Ɛ́bɛlʉʉ 11:37 - Kɑɑ Fí

³⁷ ńtɔ́ nǔu pɛcɔ́ pʉɔ pɛ́ lɔk mɛŋɡɔꞋ ńtɛ́mtɛ wɔ́p ńjẅí, ńtɔ́ nǔu pɛcɔ́ pʉɔ, ńdɔk sɔ̌ɔ ɛ́shʉ̈ɔ́k wɔ́p ńzɑ́Ꞌtɛ, ńtɔ́ nǔu pɛcɔ́ pʉɔ, ńdɔk níi-ntsɔ ŋ́ɡwɑt wɔ́p. Pɛcɔ́ pʉɔ tsʉ́Ꞌ pɛ kɛ́ ndɑ́, ḿmɑꞋ mɛŋɡup njinjɔ pɔ́p mɛŋɡup mbí, pɛcɔ́ jɑ́k yúu kɛ́ vuꞋ yɛcɔ́, pɛ́ nɔt wɔ́p, ńnyɛt wɔ́p nɛ́ ŋɡʉ̈ɔ́Ꞌ.

Ɛ́bɛlʉʉ 11:37 交叉引用

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

Mɛnu ɛ́ ńdɑ́Ꞌ ńcẅɛt 11:3

Ŋ́ɡʉ nǔu pɑjʉ́njʉ́ɔ pɑ́ɑ pɔ pɛ́pɑ́, mɔ ŋ́ɡɛ ŋ́ɡɑ́ wɔ́p nɛ́ mɛtʉʉ nɛlɔk ńcẅi Ŋkʉʉ wɑ́ɑ. Pɔ́p pɔ́, ḿmɑꞋ mɛndẅí lɔk ńdúŋ nɛvú nǔu mɛlɛ́Ꞌlɑ́Ꞌ ntsɑ́Ꞌ nɛ́ ŋkʉ yɛpɑ́ nɛ́ mɛɡɛ́mɛ́nɛ́ntúkú (1.260).

2 Kɔlɛ̂ŋtɛ 12:10

Ɛ́ yúu mi ɛ́ ɡɛnɛ m bɔ́ tɛ ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ mɔ ŋu-Kɛlístɔ, nu pɔŋ wɑ́ɑ, ḿbɔ́ tɛ ḿbɔ́ ńjɑ́k yúu, kɛ pɛ́ sɛ́ ŋ́kʉ́ʉnɛ wɑ́ɑ kʉʉnɛ́nɛ ɔɔ, kɛ mɔ sɛ́ sɑ́ŋ pɔ mɛcɔ́ mɛnu kɛ́kɑ́ŋ ɔɔ, nu pɔŋ wɑ́ɑ pɔŋnɛ, mbíꞋŋɡɔ m bɔ́ tɛ ḿbɔ́ ḿbɔ́t pɔ́tnɛ lɑ ńzúꞋ ŋ́ɡẅɛɛ tʉʉ.

ŊwɑꞋnɛ-Gɑŋntúu Yɛ́su Kɛlístɔ 14:19

Mbɑ pɔ́Ꞌɔ, pɛcɔ́ pɑyúdɑ ɡɔ́ɔ ŋ́ɡɛ ɛ́fú Antíyɔshɛ ẅí ɛ́ mbʉʉ Pisidîi, pɛcɔ́ fú tʉsɔŋ-Ikɔníyum, pɔ́p puu ńtɔ́ shɔt lɑ́Ꞌ tɛ pɔ́p tsʉ́Ꞌ ḿbɔ́ pɔ nǔu yɔp nzʉʉ. Pɔ́p pɛ́ pɔ́p lɔk mɛŋɡɔꞋ ńtɛ́mtɛ Pɔ̂l, tɛ ḿbɔ́ ŋ́kwɑŋɛ pɔ ŋɡɔ ɑ pfú, ɛ́shuŋ wɛ́ ńdɔk ɛ́fú tʉ́sɔŋ, ŋ́ɡʉ ḿmɛꞋ.

Lúkɑ́shi 13:34

Ŋkɑ́ kuꞋ, ɑ mɑɑ ŋɡɔ: «Pɑyɛlúsɑlɛm, Pɑyɛlúsɑlɛm, pʉʉ pʉɔ pínɛ pʉʉ ńjẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́mtɛ pʉɔ pinɛ Sɛ́ túunɛ mbɔ̌ pʉʉ jẅítɛ, ɛ́ ŋkɑ́ yɛ́sʉ́Ꞌ pɑ́Ꞌ n dɔɔnɛ nɛcúꞋlɛ pɔ́ɔ pʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ tsɛt mɛpɑ́p mɛ́, pʉʉ kɛ́ ńdʉꞋ lʉꞋnɛ?

Mɑtʉ̈ɔ 21:35

Pɔ́p ɡʉ tɛ ŋ́kúu zúꞋu, pʉɔ pí pɔ́p ŋkɑ́Ꞌ yɛ́ kɑ vu nǔu nduŋmbi ńtswɑ́ɑ wɛ́, ńjẅí mbɑ́ɑtɛ, ḿbɛn ńdɔk mɛŋɡɔꞋ ńtɛ́mtɛ mbɑ́ɑtɛ yɛ́tɑ́t ńjẅí.

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.

Mɑtʉ̈ɔ 3:4

Jɑ̂ŋ kɑ pɔ́ kɔ̂ŋtɛt, ḿmɑꞋ ndẅí, mbɔ pɛ́ kɑ lɔk mɛnuk-kɑmɛ̂l ḿbɑ́Ꞌ, ńdɔk ŋɡup-nɑɑ ńtsɔ́ lúꞋ yɛ́, pɛ́ yúujʉ́ pɔ́ ŋɡẅíimɛ ŋ́ɡɛ lumɔ́nɑɑ.

Ɛ́bɛlʉʉ 11:25

A kɑ jʉ́ɔ yɛ́, ɛ́ pɔŋ mbɔ̌ wɛ́ nɛkúu tsɛtsɛt pʉɔ-Sɛ́ pɔ́p pɛpɔ́p tɛmtɛ ńjʉ́ɔ ŋɡʉ̈ɔ́Ꞌ, ńdɛɛ nɛzúꞋ sʉ́Ꞌnɛ nǔu mɔ́ɔ mɔ́ŋkɑ́ lɑ́ ŋ́kɛ́ ḿbɔ́ pɔ tsɛt mɛfɑɑnɛ.

Ɛ́bɛlʉʉ 13:3

Pʉʉ kẅíitɛ pʉɔ pi pɔ́p ndɑ́tsɑ́ŋ tɛ ɛ́ pɔ́ pɔ pɑ́Ꞌ ŋkɑ́ yi pʉʉ pɛ́pɔ́p tɛmtɛnɛ ḿbɔ́ ndɑ́tsɑ́ŋ lɑ́, ŋ́kẅíitɛ mbɑ pʉɔ pi pɛ́ sɛ́ ńnyɛt wɔ́p nɛ́ ŋɡʉ̈ɔ́Ꞌ pɑ́Ꞌ yi pɛ́ ńnyɛt pɔ wʉ́ʉ nɛ́ ŋɡʉ̈ɔ́Ꞌ lɑ́.