49 Wɛcɔ́ tɑ́Ꞌ ŋu kɑ pɔ́ tsɛtsɛt pɔ́p, lík yɛ́ pɔ́ Kɑyífɑ. A pɔ́ tɑ́tndɑ́-pɑnɔŋpɔꞋ nǔu yîyɑ́ ŋɡuꞋ. A cú ŋɡɔ: «Pʉk yɛcɔ́ yúu nǔu nu yí pʉʉ cúnɛ lɑɑ kɑ́ zúꞋ!
A kɑ pɔ́ ńcú pɔ́Ꞌɔ, jʉ́ pɔɔnɛ ńcú pɔ́, pɑ́Ꞌ ɛ́ kɑ ɡɔ́ ḿbɔ́ jʉ́ pɔ́nɛ tɑ́tndɑ́-pɑnɔŋpɔꞋ nǔu yîyɑ́ ŋɡuꞋ lɑ́, ɑ cẅi Ŋkʉʉ-Sɛ́ ŋɡɔ Yɛ́su ɡʉ mpfú nǔu tú-lɑ́Ꞌ-pɑyúdɑ.
Ɛ́ pɔ́ pɔ nǔu mɛlɛ́Ꞌ ɛ̂mɑ́, pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ cúꞋlɛ ntɔ́Ꞌ-Kɑyífɑ, ɑ pɔ́ nɔŋpɔꞋ wɛ ɡwɛ́,
Pʉɔ pi pɔ́p ḿbɔ́nɛ yɔ́p zúꞋu, yɔ ḿbɔ́ Ánɑ, tɑ́tndɑ́-pɑnɔŋpɔꞋ, ŋ́ɡɛ Kɑyífɑ, mbɑ Jɑ̂ŋ nɛ́ Lɑksɑ́ndɑ, pɔ́p pʉɔ tsʉʉ nǔu tsɛ́nndɑ́-tɑ́tndɑ́-pɑnɔŋpɔꞋ.
Pɛk pɛn ŋ́kɛ́ ŋ́ɡʉ nǔu pʉɔ-Kɛlístɔ pi pɔ́p tsʉklɛnɛ nǔu nɛzɑ́p tʉ́m nǔu Sɛ́, ńzíꞋ wɔ́p nɛ́ jínu. Lɑ́ yîyɑ́ jínu kɛ́ mbɔɔ jínu yɔ mbí pɔ́, ŋ́kɛ́ mbɔɔ jínu yi ɛ́ fúnɛ mbɔ̌ yúu kɛpɔŋ yi ɛ́ sɑ́Ꞌnɛ yɔ mbí, ḿbɔ́ mi pɛ́ ɡʉ ŋ́ɡɛ ḿbík pɔ́.
Jínu lɔk pɑ́Ꞌɑ ḿbɛn ḿbɔ́ ɡɔ́? Ŋkyɛ́Ꞌtɛ ŋwɑꞋnɛ-Sɛ́ pɔ́ ɡɔ́? Nzɔŋnu nǔu yɔ kɛm-njí pɔ́ yɛ́ ɡɔ́? Sɛ́ ŋkɑɑ kɛ́ ŋ́ɡɛ jínu-ndǔmbí tsʉ́Ꞌ mɛnu-pʉɔ pɔɔ?
