Ɛ́bɛlʉʉ 7:28 - Kɑɑ Fí

²⁸ Nɛpʉ́ʉ-Mɔ̌sɛ̂ɛ zɛɛ ŋ́ɡɛ pɛ́ lɔk ŋumɛsɔŋ ẅi mbɑp-mbʉʉ yɛ pɔ́t pɑꞋ yɛ pɛcɔ́ pʉɔ ŋ́ɡɛ NɔŋpɔꞋ wɛ ɡwɛ́. Lɑ́ nu yi Sɛ́ kɑ zɑ́pnɛ nɛpʉ́ʉ-Mɔ̌sɛ̂ɛ ḿbɛn ńtɑ́ɑ ńcú tɛ ŋ́kɑɑ, ɛ́ kɑ ɡɛ ɑ lɔk Mɔ́ɔ nɛ ẅi ɑ kɑ lɑ́Ꞌ mɔ́ ŋ́kuꞋ nǔu mbɑ kʉ̈ɔ́lɑ́ yi jʉ́ Sɛ́ kɑ pɔ́ ńzẅíꞋlɛ wɛ́ nǔu, ńdɔk ŋ́ɡɛ NɔŋpɔꞋ wɛ ɡwɛ́ nǔu mɛŋɡuꞋ mɛŋɡuꞋ.

Ɛ́bɛlʉʉ 7:28 交叉引用

Ɛ́bɛlʉʉ 2:10

Sɛ́ kɑ ɡɛ yúu tsʉʉ yi ɛ́ ndǔmbí ɛ́ pɔ́ ɡú, ḿbɔ́ pɔ yúu pɛ́. Pɑ́Ꞌ ɑ kɑ pɛn ḿbɔ́ ŋ́kɔŋ ŋɡɔ pʉɔ tɛ ńzɑ́ɑ ɡʉ ńtsʉ́Ꞌ pʉɔ pɛ́, ɛ́ pɔ́ tsɛt nɛɡúꞋ wɛ lɑ́, Yɛ́su pɛn ŋ́ɡẅɛɛ nɛɡɛ pɔ́p luk lɑ́, ɛ́ kɑ pɔ́ ḿbíkŋɛ ŋɡɔ ɑ ɡɛ Yɛ́su fú nǔu ŋɡʉ̈ɔ́Ꞌ yi ɑ jʉ́ɔnɛ, ŋ́kuꞋ ŋu ẅí ɑ ɡʉ ŋ́ɡɛ pɔ́p luk.

Ɛ́bɛlʉʉ 7:21

lɑ́ ɛ́ ɡʉ nǔu Yɛ́su, ɑ ɡɔ́ ńtsʉ́Ꞌ NɔŋpɔꞋ wɛ ɡwɛ́, Sɛ́ cú nu mbɔ̌ wɛ́ tɛ ŋ́kɑɑ ŋɡɔ: «Mɔ Tsɑpʉɔ, mɔ cúnɛ tɛ ŋ́kɑɑ Mɔ ŋ́ɡʉ ńdɑ́Ꞌ ŋ́kúpmɛ nu yí n cúnɛ pɔ́.» N cú ŋɡɔ: «Ɔ NɔŋpɔꞋ, ńdɑ́Ꞌ ḿbɔ́ pɔ wɛ́tɛ́ nǔu mɛŋɡuꞋ mɛŋɡuꞋ.»

Ɛ́bɛlʉʉ 1:2

Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.

Lúkɑ́shi 13:32

Yɛ́su cú mbɔ̌ pɔ́p ŋɡɔ: «Pʉʉ ɡʉ ńcú mbɔ̌ pɑꞋŋkwɛn ɛ̂wɑ́ ŋɡɔ: m bɛ́t ŋ́ɡẅɛɛ yɔ lɛ́Ꞌ, mbɑ zɔ́n nɛlɔk ńzuŋ mɛzẅikŋɛ kɛpɔŋ mi ɛ́ mbʉʉ pʉɔ, ḿbɛn ŋ́ɡɛ ɡɑŋɡɔɔ fíitɛ. Ɛ́ ḿbɔ́ nǔu mbɑ́ɑtɛ lɛ́Ꞌ pɛ́tɑ́t, mɛkŋɛ fɑꞋ yɑ́ɑ.

Ɛ́bɛlʉʉ 7:24

Lɑ́ ɛ́ kɛ́ ŋ́ɡʉ nǔu Yɛ́su, mbɔ yɑ́ fɑꞋ-nɔŋpɔꞋ kɑ́ pɔ́ yi mbɔ wɛcɔ́ ŋu ndɛꞋ fɑꞋ pɔ́, mbíꞋŋɡɔ jʉ́ Yɛ́su ɡʉ ńdɑ́Ꞌ ḿbɔ́ pɔ ɡú, nǔu mɛŋɡuꞋ mɛŋɡuꞋ.

