Jɑ̂k 5:17 - Kɑɑ Fí

¹⁷ Ɛlîi kɑ pɔ́ pɔ ŋumɛsɔŋ pɑ́Ꞌ pɛkŋɛ, ɑ kɑ cɛꞋlɛ Sɛ́ nɛ́ tʉ́m yɛ́ tsʉʉ ŋɡɔ kɔɔ mbʉŋ lɔ́, Sɛ́ ɡɛ mbʉŋ pɔɔ lɔ́ tɛ ɛ́ pɔ́ ŋɡuꞋ yɛ́tɑ́t nɛ́ pɛsɑŋ pɛ́nɛ́ntúkú.

Jɑ̂k 5:17 交叉引用

Lúkɑ́shi 4:25

Lɑ́ ɛ sẅíi wʉ́ʉ, kwɑꞋ nɛ́nẅín, ɛ́ ḿbɔ́ ŋkɑ́ yi Ɛlîi, ŋɡɛ́mndʉ̈ɔ́Ꞌ-Sɛ́, pɛpfúk pɑŋɡɛ́ pɔ́ tsɛt ŋɡɔ́ŋ-Pɑíslɑɛ̂l tɛꞋ. Mbʉŋ lɑ́Ꞌ ńnɑ́ŋ ŋɡuꞋ yɛ́tɑ́t nɛ́ pɛsɑŋ pɛ́nɛ́ntúkú kɛ́ lɔ́, tɛ mɑ́mɑ́ cʉ́ ḿvu tsɛt lɑ́Ꞌ-pʉɔ-Islɑɛ̂l tsʉʉ.

Mɛnu ɛ́ ńdɑ́Ꞌ ńcẅɛt 11:6

Pɔ́p ɡẅɛɛ mɛtʉʉ nɛlɔk ŋ́kíitɛ mbʉŋ nɛfɑŋ, nǔu ntɛ́ yi mbʉŋ ŋ́ɡʉ ŋ́ɡɛ ńdɔ́ nǔu mɛlɛ́Ꞌ mi pɔ́p sɛ́ ńcẅi Ŋkʉʉ-Sɛ́ pɔ́. Pɔ́p pɛn ŋ́ɡẅɛɛ mɛtʉʉ nɛlɔk ɛ́shɔt ŋki ɛ́ tsʉ́Ꞌ mɛci, ḿbɛn ŋ́kuꞋ pɑ́Ꞌ pɔ́p lɑɑ ŋ́kɔŋ ŋkɑ́ kʉ̈ɔ́ lɑ́, pɔ́p ɡɛ ŋɡʉ̈ɔ́Ꞌ ntɛ́ nɛ́ ntɛ́ tɔ́ ndǔ tsɛ́tsɑ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 14:15

«Pɛsúu pɛk, pʉʉ lɔɔ nɛɡɛ kʉ̈ɔ́ pɑ́Ꞌɑ? Pɛk kɛ́ ḿbɔ́ pɔ pʉɔmɛsɔŋ pɑ́Ꞌ pʉʉ! Pɛk tɔ́ pɔ nɛcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉʉ, ɛ́ pɔ́ ŋɡɔ pʉʉ mɛꞋ mɛsɛ́ mʉ́ʉ mi ɛ́ kɑ́ kuꞋ yɛcɔ́ yúu pɔ́, ɛ́shɔtnɛ ńtɔ́ ŋ́kẅɛ́ɛtɛ Sɛ́ ẅi ɑ ntʉʉ. Jʉ́ kɑ ɡɛnɛ nɛpʉ́ pɔ́p tsɛ́tsɑ́Ꞌ, mbɑ ŋki Mi, tɛ mbɑ yúu tsʉʉ yí ɛ́ tsɛtú.

ŊwɑꞋnɛ-Gɑŋntúu Yɛ́su Kɛlístɔ 10:26

Lɑ́ Pyɛ̂ pʉꞋ wɛ́, ńcú ŋɡɔ: «Lɔ sɛ́, mɔ yɑ́ɑ pɔ ŋumɛsɔŋ pɑ́Ꞌ ɡu.»

Pʉɔ-Lɔ́mɑ 11:2

Sɛ́ kɑ́ mɛꞋ pʉɔ pɛ́ pi ɑ kɑ zɑ́Ꞌnɛ njí ńtsɔ́Ꞌ wɔ́p pɔ́. Ɛ́ ɡʉ ŋ́ɡɛ pɑ́Ꞌ lɑ pʉʉ pɔ́ ńjí zʉꞋ-ŋwɑꞋnɛ-Sɛ́ yi ɛ́ zúꞋu Ɛlîi pɔ́ ɛ́sẅíi Sɛ́ nɛ́ yúu mi pɑíslɑyɛ̂l ɡɛnɛ,