Kɔlɔsíyɛ̂ŋ 1:28 - Kɑɑ Fí

²⁸ Ɛ́ yɛ́tɛ́ lɑ́ pɛk kɛ́ ḿbɔ́ ɛ́sẅíi nu-Kɛlístɔ mbɔ̌ pʉɔtsʉʉ sẅíinɛ, ńdɔk pɔ jínu yi Sɛ́ ɡɑ́nɛ mbɔ̌ pɛk, ńzíꞋ pʉɔ nɛ́ yúu, ɛ́shuŋ nɛtúutɛ mbɑ wɔ̌ lɑ́, nɛpɔ́ yi ɑ ɡʉ ŋ́kɛ́ ńdɑt mbʉʉ yɛ pɔ nǔu Kɛlístɔ ńdɔk ŋ́ɡʉ nɛ́ mbi, tɛ ńtsʉklɛ pɑ́Ꞌ pʉɔ-Sɛ́ ɡẅɛɛnɛ nɛpɔ́ pɔ́Ꞌɔ lɑ́.

Kɔlɔsíyɛ̂ŋ 1:28 交叉引用

Ɛ́fɛ̂zɛ 5:27

A kɑ pɔ́ ŋ́kɔŋ ŋɡɔ yîyɑ́ cúꞋlɛ, ɛ́ ɡɔ́ tʉ́ʉ mbi yɛ́, ńtsuŋ ḿbɔ́ ŋ́ŋwɑŋɛ, ḿbɔ́ kɛ́ ncʉ́, kɛ́ yɛcɔ́ zʉꞋ mbʉʉ yɛ́ ŋúꞋlɛ, kɛ́ yɛcɔ́ lɔ́Ꞌ, yɛcɔ́ yúu pɔɔ pɛ́t ńjɑ́k nǔu wɛ́ pɔ́.

Mɑtʉ̈ɔ 5:48

Pɔ́Ꞌɔ lɑ́, pʉʉ pɔ́ pɑ kɛ́ lɔ́Ꞌ, pɑ́Ꞌ Tɑ̌ɑ wʉʉ ẅí ɑ tʉ́nɛ́pú kɛ́ lɔ́Ꞌ.»

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

1 Kɔlɛ̂ŋtɛ 2:6

Pɛk pɛn ŋ́kɛ́ ŋ́ɡʉ nǔu pʉɔ-Kɛlístɔ pi pɔ́p tsʉklɛnɛ nǔu nɛzɑ́p tʉ́m nǔu Sɛ́, ńzíꞋ wɔ́p nɛ́ jínu. Lɑ́ yîyɑ́ jínu kɛ́ mbɔɔ jínu yɔ mbí pɔ́, ŋ́kɛ́ mbɔɔ jínu yi ɛ́ fúnɛ mbɔ̌ yúu kɛpɔŋ yi ɛ́ sɑ́Ꞌnɛ yɔ mbí, ḿbɔ́ mi pɛ́ ɡʉ ŋ́ɡɛ ḿbík pɔ́.

Kɔlɔsíyɛ̂ŋ 1:22

Lɑ́ ɛ́ kɛ́ ḿbɛn ḿbɔ́ ŋkɔ̂ɔnɛ, mbɔ ɛ́ kɑ fú nǔu pɑ́Ꞌ Mɔ́ɔ nɛ kɑ tsʉ́Ꞌnɛ ŋumɛsɔŋ, ḿpfú, ɛ́shuŋ wʉ́ʉ ḿbɛn ńtík nɛjɔ́ŋ wɛ́, ɛ́shuŋ wʉ́ʉ pɔ́Ꞌɔ, nɛpɔ́ yi pʉʉ ɡʉ ḿbɔ́ Ndɛ́ɛnɛ Lɛ́ɛnɛ́nɛ, ḿbɔ́ pɑkɛ́fɑɑnnɛ, ḿbɔ́ pɛkɛ́lɔ́Ꞌ.