Ɛ́bɛlʉʉ 7:3

Pɛ́ kɑ́ jí tɑ́t pɛ Mɛlkisɛdɛk pɔ́. Pɛ́ kɑ́ jí mɑ́ wɛ pɔ́, ŋ́kɛ́ mbɔɔ jí tsɛ́nndɑ́ yi ɑ fúnɛ nǔu pɔ́, pɛ́ kɑ́ tɔ́ nǔu yɛcɔ́ zʉꞋ tsɛt ŋwɑꞋnɛ-Sɛ́ ńzúꞋ pɛ́ cú nu nǔu nɛpí wɛ́ pɔ́, ŋ́kɛ́ mbɔɔ zúꞋ pɛ́ cú nu nǔu nɛvú wɛ pɔ́. Ɛ́ pɔ́ pɔ́Ꞌɔ, ɑ lɔk ḿbɔ́ pɑ́Ꞌ mɔ́ɔ-Sɛ́, mbíꞋŋɡɔ ɑ nɔŋpɔꞋ ẅí ɑ pɔ́ pɔ ɡú.

Ɛ́bɛlʉʉ 5:5

Ɛ́ kɑ ɡʉ nǔu Kɛlístɔ ḿbɛn ḿbɔ́ pɔ pɔ́Ꞌɔ. Jʉ́ ŋkɑɑnɛ nɑ́ŋ tɛ ńcú ŋɡɔ ɑ ɡẅɛɛ nɛɡúꞋ wɛ NɔŋpɔꞋ wɛ ɡwɛ́ pɔ́. A kɑ ɡɔ́ ńtsʉ́Ꞌ pɔ́Ꞌɔ ɛ́ fú pɔ mbɔ̌ Sɛ́ wi ɑ kɑ cúnɛ mbɔ̌ wɛ́ ŋɡɔ: «Ɔ Mɔ́ɔ wɑ́ɑ, tɛ ɛ́fú lɔ́Ꞌnɛ m bɔ́ tɑ́t wu.»

Ɛ́bɛlʉʉ 3:6

Lɑ́ ɛ́ ɡʉ nǔu Kɛlístɔ, ɑ jí yɛ́ pɔ ndɑꞋ yúu mi Sɛ́ kɑ cúnɛ ŋɡɔ ɛ́ ŋ́ɡɛ mbɔ́ ɡú, ḿbɔ́ mɔ́ɔ-ndɑ́, ẅí pɛ́ kɑ tíknɛ wɛ́ pɑ́Ꞌ ɑ ɡʉ ɛ́sɑ́Ꞌ pʉɔ-Sɛ́. Pʉɔ-Sɛ́ lɔk ḿbɔ́ pɔ wɛkŋɛ, pɑ́Ꞌ pɛkŋɛ lɑɑ ŋ́kúꞋlɛ yúu mi pɛkŋɛ kɑ pɛ́mnɛ tɛ pɛkŋɛ pɔɔ ḿmʉꞋlɛ, ḿbɛn ńnɑ́ŋ ḿbɔ́ ńdɔk pɔ kɑꞋmɛ ńzẅíꞋlɛ yúu mi Sɛ́ kɑ kɑꞋnɛ mbɔ̌ pɛkŋɛ.

Jɑ̂ŋ 19:30

A fíitɛ ńcú ŋɡɔ: «Nu tsʉʉ mɛ», ŋ́ɡɔ́ɔ ŋ́kɛ́ ńcɔ́ŋɛ tú yɛ́, ḿpfú.

Ɛ́bɛlʉʉ 4:14

Pɑ́Ꞌ pɛkŋɛ ɡẅɛɛnɛ tɑ́Ꞌ NɔŋpɔꞋ wɛ ɡwɛ́ ẅí ɑ kwɑꞋ ẅîwɑ́ lɑ́, ẅi ɑ kɑ ɡʉnɛ tɛ ŋ́kúu nɛjɔ́ŋ Sɛ́ ntɛ́ wɛkŋɛ lɑ́, ɑ pɔ́ Yɛ́su, ḿbɔ́ mɔ́ɔ-Sɛ́ lɑ́, pɛkŋɛ kúꞋlɛ nu yi pɛ́ kɑ sẅíinɛ wɛkŋɛ, pɛkŋɛ zɑ́p tʉ́m nǔu, ḿbɛn ḿbɔ́ ɛ́sẅíi yîyɑ́ nu mbɔ̌ pɛcɔ́ pʉɔ.

Ɛ́bɛlʉʉ 2:17

Ɛ́ kɑ pɔ́ pɔ́Ꞌɔ, ḿbɔ́ ḿbíkŋɛ ŋɡɔ ɑ ɡʉ nǔu mbɑ kʉ̈ɔ́ lɑ́ ḿbɔ́ pɑ́Ꞌ pɔ́ɔpɛ́mɑ́ pɛ́, ɛ́ lɛɛ pɔ́Ꞌɔ, ɑ pɔ́ nɔŋpɔꞋ wɛ ɡwɛ́ ẅí ɑ nɑ́ŋnɛ ńtsɑ́ɑ mɛjʉ́ŋ-pʉɔ, ńjí yɛ́ pɔ ndɑꞋ nɛfɑꞋ mbɔ̌ Sɛ́, nɛpɔ́ yi ɑ ɡʉ ŋ́ɡɛ Sɛ́ likŋɛ mɛfɑɑnɛ-pʉɔmɛsɔŋ.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.