Kɔlɔsíyɛ̂ŋ 2:23 - Kɑɑ Fí

²³ Ɛ́ nɛ́nẅín mɔ mɛnu fí njʉ̈ɔ̌ ɛ́ pɔŋ tɛꞋ lɑ́, mbíꞋŋɡɔ ɛ́ píkŋɛ nɛɡúꞋlɛ Sɛ́, ŋ́ɡɑ́ mbʉʉ sɛ́, ńnyɛt mbʉʉ nɛ́ ŋɡʉ̈ɔ́Ꞌ. Lɑ́ mîmɑ́ mɛyúu mbɔ ɛ́ pɔɔ cẅɛ́lɛ́ nǔu yɛcɔ́ yúu pɔ́. Ɛ́ cẅɛ́lɛ́ pɔ ndɑꞋ nɛɡɛ yúu mi ŋumɛsɔŋ kɔŋnɛ.

Kɔlɔsíyɛ̂ŋ 2:23 交叉引用

1 Timɔtɛ́ɛ 4:8

Ŋu lɑɑ ŋ́kʉɔ ndʉ́ɔlɛ́, mbɔ ɛ́ ɡʉ ńcẅɛ́lɛ́ ndɑꞋ mbʉʉ yɛ́. Lɑ́ nɛɡɛ yúu mi ɛ́ pɔŋnɛ Sɛ́, cẅɛ́lɛ́ nǔu yúu tsʉʉ. Pɛkŋɛ fú nǔu ńjí ŋɡɔ pɛkŋɛ ɡú ŋkɔ̂ɔnɛ tɛ mbɑ nǔu ŋkɑ́ yi ɛ́ ɡʉ ŋ́ɡɛ lɑ́ ńtɔ́.

Kɔlɔsíyɛ̂ŋ 2:18

Pʉʉ pɑ́ɑ pɑ́Ꞌ mbɔ pɛcɔ́ pʉɔ tɔ́ ɛ́fúklɛ wʉ́ʉ pʉʉ pɛ́ tsɔ́ꞋfɑꞋ-ntsɔ yi Kɛlístɔ kɑ jʉ́nɛ ŋ́ɡɑ́ mbɔ̌ pʉʉ. N dɑꞋ pʉɔ pi pɔ́p cúnɛ ŋɡɔ pɔ́p ɡɑ́ mbʉʉ yɔp sɛ́ tɛꞋ, ḿbɔ́ pʉɔ pi pɔ́p ɡúꞋlɛ́nɛ pɛcʉ̈ɔ́Ꞌ-Sɛ́. Pɔ́p pɛn ńdɔk yúu mi pɔ́p cúnɛ ŋɡɔ Sɛ́ níɛꞋ mík mɔ́p pɔ́p jʉ́ɔ ńdɔk ŋ́ŋɑ́Ꞌtɛ níinɛ. Pîpɑ́ pʉɔ ɡẅɛɛ pɔ kwɑŋɛ-pʉɔmɛsɔŋ, ŋ́ɡɛ pɔ́p pɛ́m pɔ mɛ́m.

Kɔlɔsíyɛ̂ŋ 2:8

Pʉʉ pɑ́ɑ ŋu nɛlɔk jínu-pʉɔmɛsɔŋ yi ɛ́ pɔ́ pɔ fɑ́k fɛ̌ɛ, ɛ́fúklɛ wʉ́ʉ, pʉʉ vu nǔu ɡwɑk yɛ́. Yîyɑ́ pɔ́ pɔ cɔtnu yi ɛ́ jʉ́ɔꞋnɛ nǔu nɔŋ-pʉɔmɛsɔŋ, ḿbɛn ńjʉ́ɔꞋnɛ nǔu mɛtʉʉ mɛntɛ́ mɛntɛ́ mi ɛ́ ndǔmbí, ɛ́ kɑ́ jʉ́ɔꞋnɛ nǔu Kɛlístɔ pɔ́.

1 Timɔtɛ́ɛ 4:3

Pîpɑ́ pʉɔ sɛ́ ńzíꞋ pʉɔ ŋɡɔ kɔɔ pɔ́p zɔ́Ꞌ, ŋɡɔ kɔɔ pɔ́p kwɛ́t yɛcɔ́ yúupɛ́jʉ́, lɑ mbɔ Sɛ́ kɑ niitɛ́nɛ mîmɑ́ mɛyúu nɛpɔ́ yi pʉɔ pi pɔ́p zɑ́pnɛ tʉ́m nǔu wɛ́, ḿbɔ́ ńjí nu yi ɛ́ nɛ́nẅín, ɡʉ ḿbɛ́ɛ, ŋ́ɡɑ́ pɑ́Ꞌlɑ́ mbɔ̌ wɛ́ nǔu, ńjʉ́.

Kɔlɔsíyɛ̂ŋ 2:22

Mɔnɛ mɛndúŋ kɛ́ ḿbɔ́ pɔ nǔu yúu mi pɛ́ jʉ́nɛ ɛ́ mɛ mɛnɛ, ḿbɔ́ pɔ mɛnu mi pʉɔmɛsɔŋ nɑ́ŋnɛ sɛ́ ŋ́kwɑŋɛ ńzɑ́p.

Ɛ́fɛ̂zɛ 5:29

Wɛcɔ́ ŋu ŋkɑɑ mɔ́ zɛɛ ḿbɑɑ mbʉʉ yɛ́ pɔ́. Ŋu lɔ ńzẅík mbʉʉ yɛ́ zẅíknɛ ḿbɛn ńniitɛ. Ɛ́ ndʉ́ŋndʉŋ pɑ́Ꞌ Yɛ́su Kɛlístɔ ɡɛnɛ nǔu cúꞋlɛ-pʉɔ pɛ́ pɔ́Ꞌɔ,

Pʉɔ-Lɔ́mɑ 13:14

Pʉʉ tíi nɛpɔ́ wɛ fí ẅi Yɛ́su Kɛlístɔ Tsɑpʉɔ wɛkŋɛ ɡɑ́nɛ ḿmɑꞋ. Kɔɔ pʉʉ pɛn ńnɑ́ŋ ŋ́kwɑŋɛ nu nǔu mɛyúu kɛpɔŋ mi mbɑp-mbʉʉ yʉʉ tsʉ́ʉnɛ́nɛ wʉ́ʉ pʉʉ tsɑ́ɑ nɛɡɑ́ mbɔ̌ wɛ́.