2 Kɔlɛ̂ŋtɛ 11:2

Pʉʉ jí ŋɡɔ ŋ kɔŋ wʉ́ʉ tɛ ŋ kɑ́ pɛ́m ŋɡɔ ŋu ɡɔ́ ŋ́ɡɛ yúu nǔu pʉʉ m bɔ́ ńjʉ́ɔ pɔ́. Yîyɑ́ ntɛ́ ŋkɔŋɛ yi ŋ ɡẅɛɛnɛ nzʉʉ pʉʉ fú pɔ mbɔ̌ Sɛ́, mbíꞋŋɡɔ pʉʉ mbɔ̌ mɔ, ḿbɔ́ pɑ́Ꞌ mɔ́ɔ mɑŋɡɛ́ ẅi ŋ kɑ pʉ́nɛ mbɔ̌ tɑ́Ꞌ ŋu wɛ́mɔ́Ꞌ, ŋɡɑŋ pɔ́ Kɛlístɔ. Mɔ sɛ́ ńdɛꞋlɛ wʉ́ʉ mbɔ̌ wɛ́ ŋɡɔ pʉʉ pɑ́Ꞌ mɔ́ɔŋɡɔɔ ẅi ɑ kɑ́ tíi yɛcɔ́ lɔ́Ꞌ pɔ́.

2 Kɔlɛ̂ŋtɛ 4:5

Pɛk kɑ pɔ́ ŋ́ɡɔ ńcẅi Ŋkʉʉ Sʉ́Ꞌnɛ, mbɔɔ fɑꞋ pɔ pɑ́Ꞌ pɛ́ ɡʉ ńjí wɛ́k pɔ́, pɛk fɑꞋ pɔ pɑ́Ꞌ pɛ́ ɡʉ ńjí ŋɡɔ Yɛ́su Kɛlístɔ Tsɑpʉɔ. Pɛk tʉ́ʉ ḿbɔ́ pɔ pɑfɑꞋ fɑꞋ pi pɔ́p fɑꞋnɛ mbɔ̌ pʉʉ mbíꞋ Yɛ́su,

ŊwɑꞋnɛ-Gɑŋntúu Yɛ́su Kɛlístɔ 20:31

Pʉʉ pɑ́ɑ nɛmɛꞋ ku. Pʉʉ kẅíitɛ ŋɡɔ ŋ kɑ lɔk ŋɡuꞋ yɛ́tɑ́t, ɛ́ pɔ́ pɔ nɛtúꞋ, ḿbɔ́ pɔ nɛnɛm, m bɔ́ ŋ́ɡɑ́ ntík mbɔ̌ mbɑ wɔ̌ lɑ́ tsɛtsɛt pʉʉ kɛ́ kɑ́ɑ. Tɛ ŋ́ɡɔ ŋ́ɡɑ́, ḿbɔ́ ńdɑɑ.

ŊwɑꞋnɛ-Gɑŋntúu Yɛ́su Kɛlístɔ 8:35

Filîp ɡɔ́ ńcú nu nɛlɔk ńcẅi Ŋkʉʉ Sʉ́Ꞌnɛ nǔu Yɛ́su, ńzɛ pɔ kwɑꞋ nǔu yɔ zʉꞋ-ŋwɑꞋnɛ ɛ̂yɑ́.

Ɛ́bɛlʉʉ 10:14

Yɔ pɑ́Ꞌ ɑ kɑ lɔknɛ pɔ tɑ́Ꞌ yúu wɛ́mɔ́Ꞌ ẅi ɑ ɡɑ́nɛ mbɔ̌ Sɛ́, ŋ́ɡɛ pʉɔ pi pɔ́p ńdúꞋnɛ wɛ́, ŋ́kuꞋ pʉɔ-Sɛ́, ḿbɔ́ pɛ́ kɛ́ lɔ́Ꞌ pɔ ndɑꞋ ndɑꞋ.

1 Timɔtɛ́ɛ 3:2

Ɛ́ píkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kɑ́ kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, kɔɔ ɑ ɡɛ yɛcɔ́ yúu tɛ ɛ́ lɛɛ. A pɔ́ ŋu ẅí ɑ sɑ́ŋ nu lɑ ŋ́ɡɛ, ḿbɔ́ ŋu ẅí ɑ kúkŋɛ pɛɡʉʉ sʉ́Ꞌnɛ, ŋ́kuꞋ nɛzíꞋ pʉɔ nɛ́ yúu.

