Ɛ́bɛlʉʉ 10:20 - Kɑɑ Fí

²⁰ A kɑ ɛ́sɑ mɑ́mɑ́ yúu ndẅí yi pɛ́ kɑ lɔknɛ ńtsɛ́t ndúŋ nɛkúu kwɑꞋ zʉꞋ-Sɛ́, ńdɔk pɔ́Ꞌɔ, ńtsɔ́Ꞌ sɛ̂ndúŋ ẅí pɛkŋɛ ɡʉ ńdɛɛ nǔu ŋ́kúu zʉꞋ yi Sɛ́ zúꞋu. Ɛ́ pɔ́ wɛ fí ẅi pɛkŋɛ ɡʉ ńdɛɛ nǔu ḿbɔ́ ɡú. Mɑ́mɑ́ ndẅí yi ɛ́ kɑ ɛ́sɑnɛ́nɛ, ɛ́ pɔ́ pɔ mbɑp mbʉʉ yɛ́ yi pɛ́ kɑ kẅiinɛ nǔu tʉ́ mbɑ́ŋtɛ pɑ́ŋtɛ́nɛ.

Ɛ́bɛlʉʉ 10:20 交叉引用

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 10:9

Ntsuŋkɑ́Ꞌ pɔ́ pɔ mɔ, ŋu lɑɑ ńdɛɛ nǔu mɔ ŋ́kúu ŋkɑ́Ꞌ, mbɔ ŋɡɑŋ ɡʉ ŋ́ɡɛ ńduk. A ɡʉ ḿbɔ́ ŋ́kúu ŋkɑ́Ꞌ, ńcẅɛt pɑ́Ꞌ ɑ kɔŋnɛ, ḿbɔ́ ńjʉ́ɔ yúu kwɛ́tnɛ.

Ɛ́bɛlʉʉ 9:3

Lûm wɛ tsɛtú ẅi ɑ nzʉʉ yúu ndẅí ɛ̂yɑ́ pɔ́ kwɑꞋ zʉꞋ-Sɛ́.

Ɛ́bɛlʉʉ 9:8

Zẅikŋɛ Lɛ́ɛnɛ́nɛ kɑ pɔ́ ńdɔk pɔ́Ꞌɔ, nyɛt ŋɡɔ wɔ nduŋmbi ntɑp lɑɑ ŋ́kɛ́ ńdɑ́Ꞌ ḿbɛ́t ḿbɔ́ pɔ ɡú, mbɔ sɛ̂ndúŋ nɛtɔ́k tɛ ŋ́kúu nǔu kwɑꞋ zʉꞋ yi Sɛ́ zúꞋu, kɛ́ tsɔ́Ꞌnɛ pɔ́.

Ɛ́bɛlʉʉ 6:19

Nɛpɔ́ ẅi pɛkŋɛ sɛ́ ńzẅíꞋlɛ yúu pɔ mbɔ̌ Sɛ́ ɡɛ tʉ́m yɛkŋɛ pɔ́tnɛ ńnɑ́ŋ kɛ́ ɡwɛt. Pɛkŋɛ sɛ́ ńtsuŋ ńjí ŋɡɔ pɛkŋɛ ɡʉ ńdɑ́Ꞌ ɛ́sɔ́ nɛshẅɛ́lɛ́, ŋ́kúu zʉꞋ yi Sɛ́ zúꞋu.

Jɑ̂ŋ 10:7

Yɛ́su pɛn ńcú mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, ntsuŋkɑ́Ꞌ-mɛnjinjɔ pɔ́ pɔ mɔ.

1 Jɑ̂ŋ 4:2

Yúu mi pʉʉ ɡʉ ńdɔk ńjí Zẅikŋɛ yi ɛ́ fúnɛ mbɔ̌ Sɛ́ pʉ́ɔlɑɑ. Ŋu lɑɑ ḿbɛ́m ŋɡɔ Yɛ́su Kɛlístɔ kɑ shɔtnɛ ńtsʉ́Ꞌ kwɑꞋ ŋumɛsɔŋ, mbɔ ŋɡɑŋ ɡẅɛɛ Zẅikŋɛ yi ɛ́ fúnɛ mbɔ̌ Sɛ́.

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Lúkɑ́shi 23:45

Ndẅí yi pɛ́ kɑ lɔknɛ ɛ́sɑ́ɑ ndɑ́-nɛnɔŋpɔꞋ, sɑnɛ tsɛtsɛt, ɛ́fú tʉ́ ŋ́kúu sɛ́.

Mɑ́lɛ́kúshi 15:38

Tʉ́m-Yɛ́su cʉ́ɔ pɔ́Ꞌɔ, ndẅí yi pɛ́ kɑ lɔknɛ ŋ́kʉŋ yɛcɔ́ zʉꞋ tsɛt ndɑ́ yi ɛ́ zʉꞋ-nɔŋpɔꞋ, fú tʉ́ ɛ́sɑ́ɑnɛ tɛ ŋ́kúu sɛ́.

Mɑtʉ̈ɔ 27:51

Yɛ́su cʉ́ɔ pɔ́Ꞌɔ, ndẅí yi pɛ́ kɑ lɔknɛ ŋ́kʉŋ yɛcɔ́ zʉꞋ tsɛt zʉꞋ-nɔŋpɔꞋ fú tʉ́ ɛ́sɑ́ɑnɛ pɑk pɛ́pɑ́ tɛ ŋ́kúu sɛ́. Tsɛ́tsɑ́Ꞌ tsʉ́Ꞌnɛ, mɛŋɡɔꞋ sɑ́ɑtɛ,

2 Jɑ̂ŋ 1:7

Pɑcɔtnu sɑt mɔ́ ndǔmbí tɛ ńzɑ́ɑ. Pɔ́p kɑ́ pɔ́ ḿbɛ́m ŋɡɔ Yɛ́su Kɛlístɔ kɑ tsuŋ ɛ́shɔtnɛ ńtsʉ́Ꞌ ŋumɛsɔŋ pɔ́, pɔ́p kwɑꞋ ɡɑŋcɔtnu, ḿbɔ́ pɛɡɑŋmbuu-Kɛlístɔ.

Ɛ́fɛ̂zɛ 2:15

Yɛ́su kɑ pík mbʉ́ʉ-pɑyúdɑ yi ɛ́ cúnɛ ŋɡɔ, ɡɛ yɔ, ɡɛ yi, lɑ ńdɔk ḿbɔ́ ŋu-Sɛ́, ḿbík pɔ́Ꞌɔ, pɑ́Ꞌ Pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́ ɡʉ ńdɔk pɑ́Ꞌ mbɑ wɔ̌ lɑ́ nǔu pɔ́p ɡʉ ńdɑt mbʉʉ yɔp nǔu Yɛ́su, ńtɛmtɛ ńtsʉ́Ꞌ nɔɔ fí. A lɔk ḿmɛk mbuu tsɛtsɛt pɔ́p, pɔ́p nɑ́ŋ nɛ́ mbɔ́tnɛ.