɑ zíꞋnɛ wɑ́ɑ.
Lɑ́ ɛ́ kɛ́ ŋ́ɡʉ nǔu Yɛ́su, mbɔ yɑ́ fɑꞋ-nɔŋpɔꞋ kɑ́ pɔ́ yi mbɔ wɛcɔ́ ŋu ndɛꞋ fɑꞋ pɔ́, mbíꞋŋɡɔ jʉ́ Yɛ́su ɡʉ ńdɑ́Ꞌ ḿbɔ́ pɔ ɡú, nǔu mɛŋɡuꞋ mɛŋɡuꞋ.