Kɔlɔsíyɛ̂ŋ 2:10

Pʉʉ pɛ́ Kɛlístɔ tɛmtɛ, Sɛ́ fú nǔu ŋ́ɡɑ́ yʉ́ʉ fuꞋ ntɛ́ nɛ́ ntɛ́. Kɛlístɔ ɛ̂wɑ́ lɛɛ mbɑ kʉ̈ɔ́ lɑ́ yi ɛ́ ɡẅɛɛnɛ tʉʉ, ḿbɛn ḿbɔ́ ɛ́sɑ́Ꞌ mbí.

1 Kɔlɛ̂ŋtɛ 12:8

Ɛ́ pɔ́Ꞌɔ lɑ Zẅikŋɛ ɡɑ́ pɔ́fɑꞋ wɛcɔ́ ŋu, ɑ pɔ́ ŋ́ɡẅɛɛ shʉ́ nɛlɔk jínu ḿbʉ̈ɔt nu, wɛcɔ́ ɡẅɛɛ shʉ́ nɛpʉ̈ɔt nu nǔu ntɛ́ yi pɛ́ ɡʉ ńjí nu nɛ́nẅín, tɑ́Ꞌ zẅikŋɛ kɛ́nɛ ŋ́ɡɛ.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

2 Kɔlɛ̂ŋtɛ 10:14

Pɛk kɑ́ pɔ́ ŋ́ɡʉ ńjɛ́Ꞌ ndẅiklɛ-fɑꞋ yɛ́k pɔ́ pɑ́Ꞌ ŋkɑ́ yi pɛk ŋ́kɑɑ zɛɛ ŋ́ɡʉ tɛ ŋ́kúu lɑ́Ꞌ pʉʉ pɔ́ pɔ́. Pɛk wɔnɛ kɑ piitɛnɛ mbi ńdɔk Ŋkʉʉ sʉ́Ꞌnɛ-Kɛlístɔ ńtɔ́ lɑ́Ꞌ pʉʉ.

1 Kɔlɛ̂ŋtɛ 15:12

Pɛkŋɛ pɛpɔ́p lɑɑ ḿbɛn ḿbɔ́ ɛ́sɑ́Ꞌ ɛ́sẅíi pʉɔ ŋɡɔ Kɛlístɔ kɑ zẅíimɛ nǔu nɛvú, mbɔ ɛ́ ɡʉ ŋ́ɡɛ pɑ́Ꞌ pɛcɔ́ ntɑ́Ꞌ pʉɔ tsɛtsɛt pʉʉ cú ŋɡɔ pɛ́ kɛ́ pfú ḿbɛn ńzẅíimɛ pɔ́ pɔ́ ɔɔ?

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

Lúkɑ́shi 21:15

Mɔ ŋ́ɡɛnɛ ńzɛɛ ńdɑ́Ꞌ ŋ́ɡɑ́ jínu yi pʉʉ ɡɛ ńdɔk ńtsɔ́Ꞌ nu. Pʉʉ tsɔ́Ꞌ nu tɛ ɡɑŋmbuu pʉ́ʉ pɔɔ zɔŋ, ŋ́kɛ́ ḿbɔɔ kíi ńcú yɛcɔ́ nu pɔ́.

1 Kɔlɛ̂ŋtɛ 2:15

Ŋu ẅí Zẅikŋɛ Lɛ́ɛnɛ́nɛ nǔu wɛ́, ɑ kuꞋ nɛtɑꞋ mbɑ yɛ́tɛ́ nu lɑ́ tsʉʉ ńdíŋɛ. Lɑ́ ŋ́ɡʉ nǔu wɛ́, mbɔ ɛ́ lɑɑ ḿbɔ́ wɛcɔ́ ŋu pɔɔ yɛ́ nu líŋɛ.

1 Kɔlɛ̂ŋtɛ 1:23

Lɑ́ ɛ́ kɛ́ ŋ́ɡʉ nǔu pɛk, pɛk sɛ́ ɛ́sɑ́Ꞌ pɔ nu-Kɛlístɔ ẅi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Yîyɑ́ nu pɔ́ mbɔ̌ pɑyúdɑ ḿbɔ́ nu yi ḿbɔ́ pɛ́ zɛɛ mbɔɔ kẅíi tɛ ɛ́sẅíi ŋu pɔ́, ḿbɔ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́ ḿbɔ́ pɔ mɛnu-pɛpɑ́lɛ.

Pʉɔ-Lɔ́mɑ 16:25

Pɛkŋɛ ɡúꞋlɛ Sɛ́. Jʉ́ kuꞋnɛ nɛɡɛ pʉʉ tɛntɛ tɛntɛ́nɛ nzʉʉ wɛ́. Ŋkʉʉ Sʉ́Ꞌnɛ ẅí n cẅinɛ ɛ́ cú nu nǔu Yɛ́su Kɛlístɔ, ɛ́ ɡʉ ḿbɔ́ ɛ́fɑꞋ yîyɑ́ fɑꞋ. Sɛ́ lɔk wɔ Ŋkʉʉ Sʉ́Ꞌnɛ, ńnyɛt yúu mi ɑ kɑ zɑ́pnɛ nǔu Kɛlístɔ, mbɔ ɛ́ kɑ zɛɛ ḿbɔ́ yi lʉɔmɛ́nɛ tɛ ɛ́fú tɛ mɛŋɡuꞋ.

ŊwɑꞋnɛ-Gɑŋntúu Yɛ́su Kɛlístɔ 17:3

Pɔ̂l pɔ́ ńniitɛ ŋ́kyɛ́Ꞌtɛ ɛ́sẅíi wɔ́p ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ, kɑ ɡẅɛɛ nɛjʉ́ɔ ŋɡʉ̈ɔ́Ꞌ, ḿpfú, ḿbɛn ńzẅíimɛ nǔu nɛvú. Nzɑ́Ꞌŋkʉ ɛ̂wɑ́ Yɛ́su ẅi ɑ sẅíinɛ wɔ́p lɑɑ.

ŊwɑꞋnɛ-Gɑŋntúu Yɛ́su Kɛlístɔ 10:36

Sɛ́ kɑ túu sẅiŋɛ yɛ́ mbɔ̌ pɔ́ɔ-Íslɑyɛ̂l. Ɛ́ pɔ́ Ŋkʉʉ Sʉ́Ꞌnɛ, ńcú nu nǔu mbɔ́tnɛ yí pɛ́ lɛɛnɛ nǔu Yɛ́su Kɛlístɔ ẅí ɑ Tsɑpʉɔ-pʉɔ tsʉʉ ŋ́ɡẅɛɛ.

ŊwɑꞋnɛ-Gɑŋntúu Yɛ́su Kɛlístɔ 9:20

Ɛ́ ɡɔ́ ḿbɔ́, mbɔ ɑ ŋkɑɑ kɛ́ ńzẅíꞋlɛ lɑ́ ńzɛ nɛpɔ́ ŋ́kúu mɛndɑ́-mɛcúꞋlɛ-pɑyúdɑ mi ɛ́ zúꞋu, ḿbɔ́ ɛ́sɑ́Ꞌ ŋɡɔ Yɛ́su mɔ́ɔ-Sɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 8:5

Filîp ɡʉ tsɛt yɛcɔ́ tʉ́sɔŋ-Sɑmɑlîi, ŋ́kúu zúꞋu, ɛ́sɑ́Ꞌ nu-Nzɑ́Ꞌŋkʉ.

ŊwɑꞋnɛ-Gɑŋntúu Yɛ́su Kɛlístɔ 5:42

Pɔ́p ɡʉ pɔ́Ꞌɔ, ḿbɔ́ lɛ́Ꞌ tsʉʉ tsɛt ZʉꞋ-nɔŋpɔꞋ, mbɑ tsɛt mɛndɑ́ mɛndɑ́, ḿbɔ́ ńzíꞋ pʉɔ nɛ́ yúu, ḿbɔ́ ɛ́sɑ́Ꞌ Ŋkʉʉ Sʉ́Ꞌnɛ, ńcú ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 3:20

Ɛ́ lɛɛ pɔ́Ꞌɔ, Tsɑpʉɔ ɡɛ pʉʉ pɔ́ tsɛt mɔ́fíitɛ. A ɡɛ ńtúu Nzɑ́Ꞌŋkʉ ẅí ɑ kɑ zɑ́Ꞌnɛ njí ńtsɔ́Ꞌ wɛ́ ntɛ́ tú yʉ́ʉ, ɑ pɔ́ Yɛ́su.

Mɑ́lɛ́kúshi 6:34

A kúu zúꞋu, ɛ́fú tsɛt kɑnúꞋ ńcẅɛt, ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́, mbíꞌŋɡɔ pɔ́p ḿbɔ́ pɑꞋ nɔɔ-mɛnjinjɔ mi ntsiinɛ kɑ́ pɔ́ ɡú pɔ́ lɑ́. A zɛ nɛzíꞋ wɔ́p nɛ́ mɛnu tɛ ńzɑ́ɑ.

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Mɑtʉ̈ɔ 3:7

Jɑ̂ŋ jʉ́ɔ pɑ́Ꞌ pʉɔ nǔu nɔɔ-pɑfɑlísɑy pɔ́p pʉɔ nǔu nɔɔ-pɑsɑdukɑy tɔ́nɛ yɔ́p tɛ ńzɑ́ɑ, pɑ́Ꞌ ɑ ɡʉ ńnuꞋ wɔ́p ŋki, ɑ cú mbɔ̌ pɔ́p ŋɡɔ: «Njẅɛt mɛnɔ́, pɑtɑ́ɑ mɛzúŋ, wɔ̌ pɛnnɛ ɛ́sẅíi wʉ́ʉ nɛkʉɔ ŋɡʉ̈ɔ́Ꞌ yi pʉʉ lɔɔnɛ tɛ ɛ́ pɔ́ ŋ́ɡʉ ḿvu nǔu pʉʉ?

2 Pyɛ̂ 3:15

Tɑ́Ꞌ yúu mi ɛ́ pɛn ḿbɔ́ ḿbíkŋɛ ŋɡɔ pʉʉ kẅíitɛ ɛ́ pɔ́ pɔ ŋɡɔ, Tsɑpʉɔ pɔ́tnɛ ńzẅíꞋlɛ, ɑ kɑ́ pɔ́ fɛ́Ꞌnɛ ńtɔ́ pɔ́, nɛɡɑ́ shʉ́ pɑ́Ꞌ ḿbɔ́ pʉɔ luk. Ɛ́ pɛn ḿbɔ́ pɔ yúu mi Pɔ̂l, mɔ́ɔmɑ́ wɛkŋɛ, ḿbɔ́ súu wɛkŋɛ kɑ cúnɛ tsɛt mɛŋwɑꞋnɛ mi ɑ kɑ ɡɑ́nɛ mbɔ̌ pʉʉ. A kɑ lɔk pɔ jínu nu yi Sɛ́ kɑ ɡɑ́nɛ mbɔ̌ wɛ́ lɑ ńdɔk ńcú.

Ɛ́bɛlʉʉ 13:21

Ɛ́ pɔŋ ŋɡɔ Sɛ́ mbɔ́tnɛ ɛ̂wɑ́, ɡɛ pʉʉ kuꞋ nɛɡɛ nu sʉ́Ꞌnɛ nɛpɔ́ yi pʉʉ ɡʉ ŋ́ɡɛ pɔ yúu mi ɑ sɛ́ ŋ́kɔŋ. Ɛ́ pɔŋ ŋɡɔ jʉ́ Sɛ́ fú nǔu Yɛ́su Kɛlístɔ, ŋ́ɡɛ yúu mi ɛ́ pɔŋnɛ wɛ́ pɔ́ nǔu pɛkŋɛ. NɛɡúꞋ pɔ́ mbɔ̌ Yɛ́su Kɛlístɔ nǔu mɛŋɡuꞋ mɛŋɡuꞋ! Ɛ́ pɔ́Ꞌɔ.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

1 Tɛsɑlɔník 4:6

Lɑ́ ɛ́ ɡʉ nǔu nu-mɑŋɡɛ́, kɔɔ ŋu ɡɛ nu kɛpɔŋ nǔu mɔ́ɔmɑ́ wɛ, kɔɔ ɑ zɛɛ ɛ́fúklɛ wɛ́ mbɑ fúklɛ́nɛ, mbíꞋŋɡɔ Tsɑpʉɔ wɛkŋɛ ɡʉ ńdɑ́Ꞌ ńníꞋ ŋɡʉ̈ɔ́Ꞌ tú-pʉɔ pinɛ pɔ́p ɡɛnɛ pɔ́Ꞌɔ. Pɛk kɑ lɑ́Ꞌ ɛ́sẅíi wʉ́ʉ tɛ ńtsuŋ ɛ́sẅíi.

1 Kɔlɛ̂ŋtɛ 4:14

Ŋ kɑ́ pɔ́ ŋwɑꞋnɛ yɔ nu ńdɔk ńtɛ́m pɔ sʉ́ʉ nǔu pʉʉ pɔ́, n dɔk ńzíꞋ wʉ́ʉ pɔ nɛ́ yúu, mbíꞋŋɡɔ pʉʉ mbɔ́ŋkʉ̈ɔ́ pɑ́ɑ pi ŋ kɔŋnɛ wʉ́ʉ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 13:38

Pɔ́ɔpɛ́mɑ́, jínɛ ŋɡɔ pɛ́ sẅíi wʉ́ʉ lɔ́Ꞌnɛ ŋɡɔ mbɔ Sɛ́ likŋɛ mɛnu kɛpɔŋ pʉɔ pɑꞋnɛ nɛtẅɛꞋ-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 11:20

Lɑ́, pɛcɔ́ ntɑ́Ꞌ-pɑpɛ́m Yɛ́su tsɛtsɛt pɔ́p pi pɔ́p ḿbɔ́nɛ pʉɔ-Silɛ̂nɛ, mbɑ pɛ́ Shíipɛlɛ, ɡʉ tɛ ŋ́kúu Antíyɔshɛ ɡúu, ɛ́sẅíi nu-Ŋkʉʉ Sʉ́Ꞌnɛ-Tsɑpʉɔ Yɛ́su mbɑ mbɔ̌ pʉɔ pinɛ pɔ́p kɑ́ pɔ́ pɑyúdɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 17:18

Pɔ́p pɛcɔ́ pɑkwɑŋɛ nu, kɑ pɛn ḿbɔ́ ɛ́sẅíŋɛ, pɔ́p pɔ́ pʉɔ pi pɔ́p tsɛtsɛt pʉɔ-Ɛ́pikẅíl mbɑ pinɛ pɔ́p tsɛtsɛt pʉɔ-Sɛtɔyisíyɛ̂ŋ. Ɛ́ kɑ pɔ́ pɔ́Ꞌɔ, Pɔ̂l pɔ́ ńcú nu-Yɛ́su mbɔ̌ pɔ́p, mbɑ nu nǔu nɛzẅíimɛ nǔu nɛvú. Pɛcɔ́ zúꞋ pɔ́Ꞌɔ, ḿbíkŋɛ ŋɡɔ: «Wɑ́ ŋɡɑŋ-nɛsẅii cú ŋɡɔ kʉ̈ɔ́ lɑ́?» Pɛcɔ́ pɔ́ ŋɡɔ ɛ́ fí pɔ pɑ́Ꞌ ɑ sẅíi wɛkŋɛ nɛ́ nu nǔu mɛcɔ́ mɛsɛ́ mɛndɛꞋ.

Kɔlɔsíyɛ̂ŋ 2:3

FuꞋ-jínu tsʉʉ, mbɑ yi kwɑŋɛ nu tsʉʉ tɛmtɛ ńcúꞋlɛ ńdʉɔmɛ pɔ nǔu Kɛlístɔ.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.